ຫລັກການກິນອາຫານຊ່ວຍຕ້ານພູມແພ້

- advert banner 728 90 728x90 - ຫລັກການກິນອາຫານຊ່ວຍຕ້ານພູມແພ້

- 010704 300x169 - ຫລັກການກິນອາຫານຊ່ວຍຕ້ານພູມແພ້     ໄລຍະອາກາດປ່ຽນແປງແບບນີ້ ຫລາຍໆຄົນທີ່ເປັນພະຍາດພູມແພ້ຄົງຈະເມື່ອຍເປັນພິເສດກັບອາການທີ່ຮຸນແຮງຂຶ້ນ ມື້ນີ້ພວກ ເຮົາຈຶ່ງນຳເອົາເຄັດລັບການກິນອາຫານທີ່ມີປະໂຫຍດຕໍ່ການຊ່ວຍຕ້ານອາການພູມແພ້ມາແນະນຳ.

  1. ວິຕາມິນເຊ : ຊ່ວຍປ້ອງກັນການລັ່ງຮີສຕາມີນ ເຊິ່ງເຮັດໃຫ້ເກີດພູມແພ້ອາກາດ ແລະ ການແພ້ຕ່າງໆໄດ້, ພົບໄດ້ໃນຜັກໃບຂຽວ ເຊັ່ນ : ຜັກຕຳນິນ, ຜັກຫົມ, ຜັກກາດດອກ, ຜັກກະລໍ່າ ແລະ ໝາກໄມ້ທີ່ມີລົດຊາດສົ້ມ ເຊັ່ນ : ໝາກນັດ​, ໝາກກ້ຽງ, ໝາກສະຕໍເບີຣີ, ໝາກສີດາ ແລະ ໝາກນາວ.
  2. ວິຕາມິນອາ : ຊ່ວຍໃນການສ້າງເນື້ອເຍື່ອ ແລະ ເສີມສ້າງເນື້ອເຍື່ອຕ່າງໆຂອງຮ່າງກາຍ ລວມທັງຊ່ວຍຫລຸດອາການເມື່ອໄດ້ຮັບສານກະຕຸ້ນພູມແພ້ໄດ້, ພົບຫລາຍໃນຜັກ ແລະ ໝາກໄມ້ທີ່ມີສີຂຽວເຂັ້ມ, ສີສົ້ມ ຫລື ສີເຫລືອງ ເຊັ່ນ : ໝາກອຶ,​ ຫົວກະຫລົດ, ໝາກຫຸ່ງສຸກ, ໝາກມ່ວງສຸກ, ໝາກແຕງແຄນຕາລູບ ແລະ ໝາກເລັ່ນໃຫຍ່.
  3. ໂປຣຕິນ : ຊ່ວຍໃນການສ້າງພູມຕ້ານທານຮ່າງກາຍ ເພາະມີກົດອະມິໂນ ເຊິ່ງເປັນໜ່ວຍຍ່ອຍນ້ອຍທີ່ສຸດຂອງໂປຣຕິນ ອັນເປັນສານສຳຄັນໃນການສ້າງພູມຕ້ານທານຕ່າງໆ, ພົບຫລາຍໃນຊີ້ນສັດທີ່ເປັນຊີ້ນລ້ວນໆ ເຊັ່ນ : ຊີ້ນເອິກໄກ່, ຊີ້ນໝູ, ໄຂ່ໄກ່ ແລະ ຖົ່ວຊະນິດຕ່າງໆ.
  4. ໂອເມກ້າ 3 : ຊ່ວຍຫລຸດການອັກເສບ, ເພີ່ມພູມຕ້ານທານໃຫ້ຮ່າງກາຍ ລວມທັງສາມາດຕໍ່ສູ້ກັບກຸ່ມເຊື້ອພະຍາດ ຫລື ສານແປກປອມທີ່ເຂົ້າສູ່ຮ່າງກາຍໄດ້, ພົບຫລາຍໃນປາທະເລນ້ຳເລິກໆ ເຊັ່ນ : ປາທູ, ປາທູນ່າ, ປາແຊວມັອນ ເຊິ່ງອາຫານກຸ່ມນີ້ອາດມີ ສ່ວນໄປກະຕຸ້ນອາການພູມແພ້ ຈຶ່ງ ຕ້ອງລະວັງເປັນພິເສດວ່າແພ້ອາຫານທະເລຫລືບໍ່, ຄວນເລີ່ມກິນເມື່ອອາຍຸ 3 ປີຂຶ້ນໄປ. ສ່ວນກົດໄຂມັນໂອເມກ້າ 3 ສາມາດພົບໄດ້ຫລາຍໃນແກ່ນດອກຕາເວັນ, ແກ່ນໝາກອຶ, ຖົ່ວເຫລືອງ ແລະ ຜັກໃບຂຽວເຂັ້ມຕ່າງໆ.
  5. ຊິລິນຽມ : ຊ່ວຍກະຕຸ້ນລະບົບພູມຕ້ານທານໃນຮ່າງກາຍໃຫ້ຕໍ່ສູ້ກັບສິ່ງແປກປອມ ຫລື ສານກະຕຸ້ນພູມແພ້ໄດ້ ພົບຫລາຍໃນພືດຕະກູນຫົວຜັກບົ່ວ ເຊັ່ນ : ຫົວຜັກບົ່ວໃຫຍ່ ແລະ ຫົວຜັກບົ່ວແດງ.
  6. ກຸ່ມຟລາໂວນອຍເຄີເຊທີນ : ເປັນສານຕ້ານອາການແພ້ ແລະ ຫລຸດການອັກເສບ, ຊ່ວຍຂັດຂວາງການປ່ອຍສານຮີສຕາມີນ ເຊິ່ງເປັນໂຕກະຕຸ້ນອາການພູມແພ້ໄດ້, ພົບຫລາຍໃນຜັກທຽມ ແລະ ພືດຕະກູນຫົວຜັກບົ່ວ ດັ່ງຫົວຜັກບົ່ວໃຫຍ່, ຫົວຜັກບົ່ວແດງ, ຫົວກະຫລົດ, ຜັກສະຫລັດ ແລະ ໝາກແອັບເປິ້ນ ເປັນຕົ້ນ.
- lattana 1 - ຫລັກການກິນອາຫານຊ່ວຍຕ້ານພູມແພ້