ອັງເຊີນຄຳຂຶ້ນໂອບຍອດທາດປາລະມີພະທາດຫລວງ

- advert banner 728 90 728x90 - ອັງເຊີນຄຳຂຶ້ນໂອບຍອດທາດປາລະມີພະທາດຫລວງ

- Thatiluang 300x200 - ອັງເຊີນຄຳຂຶ້ນໂອບຍອດທາດປາລະມີພະທາດຫລວງ ພິທີອັງເຊີນຄຳນໍ້າໜັກ 4 ກິໂລກັບ 16,33 ບາດຂື້ນໂອບຍອດດວງປີຍະທາດປາລະມີຈໍານວນ 30 ທາດ ແລະ ທາດສີທຳມະຫາຍໂສກຂອງພະທາດຫລວງວຽງຈັນຢ່າງເປັນທາງການໄດ້ມີຂຶ້ນໃນເຊົ້າວັນທີ 7 ເມສານີ້, ຊຶ່ງກົງກັບມື້ຂຶ້ນ 11 ຄ່ຳເດືອນ 5 ພສ 2560, ໂດຍການເຂົ້າຮ່ວມຂອງທ່ານ ສິນລະວົງ ຄຸດໄພທູດ ເຈົ້າຄອງນະຄອນຫລວງວຽງຈັນ, ມີພຣະອາຈານໃຫຍ່ມະຫາ ງອນ ດຳລົງບູນ ປະທານສູນກາງອົງການພຸດທະສາສະໜາສຳພັນລາວ, ມີບັນດາອະດິດການນຳຂັ້ນສູງພັກ-ລັດ, ພ້ອມດ້ວຍພະເຖລະນຸເຖລະ ແລະ ມວນຊົນຊາວນະຄອນຫລວງວຽງຈັນເຂົ້າຮ່ວມເປັນຈຳນວນຫລາຍ.

- lattana 1 - ອັງເຊີນຄຳຂຶ້ນໂອບຍອດທາດປາລະມີພະທາດຫລວງ

ທ່ານ ສີຫຸນ ສີດທິລືໄຊ ຮອງເຈົ້າຄອງນະຄອນຫລວງວຽງຈັນ, ທັງເປັນຮອງປະທານຄະນະກຳມະການປະຕິສັງຂອນພິພິທະພັນພະທາດຫລວງ ກ່າວວ່າ: ການປະຕິສັງຂອນພະທາດຫລວງໄດ້ເລີ່ມມາແຕ່ທ້າຍປີ 2016 ເຊິ່ງເປັນຄັ້ງທີ IV ໂດຍປະກອບມີ 8 ໜ້າວຽກ, ລວມມີມູນຄ່າປະມານ 15 ຕື້ກີບ (ບໍ່ລວມເອົາມູນຄ່າຂອງຄຳ) ແລະ ການປະຕິສັງຂອນໄລຍະທີ I-II ແມ່ນມີຄວາມຄືບໝ້າຫລາຍດ້ານ ແລະ ມີຫລາຍວຽກສຳເລັດແລ້ວເປັນຕົ້ນ: ວຽກທາສີຄຳໃສ່ອົງພະທາດໃຫຍ່ ແລະ ພະທາດປາລະມີ 30 ລູກ, ພ້ອມທັງການຍົກຍອດຊໍ່ຄຳ ນໍ້າໜັກ 9 ກິໂລ 9 ບາດຂຶ້ນປະດິດສະຖານສູ່ຍອດພະຍາດຫລວງ ແລະ ການຍົກຄຳນໍ້າໜັກ 4 ກິໂລ 16,33 ບາດຂຶ້ນປະດິດສະຖານຍອດດວງປີຍະທາດປາລະມີ 30 ທາດ ແລະ ທາດສີທຳມະຫາຍໂສກ, ຊຶ່ງລວມມູນຄ່າການປະຕິສັງຂອນໄປແລ້ວຄື: ຄຳນໍ້າໜັກ 13 ກິໂລ ແລະ 25,33 ບາດ, ປັດຈຸບັນຍັງເຫລືອຢູ່ທະນາຄານນໍ້າໜັກ 8,5 ກິໂລ ແລະ 30,37 ບາດ, ເງິນທີ່ລະດົມໄດ້ໃນໄລຍະຜ່ານມາ 5,9 ຕື້ກີບ, ນໍາໃຊ້ແລ້ວ 2,9 ຕື້ກວ່າກີບ ແລະ ພາຍຫລັງສຳເລັດພິທີຍົກຍອດຄຳຄັ້ງນີ້, ຄະນະຮັບຜິດຊອບຈະສືບຕໍ່ວຽກງານປະຕິສັງຂອນທີ່ຍັງບໍ່ສຳເລັດ ແລະ ສືບຕໍ່ວຽກໄລຍະທີ III  ແລະ IV ເປັນຕົ້ນ: ວຽກມຸງຫລັງຄາ, ທາສີກົມມະລຽນ, ສ້ອມແປງຫໍໄຫວ້, ປະຕູໃຫຍ່, ຮ່ອງລະບາຍນ້ຳ, ໄຟຟ້າ, ສະໜາມຫຍ້າ, ວຽກປ້ອງກັນ ແລະ ອື່ນໆ.

ໂອກາດນີ້ທ່ານຮອງປະທານຄະນະກຳມະການປະຕິສັງຂອນພະທາດຫລວງໄດ້ສະແດງຄວາມຂອບໃຈມາຍັງທຸກພາກສ່ວນທີ່ໄດ້ປະກອບສ່ວນວັດຖຸປັດໃຈ, ເງິນ, ຄຳ ເພື່ອສົມທົບເຂົ້າໃນການປະຕິສັງຂອນຄັ້ງນີ້, ພ້ອມທັງຂໍເຊີນຊວນບັນດານັກທຸລະກິດ, ນັກລົງທຶນ, ຊາວຄ້າຂາຍ, ຕະຫລອດຮອດປະຊາຊົນທຸກຄົນທີ່ມີຈິດໃຈສັດທາຮ່ວມບໍລິຈາກທຶນຮອນຕ່າງໆ ເພື່ອປະກອບສ່ວນເຂົ້າໃນການປະຕິສັງຂອນພະທາດຫລວງໃຫ້ສຳເລັດຕາມລະດັບຄາດໝາຍດ້ວຍເທີນ.