ຝຣັ່ງຊວນເຢຍລະມັນລົງທຶນເພີ່ມ ເພື່ອເສີມການເຕີບໃຫຍ່ຂອງ EU

- advert banner 728 90 728x90 - ຝຣັ່ງຊວນເຢຍລະມັນລົງທຶນເພີ່ມ ເພື່ອເສີມການເຕີບໃຫຍ່ຂອງ EU

ລັດຖະມົນຕີ​ຝຣັ່ງກ່າວ​ຮຽກຮ້ອງ​ເຢຍລະ​ມັນ​ຫລຸດຜ່ອນ​ກົດ​ລະບຽບ ​ເພື່ອ​ຊຸກຍູ້​ການ​ຂະຫຍາຍຕົວ​ຂອງ​ເອີຣົບຕໍ່​ໄປ. ຂະນະ​ທີ່​ທ່ານ​ນາງ ອັງ​ເກ​ລາ ​ແມຣ​ເຄິລ ນາຍົກລັດຖະມົນຕີ​ເຢຍລະ​ມັນ ຍັງ​ປະສົບ​ບັນຫາ​ໃນ​ການຈັດຕັ້ງລັດຖະບານ​ປະສົມ​ຊຸດ​ໃໝ່.

- lattana 1 - ຝຣັ່ງຊວນເຢຍລະມັນລົງທຶນເພີ່ມ ເພື່ອເສີມການເຕີບໃຫຍ່ຂອງ EU

ທ່ານ ບຣູ​ໂນ ​ເລີ​ແມຣ ລັດຖະມົນຕີ​ການ​ເງິນ​ຝຣັ່ງ ​ໃຫ້​ສຳພາດ​ສື່​ວ່າ: ຝຣັ່ງ ​ໄດ້​ດຳ​ເນີນ​ການ​ຫລຸດ​ການ​ໃຊ້​ຈ່າຍ​ພາກ​ລັດ​ເລັກ​ໜ້ອຍ ​ແລະ ປະຕິ​ຮູບ​ລະບົບ​ເສດຖະກິດ ຈຶ່ງ​ຫວັງ​ວ່າ​ເຢຍລະ​ມັນ​ຈະ​ໃຫ້ການ​ຮ່ວມ​ມື​ໃນ​ການ​ຊຸກຍູ້​ຄັ້ງນີ້ ​ໂດ​ຍການ​ໃຊ້​ນະ​ໂຍບາຍ​ ​ແລະ ການ​ລົງທຶນ​ເພີ່ມ​ຕື່ມ ​ເພື່ອ​ຂັບ​ເຄື່ອນ​ເອີຣົບຕໍ່​ໄປ. ຂໍ້​ຮຽກຮ້ອງ​ດັ່ງກ່າວ​ມີ​ຂຶ້ນ​ໃນ​ໄລຍະ​ເວລາ​ສຳຄັນ​ທີ່​ທ່ານ​ນາງ ​ແມຣ​ເຄິລ ພະຍາຍາມຈັບ​ມື​ເປັນ​ພັນທະ​ມິດ​ຄັ້ງ​ໃໝ່​ກັບ​ພັກ​ສັງຄົມ​ປະຊາທິປະ​ໄຕ (SPD) ພາຍຫລັງ​ການ​ເລືອກ​ຕັ້ງທີ່​ຍັງ​ບໍ່​ໄດ້ຂໍ້​ສະຫລຸບ​ຈະ​ແຈ້ງ​​ໃນ​ເດືອນ​ກັນຍາ.