ປີໃໝ່ໃສ່ໃຈຄວາມສະຫງົບ

- advert banner 728 90 728x90 - ປີໃໝ່ໃສ່ໃຈຄວາມສະຫງົບ

- parmai 300x198 - ປີໃໝ່ໃສ່ໃຈຄວາມສະຫງົບ

- lattana 1 - ປີໃໝ່ໃສ່ໃຈຄວາມສະຫງົບ

ເພື່ອຮັບປະກັນໃຫ້ແກ່ການສະເຫລີມສະຫລອງວັນບຸນປີໃໝ່ລາວ ພສ 2560 ເປັນໂອກາດ ເສີມຂະຫຍາຍມູນເຊື້ອ ຮີດຄອງປະເພນີອັນດີງາມ ແລະ ຄວາມ ສາມັກຄີເປັນປຶກແຜ່ນຂອງປະຊາຊົນບັນດາເຜົ່າເຊິ່ງເປັນບຸນ ໃຫຍ່ຂອງຊາດທີ່ທົ່ວປວງຊົນ ລາວຖືເອົາໂອກາດນີ້ອວຍພອນໄຊໃຫ້ພອນເຊິ່ງກັນ ແລະ ກັນ, ຈັດຕັ້ງສະເຫລີມ ສະຫລອງດ້ວຍບັນຍາກາດເບີກບານມ່ວນຊື່ນ, ຕິດພັນກັບການສົ່ງເສີມການທ່ອງທ່ຽວ, ບົນຈິດໃຈປະຢັດມັດ ທະຍັດ, ທັງຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ. ດັ່ງນັ້ນ: ກອງບັນຊາ ການ ປກສ ນະຄອນຫລວງວຽງຈັນ ຈຶ່ງໄດ້ອອກແຈ້ງການຄື:ຍົກສູງສະຕິລະວັງຕົວ, ປົກປັກ ຮັກສາຊັບສົມບັດຂອງຕົນໃຫ້ດີ, ມີສະຕິໃນການກວດກາຟືນໄຟຢູ່ ຕາມສະຖານທີ່ເຮືອນຊານ, ເຄ ຫາສະຖານ, ບ່ອນຢູ່ອາໄສເພື່ອ ຮັບປະກັນ ບໍ່ໃຫ້ເກີດອັກຄີໄພ ຫລື ກຸ່ມຄົນບໍ່ດີສວຍໂອກາດເຄື່ອນໄຫວກໍ່ອາດຊະຍາກຳເຊັ່ນ: ປຸ້ນ ຈີ້-ຊີງຊັບ, ລັກຊັບ ແລະ ອື່ນໆ, ເອົາໃຈໃສ່ປ້ອງກັນເວນຍາມສຳນັກງານ-ອົງການ, ກຸ່ມບ້ານ, ກວດກາລາດຕະເວນແກ້ໄຂປະກົດ ການຫຍໍ້ທໍ້ທາງສັງຄົມ, ຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍຢູ່ພາຍໃນເຂດຮັບ ພິຊອບ ຂອງຕົນ, ເປັນເຈົ້າການມີສະຕິ ເຄົາລົບ ແລະ ປະຕິບັດຕາມກົດ ລະບຽບຈະລາຈອນຢ່າງເຄັ່ງ ຂັດ. ຂະນະດຽວກັນກໍຫ້າມບໍ່ ໃຫ້ ຂາຍສິນຄ້າ ແລະ ອຸປະກອນທີ່ ກໍ່ໃຫ້ເກີດສຽງແຕກ, ສຽງດັງ ທຸກປະເພດ, ບໍ່ໃຫ້ຈູດໝາກກະໂພກ, ບັ້ງໄຟດອກທຸກຊະນິດ, ບໍ່ ໃຫ້ນຳໃຊ້ທາດລະເບີດ, ທາດ ແຕກ, ທາດເບື່ອເຄມີ, ທາດກຳມະລັງສີ ແລະ ວັດຖຸອອກລິດ ຕໍ່ສຸຂະພາບຈິດ, ເປັນຜົນລົບຕໍ່ຄວາມສະຫງົບ, ຄວາມເປັນ ລະບຽບຮຽບ ຮ້ອຍທາງສັງຄົມ, ຫ້າມບໍ່ໃຫ້ໃຊ້ນ້ຳເປື້ອນ, ນ້ຳສີ, ນ້ຳຄັນຄາຍ, ນ້ຳກ້ອນໃສ່ຖົງ ຢາງຫົດຫລືແກວ່ງໃສ່ກັນ, ບໍ່ໃຫ້ນຸ່ງ ເຄື່ອງສັ້ນ-ເຂີນ, ຍົ້ວຍຸທີ່ບໍ່ຖືກຕ້ອງຕາມຮີດຄອງປະເພນີ, ຫ້າມກະທໍາແບບລາມົກອານາຈານ ແລະ ຫລິ້ນການ ພະນັນທຸກປະເພດຢ່າງເດັດຂາດ. ສ່ວນບັນດາຮ້ານບັນເທີງ-ກິນດື່ມໃຫ້ບໍລິການບໍ່ເກີນເວລາ 23:00 ໂມງຕ້ອງຢຸດເຊົາຢ່າງຂາດຕົວ, ເດັດຂາດບໍ່ລົງຫລິ້ນຢູ່ຫາດຊາຍ, ນ້ຳຂອງທີ່ບໍ່ໄດ້ຮັບອະນຸຍາດ ຫລືບ່ອນທີ່ບໍ່ມີເຈົ້າ ໜ້າທີ່ປ້ອງ ກັນຮັກສາຄວາມສະຫງົບປອດໄພ, ເພື່ອຫລີກເວັ້ນບໍ່ໃຫ້ສິ່ງບໍ່ ເພິ່ງປາດຖະໜາເກີດຂຶ້ນ, ຫ້າມຂີ່ລົດ ເປັນພຶງເປັນແພ, ແລ່ນລົດ ໄວເກີນຂອບເຂດ, ເປີດເຄື່ອງ ສຽງດັງເກີນຂອບເຂດເວລາ ຂັບຂີ່ພາຫະນະປະເພດ ຕ່າງໆ, ຫ້າມດື່ມສິ່ງມືນເມົາແລ້ວຂັບຂີ່ພາຫະນະທຸກປະເພດ ແລະ ປະຕິບັດລະບຽບຈະລາຈອນຢ່າງເຂັ້ມງວດ, ຫ້າມໃຊ້ພາຫະ ນະບັນຈຸຖັງນ້ຳ, ຄຸນ້ຳເລາະຫົດ ຕາມເສັ້ນທາງຕ່າງໆ,ຫ້າມ ຫລິ້ນນ້ຳເປັນກຸ່ມ, ເຕັ້ນຢູ່ຕາມ ຖະໜົນຫລວງເດັດຂາດ, ຫ້າມ ໃຊ້ທໍ່ຢາງຕໍ່ນ້ຳອອກຈາກເຮືອນເພື່ອຫົດນ້ຳຕາມແຄມທາງໂດຍເດັດຂາດ, ຫ້າມຫົດນ້ຳໃສ່ເຈົ້າໜ້າທີ່ທີ່ກຳລັງປະຕິບັດໜ້າທີ່  ຈັດສັນຄວາມເປັນລະບຽບຮຽບ ຮ້ອຍຕາມເສັ້ນທາງ ແລະ      ສະຖານທີ່ຕ່າງໆ. ສ່ວນຜູ້ລະເມີດຂໍ້ຫ້າມນີ້ຈະຖືກສຶກສາອົບຮົມ, ກ່າວເຕືອນ ຫລື ປັບໄໝຕາມລະບຽບການ ກໍລະນີໜັກເບົາ ແລະ ຖືເປັນມາດຕະການຄວບຄຸມ ການຈັດຕັ້ງສະເຫລີມສະຫລອງວັນບຸນປີໃໝ່ລາວ ໃຫ້ດຳເນີນໄປດ້ວຍບັນຍາກາດເບີກບານມ່ວນຊື່ນ, ສະຫງົບ ແລະ ປອດໄພ.