ຟີລິບປິນກຽມຟ້ອງຊາໂນຟີ ກໍລະນີວັກແຊງໄຂ້ເລືອດອອກເດງກີ່

- WhatsApp Image 2017 07 12 at 9 - ຟີລິບປິນກຽມຟ້ອງຊາໂນຟີ ກໍລະນີວັກແຊງໄຂ້ເລືອດອອກເດງກີ່

ທ່ານ ຟຣານຊິ​ສ​ໂກ ດູ​ເກ ລັດຖະມົນຕີ​ສາທາລະນະ​ສຸກ​ຟີ​ລິບ​ປິນ ກ່າວ​ວ່າ: ຟີ​ລິບ​ປິນກຽມ​ຈະ​ຟ້ອງ​ດຳ​ເນີນ​ຄະດີ​ບໍລິສັດ ຊາ​ໂນ​ຟີ ພາຍຫລັງ​ທາງ​ການ​ສັ່ງ​ຢຸດ​ວັກ​​ແຊງ​ປ້ອງ​ກັນ​ໄຂ້​ເລືອດ​ອອກ​ເດ​ງກີ່ ພາຍຫລັງ​ບໍລິສັດ​ຢາ​ອອກ​ມາ​ເຕືອນ​ວ່າ: ວັກ​ແຊງ​ດັ່ງກ່າວ​ອາດ​ເຮັດ​ໃຫ້​ເກີດ​ການ​ຕິດ​ເຊື້ອຢ່າງ​ຮຸນ​ແຮງ​ໃນ​ບາງ​ຄົນ.

- lattana 1 - ຟີລິບປິນກຽມຟ້ອງຊາໂນຟີ ກໍລະນີວັກແຊງໄຂ້ເລືອດອອກເດງກີ່

ທາງ​ການ​ຟີ​ລິບ​ປິນສັ່ງ​ຢຸດ​ໂຄງການ​ສັກ​ວັກ​ແຊງ​ປ້ອງ​ກັນ​ໄຂ້​ເລືອ​ດອອກ​ໃນ​ອາທິດ​ຜ່ານ​ມາ ​ແລະ ຢຸດ​ການຈຳໜ່າຍ​ວັກ​ແຊງ​ທັງ​ໝົດ​ໃນ​ວັນ​ທີ 4 ທັນວາ ພາຍຫລັງ​ບໍລິສັດ​ຊາ​ໂນ​ຟີ​ລະບຸ​ວ່າ: ວັກ​ແຊງ​​ເດ​ງວາ​ເຊຍ​ອາດ​ເຮັດ​ໃຫ້​ອາການ​ຂອງ​ຜູ້​ທີ່​ໄດ້​ຮັບ​ການ​ສັກ​ວັກ​ແຊງ​ທີ່​ຕິດ​ເຊື້ອ​ໄຂ້​ເລືອດ​ອອກ​ເປັນຄັ້ງທຳ​ອິດອາການ​ໜັກ​ກວ່າ​ເກົ່າ.

ລັດຖະບານ​ຊຸດ​ກ່ອນ​ຂອງ​ຟີ​ລິບ​ປິນ ພາຍ​ໃຕ້​ການ​ນຳ​ຂອງ​ປະທານາທິບໍດີ ​ເບ​ນິ​ໂຢ ອາ​ກິ​ໂນ ລິ​ເລີ່​ມ​ໂຄງການ​ສັກ​ວັກ​ແຊງ​ດັ່ງກ່າວ​ໃນ​ປີຜ່ານມາ ​ເຮັດ​ໃຫ້​ຟີ​ລິບ​ປິນກາຍ​ເປັນ​ປະ​ເທດ​ທຳ​ອິດ​ທີ່​ໃຊ້​ວັກ​ແຊງ​ເດ​ງວາ​ເຊຍ​ກັບ​ຄົນ​ຈຳນວນ​ຫລາຍ ​ໂດຍ​ມີ​ເດັກ​ປະມານ 830.000 ຄົນ​ທີ່​ໄດ້​ຮັບ​ວັກ​ແຊງ​ຢ່າງ​ໜ້ອຍ 1 ຄັ້ງ. ຄຳ​ປະກາດ​ຂອງ​ບໍລິສັດ​ຊາ​ໂນ​ຟີ​ສ້າງ​ຄວາມ​ກັງວົນ​ຢ່າງ​ໜັກ​ຢູ່​ຟີ​ລິບ​ປິນ ​ເຊິ່ງມີ​ການລະບາດ​ຂອງ​ເຊື້ອ​ໄຂ້​ເລືອດ​ອອກ​ເດ​ງກີ່, ​ແຕ່​ບໍລິສັດ​ຊາ​ໂນ​ຟີ​ໄດ້​ພະຍາຍາມ​ຫລຸດ​ຄວາມ​ກັງວົນ ​ໂດຍ​ລະບຸ​ວ່າ: ວັກ​ແຊງ​ບໍ່​ໄດ້​ເຮັດ​ໃຫ້​ຜູ້​ໄດ້​ຮັບ​ເສຍ​ຊີວິດ ​ແລະ ອາດ​ບໍ່​ໄດ້​ເປັນສາ​ເຫດ​ໃຫ້​ເກີດ​ການ​ຕິດ​ເຊື້ອ​ໄຂ້​ເລືອດ​ອອກ, ​ແຕ່​ລັດຖະມົນຕີ​ສາທາລະນະ​ສຸກ​ກ່າວ​ວ່າ: ຄຳ​ຖະ​ແຫລ​ງຂອງ​ຊາ​​ໂນ​ຟີ​ກໍ່​ໃຫ້​ເກີດ​ຄວາມ​ສັບສົນ ​ແລະ ກ່າວ​ວ່າ: ທ່ານ​ອາດ​ຈະ​ຂໍ​ໃຫ້​ຊາ​ໂນ​ຟີ​ຄືນ​ເງິນ​ສຳລັບ​ວັກ​ແຊງ​ທີ່​ຍັງ​ເຫລືອ​ຢູ່​ເປັນ​ມູນ​ຄ່າ 1.400 ລ້ານ​ເປ​ໂຊ ​ແລະ ຕັ້ງກອງ​ທຶນ​ຄ່າ​ປິ່ນປົວ​ສຳລັບ​ເດັກ​ທີ່​ໄດ້​ຮັບ​ວັກ​ແຊງ​ພາຍ​ໃຕ້​ໂຄງການ.