ສ.ເກົາຫລີ ຈະອອກໜັງສືເດີນທາງອັກສອນເບວໃຫ້ແກ່ຜູ້ພິການທາງສາຍຕາ

- advert banner 728 90 728x90 - ສ.ເກົາຫລີ ຈະອອກໜັງສືເດີນທາງອັກສອນເບວໃຫ້ແກ່ຜູ້ພິການທາງສາຍຕາ

- 1491795361881 960x0 300x169 - ສ.ເກົາຫລີ ຈະອອກໜັງສືເດີນທາງອັກສອນເບວໃຫ້ແກ່ຜູ້ພິການທາງສາຍຕາ     ​​ເຊ​ອຸນ 10 ​ເມສາ: ກະຊວງ​ການ​ຕ່າງປະ​ເທດ ສ.​ເກົາຫລີ ​ເປີດ​ເຜີຍ​ວ່າ: ລັດຖະບານ​ກຽມ​ຈະ​ອອກ​ໜັງສື​ເດີນທາງ​ໃນ​ຮູບ​ແບບ​ອັກສອນ​ເບ​ວພາຍ​ໃນ​ເດືອນ​ນີ້ ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ຜູ້​ພິການ​ທາງ​ສາຍຕາ​ໃນ​ການ​ເດີນທາງ​ໄປ​ຕ່າງປະ​ເທດ.

- lattana 1 - ສ.ເກົາຫລີ ຈະອອກໜັງສືເດີນທາງອັກສອນເບວໃຫ້ແກ່ຜູ້ພິການທາງສາຍຕາ

ກະຊວງ​ຕ່າງປະ​ເທດ​ລະບຸ​ວ່າ: ຈະ​ເລີ່​ມ​ໃຫ້​ບໍລິການ​ໜັງສື​ເດີນທາງ​ອັກສອນ​ເບ​ວຕາມ​ສຳນັກງານ​ບໍລິການ​ໜັງສື​ເດີນທາງ​ໃນ​ປະ​ເທດ 240 ​ແຫ່ງ ​ແລະ ຕ່າງປະ​ເທດ 170 ​ແຫ່ງ ນັບ​ແຕ່​ວັນ​ທີ 20 ​ເມສາ​ເປັນຕົ້ນ​ໄປ ​ໂດຍ​ຂໍ້​ມູນ​ຕ່າງໆ​ຂອງ​ຜູ້​ຖື​ໜັງສື​ເດີນທາງ​ເຊັ່ນ: ຊື່-ນາມສະກຸນ, ໝາຍ​ເລກ​ໜັງສື​ເດີນທາງ, ວັນ​ທີ​ອອກ ​ແລະ ວັນ​ໝົດ​ອາຍຸ​ຂອງ​ໜັງສື​ເດີນທາງ​ຈະ​ຢູ່​ໃນ​ຮູບ​ແບບ​ສະຕິ​ກ​ເກີ້​ອັກສອນ​ເບ​ວ​ຕິດ​ຢູ່​ບໍລິ​ເວນ​ດ້ານ​ຫລັງ​ຂອງ​ໜ້າ​ທຳ​ອິດ.

ກະຊວງ​ຕ່າງປະ​ເທດ​ລະບຸ​ອີກ​ວ່າ: ຖື​ເປັນ​ເທື່ອ​ທຳ​ອິດ​ຂອງ​ໂລກ​ທີ່​ມີ​ການ​ອອກ​ໜັງສື​ເດີນທາງ​ໃນ​ຮູບ​ແບບ​ອັກສອນ​ເບ​ວ ​ໂດຍ​ລັດຖະບານ ສ.​ເກົາຫລີ ຄາດ​ຫວັງ​ວ່າ: ສິ່ງ​ນີ້​ຈະ​ຊ່ວຍ​ເພີ່ມ​ຄວາມ​ສະດວກ​ສະບາຍ​ໃຫ້​ແກ່​ບັນດາ​ຜູ້​ພິການ​ທາງ​ສາຍຕາ ທີ່​ຕ້ອງ​ປະສົບ​ບັນຫາ​ໃນ​ການ​ຈອງ​ປີ້​ເຮືອບິນ ​ແລະ ​ໂຮງ​ແຮມ​ມາ​ໂດຍ​ຕະຫລອດ ​ເນື່ອງ​ຈາກ​ມີ​ຄວາມ​ຍາກ​ລຳບາກ​ໃນ​ການ​ຢືນຢັນ​ຂໍ້​ມູນ​ໃນ​ໜັງສື​ເດີນທາງ.