ADB ຄາດປີນີ້ GDP ອາຊີປາຊີຟິກຈະຫຼຸດລົງເລັກຫນ້ອຍ

- advert banner 728 90 728x90 - ADB ຄາດປີນີ້ GDP ອາຊີປາຊີຟິກຈະຫຼຸດລົງເລັກຫນ້ອຍ

- ADB 274x300 - ADB ຄາດປີນີ້ GDP ອາຊີປາຊີຟິກຈະຫຼຸດລົງເລັກຫນ້ອຍຜູ້ຕາງໜ້າທະນາຄານພັດທະນາອາຊີ ( ADB ) ປະຈຳລາວເປີດເຜີຍເມື່ອງມໍ່ໆມານີ້ວ່າ: ປີ 2017 ນີ້ການຂະຫຍາຍຕົວຂອງລວມຍອດຜະລິດຕະພັນພາຍໃນ ( GDP ) ຂົງເຂດອາຊີປາຊີຟິກຈະຢູ່ໃນລະດັບ 5,7%, ຫຼຸດລົງເລັກຫນ້ອຍທຽບໃສ່ປີ 2016, ໃນຂະນະດຽວກັນເສດຖະກິດຂອງປະເທດທີ່ອຸດສາຫະກຳຂະຫຍາຍຕົວມີບັນຍາກາດຂະຫຍາຍຕົວໄປພ້ອມໆກັນ, ດັ່ງສະຫະລັດອາເມຣິກາ, ເອີລົບ ແລະ ຍີ່ປຸ່ນຄາດວ່າຈະຂະຫຍາຍຕົວຢູ່ໃນລະດັບ 1,9% ໃນປີ 2017 – 2018, ການເພີ່ມຂຶ້ນຂອງອັດຕາຜູ້ຊົມໃຊ້ ແລະ ຄວາມເຊື້ອໝັ້ນຂອງພາກທຸລະກິດ ແລະ ການຫຼຸດລົງຂອງອັດຕາຫວ່າງງານໄດ້ເປັນແຮງຜັກດັນໃຫ້ເສດຖະກິດສະຫະລັດອາເມຣິກາຂະຫຍາຍຕົວ, ແຕ່ກໍຈະບໍ່ແນ່ນອນໃນອະນາຄົດຂອງນະໂຍບາຍເສດຖະກິດອາດຈະເປັນບົດທົດສອບຕໍ່ຄວາມເຊື່ອໝັ້ນດັ່ງກ່າວ, ສ່ວນເສດຖະກິດຂອງເຂດເອີຣົບຍັງຈະສືບຕໍ່ເຂັ້ມແຂງເຖິງວ່າອັງກິດຈະຖອນຕົວອອກຈາກການເປັນສະມາຊິກເອີຣົບ, ຂະນະດຽວກັນການຂະຫຍາຍຕົວຂອງເສດຖະກິດຍີ່ປຸ່ນຍັງຂຶ້ນຢູ່ກັບຄວາມສາມາດໃນການຮັກສາການຂະຫຍາຍຕົວຂອງການສົ່ງອອກຂອງປະເທດ, ເພື່ອຍູ້ດັນການຂະຫຍາຍຕົວດ້ານເສດຖະກິດ ແລະ ທຸກໆການປ່ຽນແປງດັ່ງກ່າວແມ່ນຈະບໍ່ສົ່ງຜົນກະທົບໃດໆຕໍ່ເສດຖະກິດຂອງລາວ, ເນື່ອງຈາກບັນດາປະເທດເຫຼົ່ານັ້ນບໍ່ແມ່ນປະເທດຄູ່ຄ້າທີ່ສຳຄັນຂອງ ສປປ ລາວ ແລະ ຄາດວ່າການຂະຫຍາຍຕົວລວມຂອງຂົງເຂດອາຊີຕາເວັນອອກສຽງໃຕ້ຈະເພີ່ມຂຶ້ນ, ເພາະເສດຖະກິດຂອງທຸກໆປະເທດໃນພາກພື້ນສະແດງໃຫ້ເຫັນວ່າມີແນວໂນມດີຂຶ້ນ ແລະ ຈະຂະຍຫາຍຕົວຢູ່ໃນລະດັບ 4,8% ໃນປີ 2017 ແລະ 5% ໃນປີ 2018 ເພີ່ມຂຶ້ນຈາກປີຜ່ານມາເລັກຫນ້ອຍ, ປະເທດຜູ້ຜະລິດສິນຄ້າເຊັ່ນ: ມາເລເຊຍ, ຫວຽດນາມ ແລະ ອິນໂດເນ ເຊຍຈະໄດ້ຮັບແຮງຍູ້ດັນຈາກການພື້ນໂຕຂອງລາຄາອາຫານ ແລະ ເຊື້ອເພີງຂອງໂລກ, ຜູ້ລາຍງານຂ່າວໃຫ້ຮູ້ອີກວ່າ: ເຖິງວ່າສະພາບແວດລ້ອມພາຍໃນ ແລະ ພາຍນອກບໍ່ເອື້ອອຳນວຍ, ລວມທັງລາຄາສິນຄ້າຕົກຕ່ຳ ແລະ ຂໍ້ຈຳກັດທາງດ້ານງົບປະມານ ແຕ່ ສປປລາວ ຍັງຄົງສາມາດຄຸ້ມຄອງເພື່ອຮັກສາການຂະຫຍາຍຕົວຂອງ GDP ຢ່າງເຂັ້ມແຂງໃນລະດັບ 6,8% ໃນປີ 2016, ຊຶ່ງເປັນອັດຕາການຂະຫຍາຍຕົວດຽວກັນທີ່ໄດ້ບັນທຶກໄວ້ໃນປີ 2015  ແລະ ຄາດວ່າການຂະຫຍາຍຕົວ GDP ຂອງລາວຍັງຈະເພີ່ມຂຶ້ນອີກໃນໄລຍະ 2 ປີຕໍ່ໜ້າ, ເນື່ອງຈາກການພື້ນໂຕມີຄວາມໝັ້ນຄົງຂຶ້ນ.

- lattana 1 - ADB ຄາດປີນີ້ GDP ອາຊີປາຊີຟິກຈະຫຼຸດລົງເລັກຫນ້ອຍ