U-23 ຫວຽດນາມ ເສຍໃຫ້ ອຸດສະເບກິດສະຖານ 2-1 ໄລຍະຕໍ່ເວລາພິເສດ ໄດ້ຮອງແຊ້ມ

u-23 ຫວຽດນາມ ເສຍໃຫ້ ອຸດສະເບກິດສະຖານ 2-1 ໄລຍະຕໍ່ເວລາພິເສດ ໄດ້ຮອງແຊ້ມ - advert banner 728 90 728x90 - U-23 ຫວຽດນາມ ເສຍໃຫ້ ອຸດສະເບກິດສະຖານ 2-1 ໄລຍະຕໍ່ເວລາພິເສດ ໄດ້ຮອງແຊ້ມ

ຕົວ​ແທນ​ອາ​ຊຽນສູ້​ສຸດ​ໃຈ​ຈົນ​ເກືອບ​ຈະ​ໄດ້​​ໄປ​ຍິງ​ຈຸດ​ໂທດ​ກັບ ອຸດ​ສະ​ເບ​ກິດ​ສະຖານ ຖ້າ​ບໍ່​ຖືກ​ຍິງ​ປະຕູ​ໄຊ​ນາທີ​ສຸດ​ທ້າຍ​ໄລຍະ​ຕໍ່​ເວລາ​ພິ​ເສດ​ຈາກ​ຕົວ​ສຳຮອງ.

u-23 ຫວຽດນາມ ເສຍໃຫ້ ອຸດສະເບກິດສະຖານ 2-1 ໄລຍະຕໍ່ເວລາພິເສດ ໄດ້ຮອງແຊ້ມ - lattana 1 - U-23 ຫວຽດນາມ ເສຍໃຫ້ ອຸດສະເບກິດສະຖານ 2-1 ໄລຍະຕໍ່ເວລາພິເສດ ໄດ້ຮອງແຊ້ມ

​ໃນ​ວັນ​ທີ 27 ມັງກອນ ການ​ແຂ່ງຂັນ​ບານ​ເຕະ​ຊີງ​ແຊ້ມອາຊີ ຮຸ່ນ​ອາຍຸ​ບໍ່​ເກີນ 23 ປີ ຮອບ​ຊີງ​ຊະນະ​ເລີດ ລະຫວ່າງ ທີ​ມຊາດ​ຫວຽດນາມ ພົບ ທີ​ມຊາດ​ອຸດ​ສະ​ເບ​ກິດ​ສະຖານ ທີ່​ສະໜາມ ສາງ​ໂຈ ​ໂອ​ແລັມປິກ ສະປອດ ​ເຊັນ​ເຕີ ​ເວລາ 16:00 ​ໂມງ.

ການ​ແຂ່ງຂັນ​ນັດ​ນີ້​ເຕັມ​ໄປ​ດ້ວຍ​ຫິມະ​ຕົກລົງ​ຢ່າງ​ໜັກ ​ເຮັດ​ໃຫ້​ສະໜາມ​ກາຍ​ເປັນ​ສີຂາວ ​ແລະ ການ​ຕໍ່​ບານ​ມີ​ບັນຫາ ​ແລະ ນາທີ 8 ອຸດ​ສະ​ເບ​ກິດ​ສະຖານ ມາ​ໄດ້​ປະຕູ​ຂຶ້ນນຳ 1-0 ຈາກ​ການ​​ເອົາ​ຫົວ​ຕຳ​ບານຂອງ ຣັຊຕາຍ​ອນ ອາ​ເຊີ​ມາ​ຕອຟ. ຢ່າງ​ໃດ​ກໍ​ຕາມ, ຫວຽດນາມ ມາ​ໄດ້​ປະຕູ​ຕີ​ສະ​ເໝີ 1-1 ຈາກ​ການ​ຍິງ​ຂອງ ຫວງຽນ ກວາງ ​ໄຮ ກ່ອນ​ໝົດ​ເວລາ​ເຄິ່ງທຳ​ອິດ.

ສ່ວນ​ເຄິ່ງ​ເວລາ​ທີ 2 ຫິມະ​ຕົກລົງ​ໜັກ ​ເຮັດ​ໃຫ້​ຕ້ອງ​ຢຸດ​ການ​ແຂ່ງຂັນ 1 ຊົ່ວ​ໂມງ ​ເພື່ອ​ໃຫ້​ຜູ້​ຈັດການ​ແຂ່ງຂັນ​ເອົາ​ຫິມະ​ອອກ​ໄປ​ກ່ອນ, ກ່ອນ​ເກ​ມດຳ​ເນີນ​ໄປ ​ແຕ່​ເຮັດ​ຫຍັງ​ກັນ​ບໍ່​ໄດ້​ຈົບ​ການ​ແຂ່ງຂັນ 90 ນາທີ​ສະ​ເໝີ​ກັນ 1-1 ​ເຮັ​ດ​ໃຫ້​ກຳມະການ​ຕໍ່​ເວລາ​ພິ​ເສດ​ອອກ​ໄປ ​ແລະ ນາທີ 120 ອຸດ​ສະ​ເບ​ກິດ​ສະຖານ ມາ​ໄດ້​ປະຕູ​ໄຊ ຈັງຫວະ​ເຕະ​ມຸມ ​ເອົາ​ຊະນະ​ໄປ 2-1 ຄວ້າ​ແຊ້ມ​ໄປ​ຄອງ. ສ່ວນ​ ຫວຽດນາມ ​ໄດ້ຮອງ​ແຊ້ມ ​ແລະ ​ເປັນ​ປະຫວັດສາດ​ສູງ​ສຸດ​ຂອງ​ອາ​ຊຽນ. ຂະນະ​ທີ່ ອັນ​ດັບ 3 ​ເປັນ​ຂອງ ກາ​ຕາ ທີ່​ບຽດ​ເອົາ​ຊະນະ ສ.​ເກົາຫລີ 1-0.