ຂໍ້ຫ້າມສໍາລັບຄົນຖືພາຊ່ວງ 3 ເດືອນທໍາອິດ ແມ່ນຫຍັງແດ່ທີ່ແມ່ທ້ອງອ່ອນຕ້ອງລະວັງ

- advert banner 728 90 728x90 - ຂໍ້ຫ້າມສໍາລັບຄົນຖືພາຊ່ວງ 3 ເດືອນທໍາອິດ ແມ່ນຫຍັງແດ່ທີ່ແມ່ທ້ອງອ່ອນຕ້ອງລະວັງ

ໃນຊ່ວງທໍາອິດຂອງການຖືພານັ້ນ ເປັນຊ່ວງເວລາຂອງການປ່ຽນແປງໃນເລື່ອງຕ່າງໆ ບໍ່ວ່າຈະເປັນການປ່ຽນແປງຂອງຮູບຮ່າງ, ຮໍໂມນໃນຮ່າງກາຍທີ່ເລີ່ມມີການປ່ຽນແປງ ແລະ ລູກນ້ອຍໃນທ້ອງເລີ່ມຈະເລີນເຕີບໂຕ ແມ່ທ້ອງອ່ອນຈຶ່ງຄວນຈະຕ້ອງລະມັດລະວັງໃນການດໍາເນີນຊີວິດ ແລະ ກຽມພ້ອມຮັບມື​ການປ່ຽນແປງຕ່າງໆທີ່ຈະເກີດຂຶ້ນ  ຂໍ້ຫ້າມສໍາລັບຄົນຖືພາ 3 ເດືອນທໍາອິດມີດັ່ງນີ້:

