ມາເລເຊຍຍຶດໜໍ່ແຮດ 18 ໜໍ່ ລັກລອບນຳມາຈາກໂມຊຳບິກ

- advert banner 728 90 728x90 - ມາເລເຊຍຍຶດໜໍ່ແຮດ 18 ໜໍ່ ລັກລອບນຳມາຈາກໂມຊຳບິກ

- 1491808708108 960x0 300x169 - ມາເລເຊຍຍຶດໜໍ່ແຮດ 18 ໜໍ່ ລັກລອບນຳມາຈາກໂມຊຳບິກ    ​ເຊ​ປັງ 10 ​ເມສາ: ​ເຈົ້າໜ້າ​ທີ່​ພາສີ​ອາກອນ​ສະໜາມ​ບິນ​ສາກົນ​ກົວ​ລາ​ລຳ​ເປີ ຂອງ​ມາ​ເລ​ເຊຍ ​ເປີດ​ເຜີຍ​ວ່າ: ​ເຈົ້າໜ້າ​ທີ່​ຍຶດ​ໄດ້​ໜໍ່​ແຮດ 18 ໜໍ່ ລັກລອບ​ນຳ​ເຂົ້າມາ​ຈາກ​ໂມ​ຊຳ​ບິ​ກ ນ້ຳໜັກ​ລວມ 51,4 ກິ​ໂລກຣາມ ມູນ​ຄ່າ 13,7 ລ້ານຣິງກິດ.

- lattana 1 - ມາເລເຊຍຍຶດໜໍ່ແຮດ 18 ໜໍ່ ລັກລອບນຳມາຈາກໂມຊຳບິກ

​ເຈົ້າໜ້າ​ທີ່​ເຊິ່ງ​ໄດ້​ຮັບ​ແຈ້​ງກວດ​ພົບ​ໜໍ່​ແຮດ​ເຊື່ອງ​ຢູ່​ໃນ​ກ່ອງ​ໄມ້​ພາຍ​ໃນ​ອາຄານ​ເກັບ​ສິນຄ້າ​ຂອງ​ສະໜາມ​ບິນ​ໃນ​ວັນ​ທີ 7 ​ເມສາ ຂຶ້ນທະບຽນ​ວ່າ​ເປັນ​ສິລະ​ປະວັດ​ຖຸ ນຳ​ເຂົ້າມາ​ຈາກ​ໂມ​ຊຳ​ບິ​ກ ດ້ວຍ​ຖ້ຽວ​ບິນ​ຂອງ​ສາຍ​ການບິນ​ກາ​ຕາ​ແອ​ເວ ​ເຊິ່ງ​ແວ່ນະຄອນຫລວງ​ໂດ​ຮາ​ຂອງ​ກາ​ຕາ​ກ່ອນ​ເດີນທາງ​ມານະ​ຄອນ​ຫລວງ​ກົວ​ລາ​ລຳ​ເປີ ມີ​ຈຸດໝາຍ​ຢູ່​ເມືອງ​ນິ​ໄລ ລັດ​ເນກຣີ​ເຊມບີ​ລັນ ທາງ​ຕອນ​ໃຕ້​ຂອງ​ປະ​ເທດ ​ແຕ່​ໃສ່​ບ່ອນຢູ່​ປອມ.

ການ​ຍຶດ​ໄດ້​ໜໍ່​ແຮດ​ເທື່ອ​ຫລັງ​ສຸດ​ນີ້​ບົ່ງ​ບອກ​ວ່າ: ມາ​ເລ​ເຊຍ​ຍັງ​ເປັນ​ຈຸດ​ລຳລຽງ​ໜໍ່​ແຮດ​ຜິດ​ກົດໝາຍ​ຂອງ​ອາຊີ. ກົດໝາຍ​ມາ​ເລ​ເຊຍ​ກຳນົດ​ໃຫ້ການ​ນຳ​ເຂົ້າໜໍ່​ແຮດ​ໂດຍ​ບໍ່​ມີ​ໃບ​ອະນຸຍາດ​ເປັນ​ສິ່ງ​ຜິດ​ກົດໝາຍ. ໜໍ່​ແຮດ​ຖືກ​ໃຊ້​ເປັນ​ສ່ວນ​ປະສົມ​ໃນ​ຢາ​ແຜນ​ບູຮານ​ຂອງ​ຈີນ​ມາຍາ​ວນານ ​ແລະ ຖືກ​ແກະສະຫລັກ​ເປັນ​ຈອກ​ເຫລົ້າລາຄາ​ແພງ. ນອກຈາກ​ໜໍ່​ແຮດ​ແລ້ວ ມາ​ເລ​ເຊຍ​ຍັງ​ເປັນ​ຈຸດ​ລຳລຽງ​ງາ​ຊ້າງ​ຜິດ​ກົດໝາຍ ​ໂດຍ​ໃນ​ເດືອນ​ເມສາ​ປີ​ກ່ອນ​ໄດ້​ທຳລາຍ​ງາ​ຊ້າງ​ທີ່​ຍຶດ​ໄດ້​ໃນ​ໄລຍະ​ຫລາຍ​ປີ ນ້ຳໜັກ​ລວມ 9,5 ​ໂຕນ ທາງ​ການ​ເຄີຍ​ຖະ​ແຫລ​ງຕໍ່​ລັດຖະສະພາ​ວ່າ: ຍຶດ​ໄດ້​ງາ​ຊ້າງ 4.624 ອັນ ລະຫວ່າງ​ປີ 2011-2014.