ພາສີແຂວງຈຳປາສັກແກ້ໄຂລົດບໍ່ຖືກຕ້ອງໄດ້ 1.457 ຄັນ

- WhatsApp Image 2017 07 12 at 9 - ພາສີແຂວງຈຳປາສັກແກ້ໄຂລົດບໍ່ຖືກຕ້ອງໄດ້ 1.457 ຄັນ

ອີງຕາມການໃຫ້ສຳພາດຂອງທ່ານ ຈະຕຸຣັດ ຄຳດວງ ຮອງຫົວໜ້າກອງກວດກາພາສີ ປະຈຳແຂວງຈຳປາສັກ ໃນການຈັດຕັ້ງປະຕິບັດວຽກງານວິຊາສະເພາະກ່ຽວກັບການແກ້ໄຂບັນຫາລົດບໍ່ຖືກຕ້ອງໃນ 10 ເດືອນປີ 2017 ສາມາດແກ້ໄຂໄດ້ທັງໝົດ 1.457 ຄັນ. ໃນນັ້ນ, ມີລົດໃຫຍ່ 570 ຄັນ, ລົດຈັກ 887 ຄັນ ແລະ ສາມາດເກັບລາຍຮັບເຂົ້າງົບປະມານແຫ່ງລັດໄດ້ເກືອບ 20 ຕື້ກີບ.     

- lattana 1 - ພາສີແຂວງຈຳປາສັກແກ້ໄຂລົດບໍ່ຖືກຕ້ອງໄດ້ 1.457 ຄັນ

ທ່ານ ຈະຕຸຣັດ ຄຳດວງ ກ່າວຕື່ມວ່າ: ກອງກວດກາພາສີ ປະຈຳແຂວງຈໍາປາສັກ ໄດ້ເຄື່ອນໄຫວຕາມພາລະບົດບາດ ໂດຍສະເພາະແມ່ນວຽກງານສາຍຕັ້ງຂຶ້ນກັບກົມພາສີ ກະຊວງການເງິນ, ປະກອບມີ 2 ຈຸງານຄື: ຈຸງານປະ ສານສົມທົບກັບອົງການປົກຄອງທ້ອງຖິ່ນ, ຈຸງານປະຕິບັດໜ້າທີ່ວິຊາສະເພາະ, ມີພະນັກງານ-ເຈົ້າໜ້າທີ່ພາສີປະຈຳກອງກວດກາ ທັງໝົດ 18 ສະຫາຍ, ຍິງ 4 ສະຫາຍ, ມີຄະນະກອງກວດກາ 3 ສະຫາຍ, ໃນແຕ່ລະໄລຍະຄະນະກອງກວດກາພາສີໄດ້ຊັບຊ້ອນໝູນວຽນພະນັກງານ-ສະມາຊິກພັກຕາມຄວາມຮູ້ຄວາມສາມາດ ແລະ ແບ່ງຄວາມຮັບ ຜິດຊອບຢ່າງລະອຽດ.

ຜ່ານການຈັດຕັ້ງປະຕິບັດວຽກງານວິຊາສະເພາະເປັນຕົ້ນແມ່ນ: ການແກ້ໄຂບັນຫາລົດບໍ່ຖືກຕ້ອງທີ່ແຂວງຈຳປາສັກ, ກອງກວດກາພາສີປະຈຳແຂວງໄດ້ຂຶ້ນບັນຊີໄວ້ເບື້ອງຕົ້ນທັງໝົດ 1.572 ຄັນ ແລະ ສາມາດແກ້ໄຂໄດ້ຈຳນວນ 1.457 ຄັນ. ໃນນັ້ນມີລົດໃຫຍ່ 570 ຄັນ  (ລົດຈິບ 61 ຄັນ, ລົດກະບະ 494 ຄັນ, ລົດເກັ໋ງ 15 ຄັນ), ລົດຈັກ 887 ຄັນ ແລະ ສາມາດເກັບລາຍຮັບເຂົ້າງົບປະມານຈາກການແກ້ໄຂລົດບໍ່ຖືກຕ້ອງ ຈຳນວນ 17,6 ຕື້ກວ່າກີບ, ນອກນັ້ນ, ຍັງໄດ້ຈາກຄ່າຊັກພິເສດສົ່ງອອກເຊັ່ນ: ຄ່າຊັກພິເສດຂາອອກໄມ້, ຄ່າຊັກພິເສດເຄື່ອງປ່າຂອງດົງ ແລະ ພາສີ-ອາກອນຂາເຂົ້ານຳເຄື່ອງໃຊ້ກະສິກຳ, ນ້ຳມັນເຊື້ອໄຟ, ຊິ້ນສ່ວນພາຫະນະ ແລະ ອາໄຫລ່, ເຄື່ອງກໍ່ສ້າງ, ເຄື່ອງໃຊ້ໄຟຟ້າ, ເຄື່ອງອຸປະໂພກ-ບໍລິໂພກ, ການປັບໃໝ ແລະ ສິນຄ້າປະເພດອື່ນໆ…ສັງລວມແລ້ວໃນ 10 ເດືອນປີ 2017 ກອງກວດກາພາສີ ປະຈຳແຂວງຈຳປາສັກ ສາມາດປະຕິບັດລາຍຮັບເຂົ້າງົບປະມານໄດ້ທັງໝົດ 19,95 ຕື້ກວ່າກີບ ຖ້າທຽບໃສ່ແຜນການປີເທົ່າກັບ 234,71% ແລະ ຖ້າທຽບໃສ່ຕົວແຜນຈັດເກັບລາຍຮັບປີ 2017 ຈຳນວນ 8,5 ຕື້ກີບລື່ນແຜນການປີປະມານ 11,45 ຕື້ກວ່າກີບ.