ອິນເດຍຈະຕ້ອນຮັບຜູ້ນຳອາຊຽນ ຫວັງຍາດອິດທິພົນກັບຈີນ

- advert banner 728 90 728x90 - ອິນເດຍຈະຕ້ອນຮັບຜູ້ນຳອາຊຽນ ຫວັງຍາດອິດທິພົນກັບຈີນ

ນາຍົກລັດຖະມົນຕີ ນາ​ເຣນທຣາ ​ໂມ​ດີ ຂອງ​ອິນ​ເດຍ ຈະ​ເປັນ​ເຈົ້າພາບ​ໃຫ້ການ​ຕ້ອນຮັບ​ຜູ້ນຳ 10 ປະ​ເທດ​ສະມາຊິກ​ອາ​ຊຽນ ​ໃນ​ຖານະ​ອາຄັນຕຸກະ​ຜູ້​ຊົງ​ກຽດ ​ເນື່ອ​ງ​ໃນ​ວັນຊາດ​ອິນ​ເດຍ. ຂະນະ​ທີ່​ອິນ​ເດ​ຍພະຍາຍາມ​ຍາດ​ຊີງ​ອິດ​ທິພົນ​ກັບ​ຈີນ​ໃນ​ພາກພື້ນອາຊີ​ຕາ​ເວັນ​ອອກສຽງ​ໃຕ້.

- lattana 1 - ອິນເດຍຈະຕ້ອນຮັບຜູ້ນຳອາຊຽນ ຫວັງຍາດອິດທິພົນກັບຈີນ

ກະຊວງ​ຕ່າງປະ​ເທດ​ອິນ​ເດຍຖະ​ແຫລ​ງວ່າ: ອິນ​ເດຍຈະ​ເປັນ​ເຈົ້າພາບ​ຕ້ອນຮັບ​ຄະນະ​ຜູ້ນຳ​ສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ໃນ​ກອງ​ປະຊຸມ​ສຸດ​ຍອດ 25 ​ມັງກອນ​ນີ້ ​ເພື່ອ​ສະ​ເຫລີ​ມສະຫລອງ​ໃນ​ໂອກາດ​ຄົບຮອບ 25 ປີ ການ​ພົວພັນ ອິນ​ເດຍ-ອາ​ຊຽນ ລວມທັງ​ຮ່ວມ​ຊົມ​ພິທີ​ສວນສະໜາມ​ເນື່ອງ​ໃນ​ວັນຊາດ​ອິນ​ເດຍ. ຖະ​ແຫລ​ງການ​ກະຊວງ​ຕ່າງປະ​ເທດ​ລະບຸ​ວ່າ: ​ໃນ​ປີ​ນີ້ ຜູ້ນຳ​ຈາກ​ໄທ, ຫວຽດນາມ, ອິນ​ໂດ​ເນ​ເຊຍ, ມາ​ເລ​ເຊຍ, ຟີ​ລິບ​ປິນ, ສິງກະ​ໂປ, ມຽນມາ, ກຳປູ​ເຈຍ, ລາວ ​ແລະ ບຣູ​ໄນ ຈະ​ໄດ້​ເຂົ້າຮ່ວມ​ໃນ​ຖານະ​ອາຄັນຕຸກະຜູ້​ຊົງ​ກຽດ​ເປັນຄັ້ງທຳ​ອິດ ​ເຊິ່ງ​ເຈົ້າໜ້າ​ທີ່​ຕ່າງປະ​ເທດ​ກ່າວ​ວ່າ: ອິນ​ເດຍມີ​ຄວາມ​ຍິນ​ດີ ​ແລະ ​ເປັນ​ກຽດ​ທີ່​ຜູ້ນຳ 10 ປະ​ເທດ​ສະມາຊິກ​ອາ​ຊຽນຕອບ​ຮັບ​ຄຳ​ເຊ​ີນ. ທັງ​ນີ້ ນາຍົກລັດຖະມົນຕີ ນາ​ເຣນທຣາ ​ໂມ​ດີ ຂອງ​ອິນ​ເດຍ ມີ​ນະ​ໂຍບາຍ​ທາງບຸກຕາ​ເວັນ​ອອກ ທັງ​ການ​ຄ້າ ​ແລະ ວັດທະນະທຳ​ກັບ​ອາ​ຊຽນ ​ເພື່ອ​ຍາດ​ຊິງ​ອິດ​ທິພົນ​ຈາກ​ຈີນ.