ທ່ານຮອງນາຍົກລັດຖະມົນຕີ ສົມດີ ດວງດີ ໂອ້ລົມກອງປະຊຸມ ປທສ

ທ່ານຮອງນາຍົກລັດຖະມົນຕີ ສົມດີ ດວງດີ ໂອ້ລົມກອງປະຊຸມ ປທສ - advert banner 728 90 728x90 - ທ່ານຮອງນາຍົກລັດຖະມົນຕີ ສົມດີ ດວງດີ ໂອ້ລົມກອງປະຊຸມ ປທສ

ກອງປະຊຸມວຽກງານຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ ແລະ ວຽກງານໄອຊີທີ ປະຈໍາປີ 2017, ໄດ້ອັດລົງດ້ວຍຜົນສໍາເລັດຈົບງາມ, ໃນວັນທີ 24 ມັງກອນນີ້, ທີ່ສູນການຄ້າລາວ-ໄອເຕັກ, ໂດຍການເຂົ້າຮ່ວມ ແລະ ໂອ້ລົມຂອງທ່ານ ສົມດີ ດວງດີ ຮອງນາຍຍົກລັດຖະມົນຕີ, ລັດຖະມົນຕີກະຊວງການເງິນ. ໂດຍທ່ານໄດ້ເນັ້ນໃຫ້ຂະແໜງການດັ່ງກ່າວ ເລັ່ງປັບປຸງ ແລະ ສ້າງກົດໝາຍ, ນິຕິກໍາລຸ່ມກົດໝາຍໃຫ້ຮັດກຸມ ແລະ ຄົບຖ້ວນ ເພື່ອຫັນການຄຸ້ມຄອງລັດດ້ານໄປສະນີ, ໂທລະຄົມມະນາຄົມ ແລະ ການສື່ສານ ດ້ວຍກົດໝາຍ. ພ້ອມກັນນັ້ນ ກໍຕ້ອງເຜີຍແຜ່ ແລະ ບັງຄັບໃຊ້ນິຕິກໍາທີ່ມີໃຫ້ໄດ້ຮັບຜົນດີ, ທັງເຮັດໜ້າທີ່ກວດກາ-ຢັ້ງຢືນມາດຕະຖານເຕັກນິກ ຂອງອຸປະກອນໂທລະຄົມໃຫ້ສອດຄ່ອງກັບສາກົນ, ມີມາດຕະຖານ ແລະ ຄຸນນະພາບ ດ້ວຍລາຄາທີ່ເປັນທໍາກັບຜູ້ຊົມໃຊ້, ພ້ອມທັງສືບຕໍ່ເຜີຍແຜ່ ແລະ ສ້າງຄວາມເຂົ້າໃຈໃຫ້ສັງຄົມ ຕໍ່ການນໍາໃຊ້ສື່ສັງຄົມອອນລາຍຢ່າງມີຈັນຍາບັນ ແລະ ມີຄວາມຮັບຜິດຊອບ ນໍາໃຊ້ໃນທາງທີ່ດີ, ມີປະໂຫຍດ ແລະ ຈໍາກັດສິ່ງຫຍໍ້ທີ່ຕ່າງໆ, ດັດສົມການດໍາເນີນທຸລະກິດຂອງບັນດາວິສາຫະກິດທີ່ຂຶ້ນກັບກະຊວງ ຍົກສູງການບໍລິການທີ່ມີຄຸນນະພາບ, ທັນສະໄໝ, ມີກໍາໄລທີ່ຖືກຕ້ອງ ແລະ ມີຄວາມສະເໝີພາບພາຍໃຕ້ກົດໝາຍ, ປັບປຸງ, ຍົກລະດັບ ແລະ ຂະຫຍາຍໂຄງລ່າງພື້ນຖານຍຸດທະສາດໂທລະຄົມມະນາຄົມ ແລະ ອິນເຕີເນັດຄວາມໄວສູງ ໃຫ້ສາມາດຕອບສະໜອງຄວາມຕ້ອງການທີ່ນັບມື້ນັບເພີ່ມຂຶ້ນໄວ. ພ້ອມທັງໃຫ້ມີລະບົບເຊື່ອມໂຍງດ້ານໂທລະຄົມມະນາຄົມ ແລະ ອິນເຕີເນັດຄວາມໄວສູງທີ່ມີຄຸນນະພາບດ້ວຍຕົ້ນທຶນຕໍ່າ ກັບບັນດາປະເທດອ້ອມຂ້າງ ແລະ ບັນດາປະເທດພາກພື້ນ. ນອກຈາກນີ້ ຕ້ອງເອົາໃຈໃສ່ຕື່ມໃນການສຶກສາອົບຮົມການເມືອງ-ແນວຄິດຂອງສະມາຊິກ, ເອົາໃຈໃສ່ໃນການຫັນເປັນທັນສະໄໝ ເພື່ອຍົກສູງປະສິດທິຜົນໃນການບໍລິການ ແລະ ການໃຊ້ບໍລິການ ພ້ອມດຽວກັນນີ້ ຕ້ອງເພີ່ມທະວີເອົາໃຈໃສ່ພັດທະນາບຸກຄະລາກອນດ້ານໄອຊີທີ ໃຫ້ເປັນລະບົບ ມີທັງຄຸນນະພາບ ແລະ ປະລິມານ, ເພີ່ມທະວີປັບປຸງພື້ນຖານໂຄງລ່າງທີ່ຈໍາເປັນ ມອບໃຫ້ສະຖາບັນເຕັກໂນໂລຊີສື່ສານຂໍ້ມູນຂ່າວສານມີຫຼັກສູດ ແລະ ມີສິ່ງອໍານວຍຄວາມສະດວກໃຫ້ແກ່ການຮຽນ-ການສອນ ເພື່ອເຮັດໃຫ້ສະຖານບັນເປັນບ່ອນຝຶກສ້າງວິຊາການໄອຊີທີ ໃຫ້ກັບສັງຄົມດີຂຶ້ນເປັນລໍາດັບ.

ທ່ານຮອງນາຍົກລັດຖະມົນຕີ ສົມດີ ດວງດີ ໂອ້ລົມກອງປະຊຸມ ປທສ - lattana 1 - ທ່ານຮອງນາຍົກລັດຖະມົນຕີ ສົມດີ ດວງດີ ໂອ້ລົມກອງປະຊຸມ ປທສ