ຕໍາຫລວດແຂວງຊຽງຂວາງຈັບຜູ້ຄ້າຢາເສບຕິດມາດໍາເນີນຄະດີ

- WhatsApp Image 2017 07 12 at 9 - ຕໍາຫລວດແຂວງຊຽງຂວາງຈັບຜູ້ຄ້າຢາເສບຕິດມາດໍາເນີນຄະດີ

ທ້າວ ເລົ່າວ່າ ອາຍຸ 29 ປີ ແລະ ນາງ ເຊ້ລໍ່ ອາຍຸ 35 ປີທັງສອງເປັນຜົວເມຍກັນຢູ່ບ້ານແລ້ງເມືອງແປກແຂວງຊຽງຂວາງ, ຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍ, ພາຍຫລັງຮ່ວມກັນຄ້າຂາຍຢາເສບຕິດປະເພດຢາບ້າ, ພ້ອມຂອງກາງ 3 ພັນກວ່າເມັດ.

- lattana 1 - ຕໍາຫລວດແຂວງຊຽງຂວາງຈັບຜູ້ຄ້າຢາເສບຕິດມາດໍາເນີນຄະດີ

ເຈົ້າໜ້າທີ່ ໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກພົນລະເມືອງດີວ່າມີການລັກລອບຄ້າຂາຍຢາເສບຢູ່ບໍລິເວນສວນພູຄໍາສວນພູຄຳເມືອງແປກ, ຈຶ່ງໄດ້ຈັດກໍາລັງລົງຕິດຕາມ ແລະ ເຫັນເປົ້າໝາຍສອງຄົນຄື: ທ້າວ ເລົ່າວ່າ ແລະ ນາງ ເຊ້ລໍ່, ຈຶ່ງໄດ້ເຂົ້າກວດຄົ້ນຕົວພົບຢາບ້າ 600 ເມັດ, ຈາກນັ້ນໄດ້ໄປກວດຄົ້ນເຮືອນພວກກ່ຽວຢູ່ບ້ານສີໂພນໄຊເມືອງແປກ ແລະ ພົບຢາບ້າຕື່ມອີກ 3.000 ເມັດ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວໄດ້ຮັບສາລະພາບວ່າ: ຢາບ້າດັ່ງກ່າວເປັນຂອງພວກຕົນແທ້, ເຊິ່ງໄດ້ສັ່ງຊື້ນຳເຄືອຂ່າຍຄ້າຢາເສບຕິດ ພາຍໃນແຂວງ ເພື່ອເອົາໄວ້ຂາຍໃຫ້ລູກຄ້າ, ແຕ່ຖືກເຈົ້າໜ້າທີ່ຈັບຕົວກ່ອນ, ປັດຈຸບັນຄະດີຢາເສບຕິດລາຍນີ້, ເຈົ້າໜ້າທີ່ພວມຂະຫຍາຍຜົນຫາຜູ້ຮ່ວມຂະບວນເພື່ອຈັບຕົວມາດໍາເນີນຄະດີຕາມລະບຽບກົດໝາຍ.

+ຕໍາຫລວດແຂວງວຽງຈັນຈັບຜູ້ຄ້າ​ຢາເສບຕິດພ້ອມຂອງກາງຢາບ້າ 34 ພັນ​ເມັດ