ຈີນ-ອາຊຽນ ປະກາດຍົກລະດັບການຮ່ວມມມື ຫລັງເປັນຄູ່ເຈລະຈາກັນຄົບ 25 ປີ

- advert banner 728 90 728x90 - ຈີນ-ອາຊຽນ ປະກາດຍົກລະດັບການຮ່ວມມມື ຫລັງເປັນຄູ່ເຈລະຈາກັນຄົບ 25 ປີ

- 1491886810096 960x0 300x169 - ຈີນ-ອາຊຽນ ປະກາດຍົກລະດັບການຮ່ວມມມື ຫລັງເປັນຄູ່ເຈລະຈາກັນຄົບ 25 ປີ     ຈາ​ກາ​ຕາ 11 ​ເມສາ: ສຳນັກ​ຂ່າວ​ຊິນ​ຮົວຂອງ​ທາງ​ການ​ຈີນ​ລາຍ​ງານ​ວ່າ: ຈີນ ​ແລະ ບັນດາ​ປະ​ເທດ​ສະມາຊິກ​ອາ​ຊຽນ ປະກາດ​ເດີນ​ໜ້າ​ພັດທະນາ​ການ​ເປັນ​ຫຸ້ນ​ສ່ວນ​ທາງ​ດ້ານ​ຍຸດ​ທະ​ສາດ ​ເນື່ອງ​ໃນ​ໂອກາດ​ຄົບຮອບ 25 ປີ ​ໃນ​ຖານະ​ກຸ່ມ​ປະ​ເທດ​ຄູ່​ເຈລະຈາ.

- lattana 1 - ຈີນ-ອາຊຽນ ປະກາດຍົກລະດັບການຮ່ວມມມື ຫລັງເປັນຄູ່ເຈລະຈາກັນຄົບ 25 ປີ

ລາຍ​ງານ​ລະບຸ​ວ່າ: ພັນທະ​ສັນຍາ​ດັ່ງກ່າວ​ມີ​ຂຶ້ນ​ໃນ​ກອງ​ປະຊຸມ​ຄະນະ​ກຳມະການ​ຮ່ວມ​ວ່າ​ດ້ວຍ​ການ​ຮ່ວມ​ມື ຈີນ-ອາ​ຊຽນ ຄັ້ງທີ 18 ​ເຊິ່ງຈັດ​ຂຶ້ນຢູ່​ສຳນັກງານ​ເລຂາທິການ​ອາ​ຊຽນ ​ໃນ​ນະຄອນຫລວງ​ຈາ​ກາ​ຕາ ຂອງ​ອິນ​ໂດ​ເນ​ເຊຍ ​ໂດຍ​ມີ​ຕົວ​ແທນ​ຈາກ​ທັງ​ສອງ​ຝ່າຍ​ເຂົ້າຮ່ວມ. ທ່ານ ສາ​ວີ ປູ້ ​ເອກ​ອັກຄະລາຊະທູດຈີນ​ປະຈຳ​ອາ​ຊຽນ ​ເຊິ່ງ​ເປັນ​ປະທານ​ຮ່ວມ​ໃນ​ກອງ​ປະຊຸມ ກ່າວ​ວ່າ: ມູນ​ຄ່າ​ການ​ຄ້າ​ລະຫວ່າງ ຈີນ-ອາ​ຊຽນ ​ເພີ່ມ​ສູງ​ຂຶ້ນບັນລຸ 452.200 ລ້ານ​ໂດ​ລາ​ສະຫະ ລັດ ​ໃນ​ປີຜ່ານມາ ​ເຮັດ​ໃຫ້​ຈີນ​ກາຍ​ເປັນ​ປະ​ເທດ​ຄູ່​ຄ້າ​ໃຫຍ່​ທີ່​ສຸດ​ຂອງ​ອາ​ຊຽນ. ຂະນະ​ທີ່​ອາ​ຊຽນ​ເປັນ​ຄູ່​ຄ້າ​ໃຫຍ່​ເປັນອັນ​ດັບ​ທີ 3 ລວມທັງ​ເປັນ​ຕະຫລາດ​ສົ່ງ​ອອກ​ໃຫຍ່​ອັນ​ດັບ 4 ​ແລະ ນຳ​ເຂົ້າ​ໃຫຍ່​ອັນ​ດັບ 2 ຂອງ​ຈີນ. ນອກຈາກ​ນີ້ ການ​ແລກປ່ຽນ​ລະດັບ​ປະຊາຊົນ​ຍັງ​ພັດທະນາ​​ໄປ​ຫລາຍ, ອາ​ຊຽນຈຶ່ງ​ຍັງ​ມີ​ຄວາມ​ສຳຄັນ​ໃນ​ດ້ານການ​ທູດ​ສຳລັບ​ຈີນ. ຂະນະ​ທີ່​ຈີນ​ກໍ​ເປັນ​ມິດ​ແທ້​ທີ່​ພ້ອມ​ຄຽງ​ຂ້າງ​ອາ​ຊຽນ.

