ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

- WhatsApp Image 2017 07 12 at 9 - ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

ປະທານາທິບໍດີ ​ໂດນ​ັນ ທຣຳ ປະກາດ​ຮັບຮອງ​ນະຄອນຫລວງ​ເຢລູຊາ​ເລ​ມ​ໃນ​ຖານະ “​ເມືອງ​ຫລວງ​ຢ່າງ​ເປັນ​ທາງ​ການ” ຂອງ​ອິດສະ​ລາ​ແອນ ທ່າ​ມກາງ​ສຽງ​ປະນາມ​ຢ່າງ​ໜັກ​ຈາກສະຫະ​ປະຊາ​ຊາດ ​ແລະ ປະຊາ​ຄົມ​ອາຣັບ ວ່າ​ອາ​ເມ​ລິ​ກາ​ທຳລາຍ​ຂະ​ບວນການ​ສັນຕິພາບ ​ແລະ ກຳລັງ​ຈະ​ເຮັ​ດ​ໃຫ້​ຕາ​ເວັນ​ອອກ​ກາງ “ລຸກ​ເປັນ​ໄຟ”.

- lattana 1 - ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

- 5a283e7e002ee - ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ​ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 6 ທັນວາ​ວ່າ: ປະທານາທິບໍດີ ​ໂດ​ນັນ ທຣຳ ລົງ​ນາມ​ໃນ​ຄຳ​ສັ່ງ​ຝ່າຍ​ບໍລິຫານ ​ໃນ​ວັນ​ທີ 6 ທັນວາ ວ່າ​ດ້ວຍ​ການ​ຮັບຮອງ​ສະຖານະ​ການ​ຂອງ​ນະຄອນຫລວງ​ເຢລູຊາ​ເລ​ມ​ເປັນ “​ເມືອງ​ຫລວງ​ຢ່າງ​ເປັນ​ທາງ​ການ” ຂອງ​ອິດສະ​ລາ​ແອນ ​ແລະ ​ໃຫ້​ກະຊວງ​ການ​ຕ່າງປະ​ເທດ​ກຽມ​ການ​ຍ້າຍ​ສະຖານ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ຈາກ​ນະຄອນຫລວງ​ເທ​ລອາ​ວີ​ຟ​ໄປ​ນະຄອນຫລວງ​ເຢລູຊາ​ເລ​ມ ​ໂດຍ​ມີ​ຮອງ​ປະທານາທິບໍດີ ​ໄມ ​ເພນ ​ເປັນ​ສັກຂີ​ພິຍານ.

- 258d9eb0b4b449fd8d4dd7eb018907b5 - ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

- 1024x1024 - ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

ທັງ​ນີ້, ກ່ອນ​ໜ້າການ​​ລົງ​ລາຍ​ເຊັນ​ຂອງ​ທ່ານ ທຣຳ ທີ່​ໝາຍ​ເຖິງ​ການ​ເປັນ​ຜູ້ນຳ​ອາ​ເມ​ລິ​ກາ​ຄົນ​ທຳ​ອິດ​ນັບ​ແຕ່​ປະທານາທິບໍດີ ບິ​ລ ຄລີ​ນຕັນ ​ເຊິ່ງປະຕິ​ເສດ​ລົງ​ນາມ​ຢຸດ​ການ​ບັງຄັບ​ໃຊ້​ກົດໝາຍ​ສະຖານ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ​ນະຄອນຫລວງ​ເຢລູຊາ​ເລ​ມ ທີ່​ສະພາ​ຄອງ​ເກຣດລົງມະຕິ​ໃນ​ປີ 1992. ທ່ານ ທຣຳ ກ່າວ​ວ່າ: ການ​ຕັດສິນ​ໃຈ​ຂອງ​ທ່ານ​ໃນ​ເລື່ອງ​ນີ້​ເປັນ​ໄປ​ຕາມ​ຂະ​ບວນການ​ທີ່​ຖືກຕ້ອງ ​ເນື່ອງ​ຈາກ​ເຖິງ​ເວລາ​ແລ້ວ​ທີ່​ປະຊາ​ຄົມ​ໂລກ​ຕ້ອງ​ຮ່ວມ​ກັນ​ຮັບຮອງ​ນະຄອນຫລວງ​ເຢລູຊາ​ເລ​ມ​ໃນ​ຖານະ​ເມືອງ​ຫລວງ​ຢ່າງ​ເປັນ​ທາງ​ການ​ຂອງ​ອິດສະ​ລາ​ແອນ, ລັດ​ເອກະລາດ​ທີ່​ສົມຄວນ​ມີ “​ເມືອງ​ຫລວງ” ຄື​ລັດ​ປະຊາທິປະ​ໄຕ​ທຸກ​ແຫ່ງ​ໃນ​ໂລກ.

