ເຈົ້າໜ້າທີ່ຈະລາຈອນ 600 ກວ່າຄົນກຽມຮັບໃຊ້ສົງການ

- advert banner 728 90 728x90 - ເຈົ້າໜ້າທີ່ຈະລາຈອນ 600 ກວ່າຄົນກຽມຮັບໃຊ້ສົງການ

 

- lattana 1 - ເຈົ້າໜ້າທີ່ຈະລາຈອນ 600 ກວ່າຄົນກຽມຮັບໃຊ້ສົງການ

- Ttraffic police 262x300 - ເຈົ້າໜ້າທີ່ຈະລາຈອນ 600 ກວ່າຄົນກຽມຮັບໃຊ້ສົງການ         ວັນທີ 10 ເມສານີ້, ພະແນກຕຳຫລວດຈະລາຈອນ ນະຄອນຫລວງວຽງຈັນ, ໄດ້ຈັດ ກຳລັງເຈົ້າໜ້າທີ່ຫລາຍກວ່າ 600 ຄົນ, ຍິງ 30 ກວ່າຄົນເຂົ້າປ້ອງກັນໄລຍະສົງການ, ໂດຍທ່ານຫົວໜ້າພະແນກຕຳຫລວດຈະລາຈອນ ດັ່ງກ່າວເປີດເຜີຍໃຫ້ຮູ້ວ່າ: ເພື່ອເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ແລະ ອໍານວຍຄວາມສະດວກໃຫ້ແກ່ມວນຊົນຫລີ້ນບຸນປີໃໝ່ມີບັນຍາກາດເບີກບານມ່ວນຊື່ນ ມີຄວາມສະຫງົບປອດໄພ ແລະ ຮັບປະກັນໃຫ້ການຈະລາຈອນຢູ່ແຕ່ລະເສັ້ນທາງມີຄວາມໂລ່ງລ່ຽນບໍ່ແອອັດ ຈຶ່ງໄດ້ຈັດກຳລັງເຈົ້າໜ້າທີ່ຫລາຍກວ່າ 600 ຄົນ ເພື່ອລົງປ້ອງກັນ ແລະ ຮັບປະກັນໃຫ້ການປະຕິບັດໜ້າທີ່ດັ່ງກ່າວດ້ວຍຄວາມເຂັ້ມງວດ. ສຳລັບເຈົ້າໜ້າທີ່ຈະລາຈອນແມ່ນຈະໄດ້ເລັ່ງໃສ່ການຄວບຄຸມຄວາມໄວ, ກວດກາທາດເຫລົ້າ ແລະ ອອກເຄື່ອນໄຫວຕາມສາຍທາງຕ່າງໆ ເພື່ອເຕືອນຜູ້ລະເມີດຕໍລະບຽບຈະລາຈອນ ແລະ ຂໍ້ຫ້າມຕ່າງໆທີ່ກອງບັນຊາການ ປກສ ແລະ ເຈົ້າຄອງນະຄອນຫລວງວຽງຈັນ ລະບຸໄວ້ ແນໃສ່ະກັດກັ້ນການເກີດອຸປະຕິເຫດໃຫ້ຫລຸດລົງໜ້ອຍລົງຄື: ໃນໄລຍະປີໃໝ່ຜ່ານມາ, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນ 49 ຄັ້ງ ສົ່ງຜົນໃຫ້ມີຜູ້ເສຍຊີວິດ 8 ຄົນ ແລະ ບາດເຈັບ 78 ຄົນ, ພາຫະນະເປ່ເພເສຍຫາຍຈຳນວນຫລາຍ.