ທ່ານ ສາວີ ກ່າ​ວອີກ​ວ່າ: ຈີນ​ພ້ອມ​ຈະ​ເຮັດ​ວຽກ​ຮ່ວມ​ກັບ​ອາ​ຊຽນພາຍ​ໃຕ້​ຂອບ​ການ​ຮ່ວມ​ມື 2+7 ​ແລະ ​ແຜນ​ປະຕິບັດ​ການ​ວ່າ​ດ້ວຍ​ເລື່ອງ​ການ​ເປັນ​ຫຸ້ນ​ສ່ວນ​ທາງ​ດ້ານ​ຍຸດ​ທະ​ສາດ ຈີນ-ອາ​ຊຽນ ສະບັບ​ທີ 3 ​ເພື່ອ​ສົ່ງ​ເສີມ​ຄວາມ​​ໄວ້​ເນື້ອ​ເຊື່ອ​ໃຈ​ກັນ​ໃນ​ທາງ​ຍຸ​ດທະ​ສາດ, ພັດທະນາ​ການ​ຮ່ວມ​ມື​ໃນ​ດ້ານ​ຕ່າງໆ ​ເພື່ອ​ສົ່ງ​ເສີມ​ການ​ພົວພັນ​ອັນ​ດີ​ລະຫວ່າງ 2 ຝ່າຍ ​ແລະ ຮ່ວມ​ກັນ​ສ້າງ​ປະຊາ​ຄົມ ຈີນ-ອາ​ຊຽນ.

ສ່ວນ​ຜູ້​ແທນ​ຖາວອນ​ສິງກະ​ໂປ​ປະຈຳ​ອາ​ຊຽນ ກ່າວ​ວ່າ: ທ່ານ​ຮູ້ສຶກ​ດີ​ຕໍ່​ຜົນສຳ​ເລັດ​ໃນ​ຫລາຍໆ​ເລື່ອງ ອັນ​ເປັນ​ຜົນ​ມາ​ຈາກ​ການ​ພັດທະນາ​ການ​ພົວພັນ​ລະຫວ່າງ ຈີນ ​ແລະ ອາ​ຊຽນ ລວມທັງ​ການ​ຮ່ວມ​ມື​ໃນ​ຫລາຍໆ​ດ້ານ​​ໃນ​ປີຜ່ານມາ. ທ່ານ​ກ່າວ​ອີກ​ວ່າ: ອາ​ຊຽນຍິນ​ດີ​ຈະ​ໃຫ້ການ​ສະໜັບສະໜູນ​ການ​ພັດທະນາ​ອາ​ຊຽນ​ໃນ​ໄລຍະ​ຍາວ ​ແລະ ສະໜັບສະໜູນ​ການ​ສ້າງ​ປະຊາ​ຄົມ​ອາ​ຊຽນ.