ສປປ ລາວ ໄດ້ຮັບລາງວັນ​​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ ປະຈໍາປີ 2017

ສປປ ລາວ ໄດ້ຮັບລາງວັນ​​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ ປະຈໍາປີ 2017 - advert banner 728 90 728x90 - ສປປ ລາວ ໄດ້ຮັບລາງວັນ​​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ ປະຈໍາປີ 2017

ກະຊວງການເງິນ ກໍຄືລັດຖະບານລາວ,  ສາ​ມາດ​ຍາດ​ໄດ້ລາງວັນ​ຂອງ​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ (Best Bond Award) ປະຈຳປີ 2017 ຈາກ​ຜົນ​ງານ​ການ​ອອກ​ພັນ​ທະ​ບັດ​ເປັນ​ສະ​ກຸນ​ເງິນ​ບາດ ມູນ​ຄ່າ 14.000 ລ້ານ​ບາດທີ່​ປະ​ເທດ​ໄທໃນ​ເດືອນ​ຕຸ​ລາ 2017 ທີ່ຜ່ານມາຈາກ The Asset Triple A Country Award 2017 ທີ່ຮົງກົງ.

ສປປ ລາວ ໄດ້ຮັບລາງວັນ​​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ ປະຈໍາປີ 2017 - lattana 1 - ສປປ ລາວ ໄດ້ຮັບລາງວັນ​​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ ປະຈໍາປີ 2017

ຕາງໜ້າລັດຖະບານລາວເຂົ້າ​ຮ່ວມໃນພິທີປະກາດຜົນລາງວັນການລະດົມທຶນດີເດັ່ນປະຈຳປີ 2017 (The Asset Triple A Country Award 2017) ຢູ່ທີ່ຮົງກົງ, ໃນລະ​ຫວ່າງວັນທີ 15-18 ມັງ​ກອນ  ຜ່ານມານີ້, ໂດຍແມ່ນທ່ານ​ ບຸນ​ໂຈມ ອຸ​ບົນ​ປະ​ເສີດ ຮອງ​ລັດ​ຖະ​ມົນ​ຕີ​ກະ​ຊວງ​ການ​ເງິນ, ຈາກ​ຜົນ​ງານ​ການ​ອອກ​ພັນ​ທະ​ບັດ​ເປັນ​ສະ​ກຸນ​ເງິນ​ບາດທີ່​ປະ​ເທດ​ໄທ ໃນ​ເດືອນ​ຕຸ​ລາ 2017 ແລະ ການອອກພັນທະບັດຄັ້ງນີ້, ກະຊວງການເງິນແຫ່ງ ສປປ ລາວ ໄດ້ມອບໃຫ້ທະນາຄານກຸງເທບ, ທະນາຄານທະນະຊາດ, ທະນາຄານໄທພານິດ ແລະ ບໍລິສັດທີ່ປຶກສາ ທະວິນພາຍ ເປັນຜູ້ປະສານງານກັບພາກລັດທີ່ກ່ຽວຂ້ອງຂອງໄທ, ລວມທັງການກະກຽມເອກະສານທີ່ກ່ຽວຂ້ອງກັບການອອກພັນທະບັດ ແລະ ຕອບຄຳຖາມຂອງບັນດານັກລົງທຶນ, ກະຊວງການເງິນໄທ ແລະ ທະນາຄານແຫ່ງປະເທດໄທໄດ້ອະນຸຍາດໃຫ້ລັດຖະບານລາວ ອອກພັນທະບັດເປັນສະກຸນເງິນບາດ ຢູ່ປະເທດໄທ ມູນ​ຄ່າບໍ່ເກີນ 14.000 ລ້ານ​ບາດ.

ຊຶ່ງການອອກພັນທະບັດ ຄັ້ງນີ້, ເປັນຄັ້ງທີ 7 ແລະ ໄດ້ສຳເລັດໃນວັນທີ 5 ຕຸລາ 2017 ດ້ວຍຜົນອັນຈົບງາມ ແລະ ສາມາດອອກພັນທະບັດທີ່ມີອາຍຸເຖິງ 3 ປີ, 5 ປີ, 7 ປີ, 10 ປີ, 12 ປີ ແລະ 15 ປີ ຊຶ່ງກວມເອົາ 38,40% ຂອງມູນຄ່າພັນທະບັດທັງໝົດ, ສະແດງໃຫ້ເຫັນເຖິງຄວາມເຊື່ອໝັ້ນຂອງນັກລົງທຶນໄທທີ່ມີຕໍ່ເສດຖະກິດຂອງສປປ ລາວ, ຊຶ່ງມີຈຳນວນນັກລົງທຶນທີ່ຊື້ພັນທະບັດຂອງລັດຖະບານ ສປປ ລາວ ໃນຄັ້ງນີ້ກວມເອົາ 27,8% ຂອງນັກລົງທຶນທີ່ມີລາຍຮັບສູງ (High Net Worth), ສ່ວນ 72,2% ແມ່ນນັກລົງທຶນທີ່ເປັນສະຖາບັນການເງິນ ຈາກຜົນງານດັ່ງກ່າວ ຈຶ່ງເຮັດໃຫ້ ສປປ ລາວ ສາ​ມາດ​ຍາດ​ໄດ້ລາງວັນ​ຂອງ​ການ​ອອກ​ພັນ​ທະ​ບັດທິ່ມີ​ເງື່ອນ​ໄຂ​ດີ​ທີ່​ສຸດ (Best Bond Award)  ປະຈໍາປີ 2017.

ນອກຈາກນີ້, ໃນ​ປີ 2015  ສປປປ ລາວ ກໍ່ເຄີຍ​ໄດ້ລາງວັນການລະດົມທຶນແຫ່ງປີໃນອະນຸພາກພື້ນລຸ່ມແມ່ນ້ຳຂອງ (Deals of the year) ຈາກຜົນງານທີ່ອອກພັນທະບັດເປັນສະກຸນເງິນບາດມູນຄ່າ 12.000 ລ້ານ ບາດທີ່ປະເທດໄທເຊັ່ນກັນ.