ແມ່ຍິງຂີ້ຫຶງຫວງລະວັງສົ່ງຜົນໃຫ້ສະໝອງເສື່ອມ

- advert banner 728 90 728x90 - ແມ່ຍິງຂີ້ຫຶງຫວງລະວັງສົ່ງຜົນໃຫ້ສະໝອງເສື່ອມ

- 030704 300x197 - ແມ່ຍິງຂີ້ຫຶງຫວງລະວັງສົ່ງຜົນໃຫ້ສະໝອງເສື່ອມ     ແມ່ຍິງທ່ານໃດເປັນຄົນຫຶງຫວງເກັ່ງຕ້ອງລະວັງ ເພາະນັກວິທະຍາສາດໄດ້ເປີດເຜີຍຜົນການສຶກສາເລື່ອງໃໝ່ພົບວ່າ : ແມ່ຍິງໄວກາງຄົນຜູ້ທີ່ມັກຫຶງຫວງ, ເຈົ້າອາລົມ ແລະ ຊຶມເສົ້າ ຈະມີຄວາມສ່ຽງສູງທີ່ຈະເປັນພະຍາດສະໝອງເສື່ອມຍາມແກ່ໂຕ.

- lattana 1 - ແມ່ຍິງຂີ້ຫຶງຫວງລະວັງສົ່ງຜົນໃຫ້ສະໝອງເສື່ອມ

ນັກວິໄຈ ລີນາ ໂຈຮານສັນ ມະຫາວິທະຍາໄລກໍເທນເບີກຂອງສະວີເດັນ ຜູ້ຄົ້ນຄ້ວາສຶກສາແມ່ຍິງ 800 ຄົນ, ອາຍຸສະເລ່ຍ 46 ປີ, ຕິດຕາມຕໍ່ເນື່ອງມາ 38 ປີ ແລະ ໄດ້ທົດລອງທາງບຸກຄະລິກກະພາບເພື່ອເບິ່ງລະດັບຄວາມຜິດປົກກະຕິກ່ຽວກັບພະຍາດປະສາດໃຫ້ເຫດຜົນວ່າ : ບຸກຄະລິກກະພາບຂອງບຸກຄົນອາດມີອິດທິພົນເຮັດໃຫ້ມີຄວາມສ່ຽງເປັນພະຍາດສະໝອງເສື່ອມໄປ 19% ໂດຍຄົນທີ່ມີຄະແນະການທົດລອງສະແດງອາການຂອງພະຍາດປະສາດສູງສຸດ ເນື່ອງຈາກອິດທິພົນຂອງຄວາມເຄັ່ງຄຽດຈະສ່ຽງກັບການເປັນພະຍາດສະໝອງເສື່ອມສູງກ່ວາຜູ້ທີ່ມີຄະແນະທົດລອງຕໍ່າສຸດກ່ວາກັນເຖິງ 2 ເທົ່າ.

ດັ່ງທີ່ເຮົາຮູ້ກັນດີຢູ່ແລ້ວວ່າຄວາມເຄັ່ງຄຽດຈະສົ່ງຜົນກະທົບໃນດ້ານລົບຕໍ່ສຸຂະພາບຫລາຍທີ່ສຸດ ບໍ່ວ່າຄວາມເຄັ່ງຄຽດນັ້ນຈະ ມາຈາກດ້ານໃດກໍຕາມດ້ານວຽກງານ ຫລື ດ້ານຄວາມຮັກ ກໍລ້ວນແຕ່ບໍ່ດີທັງໝົດ. ສະນັ້ນ, ເພື່ອບໍ່ໃຫ້ຄວາມຮັກຂອງທັງສອງເປັນບັນຫາຕໍ່ສຸຂະພາບຂອງຝ່າຍໃດຝ່າຍໜຶ່ງ ທັງສອງຈຶ່ງຄວນຫັນໜ້າມາລົມກັນກ່ຽວກັບຂໍ້ຂ້ອງໃຈ ຫລື ຄວາມຫຶງຫວງທີ່ເກີດຂຶ້ນນັ້ນ ທັງນີ້ກໍເພື່ອປ້ອງກັນບັນຫາດ້ານສຸຂະພາບທີ່ຈະຕາມມາຈາກຄວາມຮັກທີ່ມີແຕ່ຄວາມຫຶງຫວງນັ້ນເອງ.