- lattana 1 - ຂໍ້ຫ້າມສໍາລັບຄົນຖືພາຊ່ວງ 3 ເດືອນທໍາອິດ ແມ່ນຫຍັງແດ່ທີ່ແມ່ທ້ອງອ່ອນຕ້ອງລະວັງ
  1. ແມ່ທ້ອງອ່ອນບໍ່ຄວນຊື້ຢາມາກິນເອງ ໂດຍບໍ່ຈໍາເປັນ ແລະ ຄວນກິນຢາຕາມແພດໝໍສັ່ງເທົ່ານັ້ນ ເພາະຢາບາງຊະນິດອາດສົ່ງຜົນຕໍ່ຮ່າງກາຍຂອງແມ່ ແລະ ລູກໃນທ້ອງ ໂດຍສະເພາະໃນຊ່ວງ 3 ເດືອນທໍາອິດ.
  2. ບໍ່ກິນອາຫານທີ່ແຕ່ງບໍ່ສຸກ, ຊີ້ນສັດເຄິ່ງສຸກເຄິ່ງດິບ, ອາຫານທະເລທີ່ບໍ່ໄດ້ຜ່ານການປຸງແຕ່ງໃຫ້ສຸກ ແລະ ໄຂ່ດິບ ເພາະອາດມີເຊື້ອແບັກທີເຣຍເປັນອັນຕະລາຍ ຊຶ່ງສາມາດຕິດຕໍ່ໄປສູ່ລູກນ້ອຍໃນທ້ອງຜ່ານທາງຮົກໄດ້.
  3. ຫຼີກລ່ຽງບໍລິເວນທີ່ມີມົນລະພິດເຊັ່ນ: ສະຖານທີ່ທີ່ມີໝອກຄວັນ, ບໍລິເວນທີ່ລົດຕິດຫຼາຍ ທີ່ເຮັດໃຫ້ແມ່ຖືພາຕ້ອງສູບດົມຄວັນພິດຈາກທໍ່ໄອເສຍ.
  4. ເຊົາສູບຢາ ແລະ ຢູ່ໃຫ້ຫ່າງຈາກຄວັນຢາສູບ ສານນິໂຄຕິນໃນຄວັນຢາສູບ ສາມາດສົ່ງຜົນໄປຍັງລູກນ້ອຍທາງຮົກໄດ້ ຊຶ່ງຈະເຂົ້າໄປກົດການ​ເຮັດ​ວຽກຂອງສະໝອງສ່ວນຄວບຄຸມການຫາຍໃຈ ແລະ ການເຕັ້ນຂອງຫົວໃຈ ບໍ່ວ່າຈະມາຈາກການທີ່ແມ່ຖືພາສູບຢາເອງ ຫຼື ຈາກຄວັນຢາສູບມືສອງກໍຕາມ.
  5. ງົດເຄື່ອງດື່ມທີ່ມີແອວກໍຮໍ ເພາະແອວກໍຮໍຈະໄປທໍາລາຍເຊລປະສາດ ຊຶ່ງເຮັດໃຫ້ລູກນ້ອຍມີບັນຫາການຈະເລີນເຕີບໂຕ, ມີບັນຫາດ້ານຄວາມຈໍາ ແລະ ນອກນັ້ນຍັງເຮັດໃຫ້ເດັກນ້ອຍມີຮ່າງກາຍຜິດປົກກະຕິ, ສາຍຕາສັ້ນ, ບໍລິເວນສ່ວນກາງໃບໜ້າມີການພັດທະນາໜ້ອຍກວ່າປົກກະຕິ ຊຶ່ງເປັນກຸ່ມອາການສະເພາະຂອງເດັກນ້ອຍທີ່ເກີດຈາກມານດາດື່ມແອວກໍຮໍທີ່ເອີ້ນວ່າ Fetal alcohol syndrome.
  6. ພະຍາຍາມບໍ່ຄຽດ ເພາະການຄຽດຂອງແມ່ຖືພາສົ່ງຜົນກະທົບໂດຍກົງຕໍ່ສຸຂະພາບຂອງລູກໃນທ້ອງ ອີກທັງຍັງເພີ່ມໂອກາດທີ່ຈະເກີດການລຸລູກເພີ່ມຂຶ້ນ.
  7. ແມ່ຖືພາ 3 ເດືອນທໍາອິດ ບໍ່ຄວນອົດອາຫານ ເພາະນັ້ນຈະເປັນການທໍາຮ້າຍລູກໃນທ້ອງໄປໃນຕົວ ເນື່ອງຈາກຂາດສານອາຫານເຊັ່ນ: ທາດເຫຼັກ, ກົດໂຟລິກ, ວິຕາມິນ ແລະ ແຮ່ທາດຕ່າງໆທີ່ເປັນປະໂຫຍດຕໍ່ພັດທະນາການຂອງລູກນ້ອຍໃນທ້ອງ.
  8. ແລະ ຂໍ້ຫ້າມສໍາລັບຄົນຖືພາ 3 ເດືອນທໍາອິດ ອີກຢ່າງໜຶ່ງຄື ໃນລະຫວ່າງນີ້ແມ່ທ້ອງອ່ອນບໍ່ຄວນແຊ່ນໍ້າຮ້ອນ ເພາະຈະເຮັດໃຫ້ອຸນນະພູມໃນຮ່າງກາຍເພີ່ມສູງຂຶ້ນ ສົ່ງຜົນໃຫ້ຮ່າງກາຍຂາດນໍ້າ, ເກີດອາການອົກຊິເຈນໄປລ້ຽງລູກໃນທ້ອງບໍ່ພຽງພໍ ສົ່ງຜົນຕໍ່ການຈະເລີນເຕີບໂຕຂອງລູກນ້ອຍ ອາດເຮັດໃຫ້ເກີດການເກີດກ່ອນກໍານົດ ແລະ ເຮັດໃຫ້ເດັກມີນໍ້າໜັກຕໍ່າກວ່າເກນໄດ້.

-                       3                 2 - ຂໍ້ຫ້າມສໍາລັບຄົນຖືພາຊ່ວງ 3 ເດືອນທໍາອິດ ແມ່ນຫຍັງແດ່ທີ່ແມ່ທ້ອງອ່ອນຕ້ອງລະວັງ

ຄໍາແນະນໍາສໍາລັບຄົນຖືພາ 3 ເດືອນທໍາອິດ:

  1. ກິນອາຫານໃຫ້ຄົບ 5 ໝູ່
  2. ດື່ມນົມຢ່າງໜ້ອຍ 600 ມິນລິລິດທຸກວັນ ເພື່ອໃຫ້ຮ່າງກາຍໄດ້ຮັບແຄວຊ່ຽມຢ່າງພຽງພໍ
  3. ກິນອາຫານເທື່ອລະໜ້ອຍ ແຕ່ຕ້ອງກິນດຸໆ
  4. ອອກກໍາລັງກາຍຢ່າງພໍດີ
  5. ໄປພົບແພດໝໍຕາມນັດທຸກຄັ້ງ
  6. ດື່ມນໍ້າຫຼາຍໆ
  7. ນອນລັບພັກຜ່ອນໃຫ້ພຽງພໍ ນອນຕອນເວັນ ຖ້າມີເວລາ