ງານມະຫາກຳຊັບສິນທາງປັນຍາຈະຈັດຂື້ນ ແຕ່ວັນທີ 21 ເມສາຫາ 1 ພຶດສະພານີ້

- advert banner 728 90 728x90 - ງານມະຫາກຳຊັບສິນທາງປັນຍາຈະຈັດຂື້ນ ແຕ່ວັນທີ 21 ເມສາຫາ 1 ພຶດສະພານີ້

- Right 300x242 - ງານມະຫາກຳຊັບສິນທາງປັນຍາຈະຈັດຂື້ນ ແຕ່ວັນທີ 21 ເມສາຫາ 1 ພຶດສະພານີ້  ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ໄດ້ຖະແຫລງຕໍ່ສື່ມວນຊົນເມື່ອທ້າຍອາທິດຜ່ານມາວ່າ: ກະຊວງຕົນໄດ້ຮ່ວມກັບບັນດາຫົວໜ່ວຍທຸລະກິດ, ບໍລິສັດ-ຫ້າງຮ້ານ, ຕະຫລອດຮອດຜູ້ປະກອບການຕ່າງໆເພື່ອຈັດງານມະຫາກຳຊັບສິນທາງປັບຍາຂຶ້ນແຕ່ວັນທີ 21 ເມສາຫາ 1 ພຶດສະພາທີ່ຈະເຖິງນີ້ທີ່ນະຄອນຫລວງວຽງຈັນພາຍໃຕ້ຄຳຂວັນ:“ເສີມສ້າງຊັບສິນທາງປັນຍາ ເພື່ອການພັດທະນາເສດຖະກິດ-ສັງຄົມແບບຍືນຍົງ”, ຊຶ່ງພາຍໃນງານຈະມີການວາງສະແດງຜົນງານທາງດ້ານຊັບສິນທາງປັນຍາຂອງລາວ ແລະ ສາກົນ, ພ້ອມນັ້ນກໍຈະມີການຈັດກິດຈະກຳຕ່າງໆ ເພື່ອໂຄສະນາເຜີຍແຜ່, ສ້າງຈິດສຳນຶກ ແລະ ຄວາມຮູ້ທາງດ້ານຊັບສິນທາງປັນຍາໃຫ້ມວນຊົນເຫັນໄດ້ຄວາມສຳຄັນຂອງວຽກງານດັ່ງກ່າວຕໍ່ການພັດທະນາເສດຖະກິດ-ສັງຄົມ ແລະ ວັດທະນະທຳແບບຍືນຍົງຂອງປະເທດເຮົາ, ໂດຍສະເພາະແມ່ນການຄຸ້ມຄອງ ແລະ ປົກປ້ອງຊັບສິນທາງປັນຍາ ແລະ ຍັງເປັນການເປີດໂອກາດໃຫ້ຜູ້ເຂົ້າຮ່ວມງານ ກໍຄືນັກວິທະຍາສາດ, ນັກປະດິດສ້າງ, ນັກປະດິດແຕ່ງ, ເຈົ້າຂອງຜົນງານໄດ້ມີໂອກາດພົບປະແລກປ່ຽນບົດຮຽນ, ປະສົບການນຳກັນ.

- lattana 1 - ງານມະຫາກຳຊັບສິນທາງປັນຍາຈະຈັດຂື້ນ ແຕ່ວັນທີ 21 ເມສາຫາ 1 ພຶດສະພານີ້

ໃນງານຄັ້ງນີ້, ນອກຈາກຈະມີການວາງສະແດງຊັບສິນທາງປັນຍາພາຍໃນເປັນຈຳນວນຫລາຍແລ້ວ, ຍັງໄດ້ເຊື້ອເຊີນບັນດາສະຖານທູດ ແລະ ບັນດາປະເທດໃນອາຊຽນເຂົ້າຮ່ວມວາງສະແດງນຳດວ້ຍ.

ທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ກ່າວວ່າ: ໃນໂອກາດດຽວກັນນັ້ນ, ພວກເຮົາຍັງຈະຈັດການສະເຫລີມສະຫລອງວັນຊັບສິນທາງປັນຍາໂລກຄົບຮອບ 17 ປີ (26 ເມສາ 2000-26 ເມສາ 2017), ຈະມີກອງປະຊຸມສຳມະນາກ່ຽວກັບວຽກງານດັ່ງກ່າວ, ການໃຫ້ຄຳປຶກສາກ່ຽວກັບບູລິມະສິດຊັບສິນທາງປັນຍາ, ການຈົດທະບຽນຊັບສິນທາງປັນຍາ ແລະ ອື່ນໆ. ດັ່ງນັ້ນ, ຈຶ່ງຂໍເຊີນຊວນນັກທຸລະກິດ, ຜູ້ປະກອບການ, ຫົວໜ່ວຍທຸລະກິດ, ບໍລິສັດ-ຫ້າງຮ້ານ, ນັກຄົ້ນຄວ້າ, ນັກວິທະຍາສາດ, ນັກປະດິດຄິດແຕ່ງຕະຫລອດຮອດທົ່ວສັງຄົມເຂົ້າຮ່ວມຊົມງານວາງສະແດງດັ່ງກ່າວເພື່ອໃຫ້ມີບັນຍາກາດຟົດຟື້ນຫລາຍຂຶ້ນ.