ອາເມລິກາສັ່ງຫ້າມຊາວກຳປູເຈຍທີ່ຫວັງ ທຳລາຍປະຊາທິປະໄຕເຂົ້າປະເທດ

- WhatsApp Image 2017 07 12 at 9 - ອາເມລິກາສັ່ງຫ້າມຊາວກຳປູເຈຍທີ່ຫວັງ ທຳລາຍປະຊາທິປະໄຕເຂົ້າປະເທດ

ກະຊວງ​ການ​ຕ່າງປະ​ເທດ​ອາ​ເມ​ລິ​ກາປະກາດ​ຫ້າມ​ຊາວ​ກຳປູ​ເຈຍ​ທີ່​ຫວັງ​ທຳລາຍ​ລະບອບ​ປະຊາທິປະ​ໄຕ​ເຂົ້າປະ​ເທດ ​ແລະ ຮຽກຮ້ອງ​ໃຫ້​ລັດຖະບານ​ກຳປູ​ເຈຍ​ຍົກ​ເລີກ​ການ​ປາບ​ປາມ​ກຸ່ມ​ຝ່າຍ​ຄ້ານ.

- lattana 1 - ອາເມລິກາສັ່ງຫ້າມຊາວກຳປູເຈຍທີ່ຫວັງ ທຳລາຍປະຊາທິປະໄຕເຂົ້າປະເທດ

ກ່ອນ​ໜ້າ​ນີ້ ສານ​ກຳປູ​ເຈຍ ​ເຊິ່ງຄວບ​ຄຸມ​ໂດຍ​ນາຍົກລັດຖະມົນຕີ ຮຸນ​ເຊ​ນ ພິພາກສາ​ໃຫ້​ຍຸບ​ພັກ​ກູ້​ຊາດ​ກຳປູ​ເຈຍ (CNRP) ​ເຊິ່ງ​ເປັນ​ຝ່າຍ​ຄ້ານ ​ໃນ​ເດືອນ​ຜ່ານ​ມາ, ຫ້າມ​ຕັດ​ສິດ​ນັກ​ການ​ເມືອງ​ກວ່າ 100 ຄົນ ​ໃນ​ຂໍ້​ກ່າວ​ຫາ​ວ່າ​ພັກ​ຝ່າຍ​ຄ້ານ​ພະຍາຍາມ​ໂຄ່ນ​ລົ້ມລັດຖະບານ, ຍັງ​ຈັບ​ກຸມ​ທ່ານ ກິມ ຊົກ​ຄາ ຫົວໜ້າ​ພັກ​ຝ່າຍ​ຄ້ານ​ໃນ​ຂໍ້​ຫາ​ກະບົດ ​ໃນ​ເດືອນ​ກັນຍາ ລວມທັງ​ຍັງ​ສັ່ງ​ປິດ​ສື່​ສິ່ງ​ພິມ​ທີ່​ວິຈານ​ລັດຖະບານ. ຫລ້າ​ສຸດ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ມີ​ມາດ​ຕະການ​ຕອບ​ໂຕ້​​ໂດຍ​ການ​ສັ່ງ​ຫ້າມ​ບຸກຄົນ​ຊາວ​ກຳປູ​ເຈຍ​ທີ່​ຫວັງ​ທຳລາຍ​ປະຊາທິປະ​ໄຕ​ໃນ​ກຳປູ​ເຈຍ​ເຂົ້າປະ​ເທດ ​ແລະ ​ໃນ​ບາງ​ກໍລະນີ​ອາດ​ລວມ​ເຖິງ​ຄອບຄົວ ​ແລະ ຍາດ​ພີ່ນ້ອງ​ທີ່​ຈະ​ຕ້ອງ​ຖືກ​ຈຳກັດ​ໃນ​ການ​ຂໍ​ວີ​ຊາ​ນຳ​ອີກ, ​ແຕ່​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ບໍ່​ໄດ້​ລະບຸ​ຈະ​​ແຈ້ງວ່າ​ເປັນ​ບຸກຄົນ​ໃດ​ໃນ​ກຳປູ​ເຈຍ ​ໂດຍ​ສະ​ເພາະ​ນາຍົກລັດຖະມົນຕີ ຮຸນ​ເຊ​ນ ນຳ ຫລື ບໍ່ ​ໂດຍ​ຖະ​ແຫລ​ງວ່າ: ຂະບວນການ​ອອກ​ວີ​ຊາ​ຖື​ເປັນຄວາມ​ລັບ​ທາງ​ລັດຖະການ.