ທ່ານ ທຣຳ ຈະເຂົ້າຮ່ວມກອງປະຊຸມ ເວີລ ອີໂກໂນມິກ ຟໍຣຳ

- advert banner 728 90 728x90 - ທ່ານ ທຣຳ ຈະເຂົ້າຮ່ວມກອງປະຊຸມ ເວີລ ອີໂກໂນມິກ ຟໍຣຳ

ປະທານາທິບໍດີ ​ໂດນ​ັນ ທຣຳ ຈະ​ເປັນ​ຜູ້ນຳ​ອາ​ເມ​ລິ​ກາ​ຄົນ​ທຳ​ອິດ​ໃນ​ຮອບ 18 ປີ ​ເຊິ່ງ​ເຂົ້າຮ່ວມ​ກອງ​ປະຊຸມ ​ເວີ​ລ ​ອີ​ໂກ​ໂນ​ມິກ ຟໍຣຳ ຢູ່​ສະ​ວິດ ​ໃນ​ທ້າຍ​ເດືອນ​ນີ້.

- lattana 1 - ທ່ານ ທຣຳ ຈະເຂົ້າຮ່ວມກອງປະຊຸມ ເວີລ ອີໂກໂນມິກ ຟໍຣຳ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 10 ມັງກອນ​ວ່າ: ທຳນຽບຂາວ​ອອກ​ຖະ​ແຫລ​ງການ​ໃນ​ວັນ​ທີ 9 ມັງກອນ​ວ່າ: ປະທານາທິບໍດີ ​ໂດ​ນັນ ທຣຳ ຈະ​ເຂົ້າຮ່ວມ​ກອງ​ປະຊຸມ ສະພາ​ເສດຖະກິດ​ໂລກ ຫລື ​ເວີ​ລ ອີ​ໂກ​ໂນ​ມິກ ຟໍຣຳ (WEF) ຄັ້ງທີ 48 ຢູ່​ສະ​ວິດ ລະຫວ່າງ​ວັນ​ທີ 23-26 ມັງກອນ​ນີ້. ຖື​ເປັນ​ປະທານາທິບໍດີ​ອາ​ເມ​ລິ​ກາ​ຄົນ​ທຳ​ອິດ​ໃນ​ຮອບ 18 ປີ​ທີ່​ຈະ​ເຂົ້າຮ່ວມ​ກອງ​ປະຊຸມ​ດັ່ງກ່າວ ນັບ​ແຕ່​ປະທານາທິບໍດີ ບິ​ລ ຄລິນ​ຕັນ ​ເຊິ່ງ​ເປັນ​ຄົນ​ທຳ​ອິດ​ທີ່​ເຂົ້າຮ່ວມ​ໃນ​ປີ 2000 ​ໃນ​ຂະນະ​ທີ່​ລັດຖະບານ​ວໍ​ຊິງ​ຕັນ​ສະ​ໄໝ​ປະທານາທິບໍດີ ບາຣັກ ​ໂອ​ບາ​ມາ ສົ່ງ​ຮອງ​ປະທານາທິບໍດີ ​​ໂຈ ​ໄບ​ເດນ ​ເຂົ້າຮ່ວມ​ກອງປະຊຸມ​ໃນ​ປີຜ່ານມາ.

​ເຖິງ​ຢ່າງ​ໃດ​ກໍ​ຕາມ, ຄະນະ​ຜູ້​ຈັດ​ກອງ​ປະຊຸມ ​ເຊິ່ງປີ​ນີ້​ຈັດ​ຂຶ້ນພາຍ​ໃຕ້​ຫົວ​ຂໍ້ “ສັນ​ສ້າງ​ອະນາຄົດ​ຮ່ວມ​ກັນ​ໃນ​ໂລກ​ທີ່​ແຕກ​ແຫງ” ​ເປີດ​ເຜີຍ​ວ່າ: ຍັງ​ບໍ່​​ໄດ້​ຮັບ​ແຈ້ງ​ຈາກ​ທຳນຽບຂາວ ກ່ຽວ​ກັບ​ກຳນົດ​ການ​ທີ່​ແນ່ນອນ​ຂອງ​ຜູ້ນຳ​ອາ​ເມ​ລິ​ກາ ວ່າ​ຈະ​ເຂົ້າຮ່ວມ​ກອງ​ປະຊຸມ​ໃນ​ວັນ​ໃດ ​ແລະ ຂຶ້ນ​ເວທີ​ປາຖະກະຖາ​ໃນ​ຫົວ​ຂໍ້​ໃດ. ຂະນະ​ທີ່​ທ່ານ​ນາງ ຊາຣາ ​ແຊນ​ເດີ​ສ ​ໂຄສົກ​ທຳນຽບຂາວ ຍັງ​ບໍ່​ໄດ້​ກ່າວ​ໃນ​ເລື່ອງ​ນີ້​ຢ່າງ​ຈະ​ແຈ້ງ ລວມທັງ​ບັນຫາ​ທີ່​ວ່າ: ທ່ານ ທຣຳ ຈະ​ເດີນທາງ​ຢ້ຽມຢາມ​ສະ​ວິດ ​ເພື່ອ​ເຂົ້າຮ່ວມ​ກອງ​ປະຊຸມ​ນີ້​ໂດຍ​ສະ​ເພາະ ຫລື ​ເປັນ​ການ​ແວ່​ລະຫວ່າງ​ກຳນົດ​ການ​ຢ້ຽມຢາມ​ປະ​ເທດ​ໃດ​ປະ​ເທດ​ໜຶ່ງ ຫລື ບໍ່.