​ເຖິງ​ຢ່າງ​ໃດ​ກໍ​ຕາມ, ຜູ້ນຳ​ອາ​ເມ​ລິ​ກາ​ກ່າວ​ວ່າ: ລັດຖະບານ​ວໍ​ຊິງ​ຕັນ​ຍັງ​ສະໜັບສະໜູນ​ການ​ເຈລະຈາ​ສັນຕິພາບ​ລະຫວ່າງ​ອິດສະ​ລາ​ແອນ​ກັບປາ​ແລັສຕິນ ຕາມ​ແນວທາງ 2 ລັດ ​ເພື່ອ​ນຳ​ໄປ​ສູ່​ການ​ສະຖາປະນາ​ລັດ​ປາ​ແລັສຕິນຄຽງ​ຄູ່​ກັບ​ລັດ​ອິດສະ​ລາ​ແອນ, ພ້ອມ​ທັງ​ກ່າວ​ຕຳ​ໜິຜູ້ນຳ​ອາ​ເມ​ລິ​ກາ​ຄົນ​ກ່ອນ​ໜ້າ ທັງທ່ານ ບິ​ລ ຄລີ​ນຕັນ, ທ່ານ ຈອດ ດັບ​ເບິນ​ຢູ ບຸ​ສ ​ແລະ ທ່ານ ບາຣັກ ​ໂອ​ບາ​ມາ ວ່າ​ບໍ່​ສາມາດ​ຮັກສາ “ຄຳ​ໝັ້ນສັນຍາ” ​ເອົາ​ໄວ້​ໄດ້. ສ່ວນ​ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຜູ້ນຳ​ອິດສະ​ລາ​ແອນ ກ່າວ​ຍົກຍ້ອງ​ການ​ປະກາດ​ຂອງ​ທ່ານ ທຣຳ ວ່າຄື “ວັນ​ປະຫວັດສາດ” ສຳລັບ​ອິດສະ​ລາ​ແອນ ​ໂດຍ​ຖື​ເປັນ “ບາດກ້າວ​ສຳຄັນ​ສູ່​ການ​ສ້າງສັນ​ຕິ​ພາບ” ​​ໃນ​ຕາ​ເວັນ​ອອກ​ກາງ ​ແລະ ຮຽກຮ້ອງ​ໃຫ້​ບັນດາ​ປະ​ເທດ​ເດີນ​ຕາມ​ຮອຍ​ອາ​ເມ​ລິ​ກາ​ໃນ​ເລື່ອງ​ດັ່ງກ່າວ.

- 3811 - ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ

ຕໍ່​ມາ​ປະທານາທິບໍດີ ມາ​ມຸດ ອັບ​ບັດ ຜູ້ນຳ​ປາ​ແລັສຕິນ ກ່າວ​ວ່າ: ອາ​ເມ​ລິ​ກາ​ບໍ່​ຢູ່​ໃນ​ສະຖານະ​ຜູ້​ຮ່ວມ​ສ້າງສັນ​ຕິ​ພາບ​ໃນ​ຕາ​ເວັນ​ອອກ​ກາງ​ອີກ​ຕໍ່​ໄປ, ດ້ານ​ກຸ່ມ​ຮາ​ມັດ​ອອກ​ຖະ​ແຫລ​ງການ​ເຕືອນ​ວ່າ: ທ່ານ ທຣຳ ກຳລັງ “​ເປີດ​ປະຕູ​ນາຮົກ” ສຳລັບ​ຜົນ​ປະ​ໂຫຍ​ດຂອງ​ອາ​ເມ​ລິ​ກາ​ໃນ​ຕາ​ເວັນ​ອອກາງ. ຂະນະ​ທີ່​ບັນດາ​ປະ​ເທດ​ໃນ​ຕາ​ເວັນ​ອອກ​ກາງ ລວມທັງ​ອີຣານ, ອາຣັບບີ ຊາ​ອຸ​ດິດ, ລີ​ບັງ ​ແລະ ຊັອກດາ​ນີ ຕະຫລອດ​ຮອດ​ຕວກກີ ປະສານ​ສຽງ​ປະນາມ​ການ​ຕັດສິນ​ໃຈ​ຂອງ​ທ່ານ ທຣຳ ​ເລື່ອງ​ນະຄອນຫລວງ​ເຢລູຊາ​ເລ​ມ ​ແລະ ​ເຕືອນ “ການ​ລຸກ​ຮື້” ຄັ້ງຍິ່ງ​ໃຫຍ່​ໃນ​ຕາ​ເວັນ​ອອກ​ກາງ, ສ່ວນ​ທ່າທີ​ຂອງ​ມະຫາ​ອຳນາດ​ໃນ​ເອີຣົບ ຄື​ເຢຍລະ​ມັນ, ຝຣັ່ງ ​ແລະ ສະຫະ​ລາຊະ​ອານາຈັກ ລ້ວນ “ຜິດ​ຫວັງ” ​ແລະ ປະກາດ​ຈຸດ​ຢືນ​ຮ່ວມ​ກັນ​ຄັດຄ້ານ​ອາ​ເມ​ລິ​ກາ​ໃນ​ເລື່ອງ​ນີ້.