ສາທາ​ເຕືອນ​ໃຫ້ເອົາໃຈໃສ່​ຮັກສາ​ສຸຂະພາບ​ໃນ​ໄລຍະ​ອາ​ກາດໜາວ​ເຢັນ

- advert banner 728 90 728x90 - ສາທາ​ເຕືອນ​ໃຫ້ເອົາໃຈໃສ່​ຮັກສາ​ສຸຂະພາບ​ໃນ​ໄລຍະ​ອາ​ກາດໜາວ​ເຢັນ

ປັດຈຸບັນ, ​ທົ່ວ​ທຸກ​ພາກຂອງ​ປະ​ເທດເຮົາ, ພວມປະ​ເຊີນ​ກັບ​ບັນຫາ​ສະພາບ​ອາກາດໜາວ​ເຢັນ​ຕິດຕໍ່ກັນ​ຫລາຍ​ວັນ, ອາດສົ່ງຜົນກະທົບບໍ່ໜ້ອຍຕໍ່ສຸຂະພາບຂອງປະຊາຊົນເຮົາ, ໂດຍສະເພາະຜູ້ອາຍຸສູງ ແລະ ເດັກນ້ອຍ, ຊຶ່ງອາດຈະປະສົບກັບຄວາມສ່ຽງໃນການຕິດເຊື້ອໄຂ້ຫວັດ, ປອດບວມ ແລະ ອື່ນໆ, ດັ່ງນັ້ນ, ພະແນກສາທາລະນະສຸກນະຄອນຫລວງວຽງຈັນ, ຈຶ່ງໄດ້ອອກມາເຕືອນໃຫ້ປະຊາຊົນເອົາໃຈໃສ່ຕໍ່ການຮັກສາສຸຂະພາບຂອງຕົນ, ນຸ່ງຫົ່ມໃຫ້ອົບອຸ່ນ, ໝັ້ນທໍາຄວາມສະອາດຮ່າງກາຍ ແລະ ເອົາໃຈໃສ່ປະຕິບັດຫລັກການອານາໄມ 3 ສະອາດໃຫ້ເຂັ້ມງວດເຊັ່ນ: ກິນດື່ມໃຫ້ສະອາດ ແລະ ນຸ່ງຫົ່ມໃຫ້ສະອາດ ແລະ ຄຽງຄູ່ກັນນັ້ນກໍຕ້ອງເອົາໃຈໃສ່ເບິ່ງແຍງຮັກສາສັດລ້ຽງຂອງຕົນໃຫ້ອົບອຸ່ນ ບໍ່ຄວນປະປ່ອຍໄປຕາມທໍາມະຊາດ, ໂດຍສະເພາະງົວ-ຄວາຍ ທຸກແລງຕ້ອງນໍາສັດເຂົ້າຄອກທີ່ມີຝາປົກປິດໃຫ້ເປັນຢ່າງດີ.

- lattana 1 - ສາທາ​ເຕືອນ​ໃຫ້ເອົາໃຈໃສ່​ຮັກສາ​ສຸຂະພາບ​ໃນ​ໄລຍະ​ອາ​ກາດໜາວ​ເຢັນ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ສະພາບ​ອາກາດໜາວ​ເຢັນ​ຈາກ​ປະ​ເທດ​ຈີນຈະ​ມີ​ກຳລັງ​ແຮງ​ເພີ່ມ​ຂຶ້ນພັດ​ລົງ​ມາ​ປົກ​ຄຸມ​ທົ່ວ​ທຸກ​ພາກ​ຂອງ​ປະ​ເທດ​ເຮົາ​ສົມທົບ​ກັບ​ກະ​ແສ​ຕາ​ເວັນ​ອອກສຽງ​ເຫນືອ​ທີ່​ມີ​ກຳລັງ​ແຮງ, ຊຶ່ງ​ຈະ​ເຮັດ​ໃຫ້​ສະພາບ​ອາກາດ​ຍັງ​ສືບຕໍ່ໜາວ​ເຢັນ​ໄປ​ອີກ​ຫລາຍ​ວັນ​, ໂດຍ​ສະ​ເພາະ​ໃນ​ວັນ​ທີ 10-15 ມັງກອນ​ນີ້, ອຸນຫະພູມ​ຈະ​ຫລຸດ​ລົງ​ຕື່ມ​ອີກ 2-4 ອົງສາ, ສະ​ນັ້ນ​ຈຶ່ງ​ເຕືອນ​ໃຫ້​ປະ​ຊາ​ຊົນ, ​ໂດຍ​ສະ​ເພາະ​ແຂວງພາກ​ເຫນືອ ​ໄຊ​ສົມບູນ, ​ເຂດ​ພູ​ພຽງບໍລິ​ເວນ, ​ເມືອງດາກ​ຈຶງ ໃຫ້ລະວັງ​ເປັນ​ພິ​ເສດເພາະຈະມີ​ອາກາດໜາວ​ເຢັນຮ້າຍແຮງຂຶ້ນ, ຂໍ​ໃຫ້​ປະຊາຊົນ​ຈົ່ງ​ມີ​ສະຕິ​ຮັບ​ມື​ກັບ​ສະພາບ​ການ​ປ່ຽນ​ແປງ​ຂອງ​ອາ​ກາດໜາວ​ເຢັນ​ດັ່ງກ່າວ ຄືຜູ້ອາຍຸສູງ ແລະ ເດັກນ້ອຍຕ້ອງນຸ່ງເຄື່ອງ​ໃຫ້​ອົບ​ອຸ່ນ, ພ້ອມ​ທັງເອົາໃຈໃສ່ຕິດຕາມ​ຂ່າວ​ສະພາບ​ອາກາດ​ຈາກ​ກົມ​ອຸຕຸນິຍົມ​ເປັນເປັນປົກກະຕິ.

ກະຊວງ​ກະສິກຳ ​ແລະ ປ່າ​ໄມ້ ​​ໃຫ້​ຮູ້​ວ່າ: ​ສະພາບ​ພາບ​ອາກາດໜາວ​ເຢັນຢູ່ປະເທດເຮົາໄດ້ເລີ່ມ​ແຕ່​ຕົ້ນ​ເດືອນ​ພະຈິກ 2017 ​ເປັນຕົ້ນມາ, ຢູ່​ເມືອງ​ວຽງ​ໄຊ ​ແຂວງ​ຫົວພັນ, ​​ໄດ້​ເກີດ​ການ​ລະບາ​ດຂອງ​ພະຍາດ​ປາກ​ເປື່ອຍ​ລົງ​ເລັບ​ງົວ-ຄວາຍ​ຂຶ້ນຢູ່ 35 ບ້ານ​ໃນເມືອງດັ່ງກ່າວ, ມີ​ງົວ-ຄວາຍ​ຕິດ​ເຊື້ອພະຍາດ​ນີ້​​ແລ້ວ 3.673 ​ໂຕ, ສ່ວນ​ໃຫຍ່​ແມ່ນ​ງົວ, ຄວາຍ​ເກີດ​ໃໝ່, ນີ້ກໍແມ່ນສາເຫດໜຶ່ງທີ່ເກີດຈາກສະພາບອາກາດໜາວ, ດັ່ງນັ້ນພວກເຮົາຕ້ອງໄດ້ພະຍາຍາມເບິ່ງແຍງຮັກສາສັດລ້ຽງຂອງຕົນໃຫ້ດີເພື່ອບໍ່ໃຫ້ມີຜົນເສຍຫາຍຕາມມາ.