ແລ່ນ-ລານ ຝຶກຊ້ອມນັກກິລາ ເຂົ້າຮ່ວມແຂ່ງຂັນລະດັບພາກພື້ນ

ແລ່ນ-ລານ ຝຶກຊ້ອມນັກກິລາ ເຂົ້າຮ່ວມແຂ່ງຂັນລະດັບພາກພື້ນ - advert banner 728 90 728x90 - ແລ່ນ-ລານ ຝຶກຊ້ອມນັກກິລາ ເຂົ້າຮ່ວມແຂ່ງຂັນລະດັບພາກພື້ນ

ສະຫະພັນ​ແລ່ນ-​ລານ ​ແຫ່ງ​ຊາດ​ລາວ ຝຶກ​ຊ້ອມ ​ເພື່ອກຽມ​ສົ່ງ​ນັກ​ກິລາ​ເ​ຂົ້າຮ່ວມ​ການ​ແຂ່ງຂັນ​ລະ​ດັບ​ພາກ​ພື້ນ ​ໃນ​ 2 ຮຸ່ນຄື: ຮຸ່ນ​ທົ່ວ​ໄປ ​​​ເຂົ້າ​ຮ່ວມການ​ແຂ່ງຂັນ​ຢູ່ສິງກະ​ໂປ​ໂອ​ເພັນ ຈັດຂຶ້ນ​ທີ່​ປະ​ເທດ​ສິງກະ​ໂປ, ​ໄທ​ແລນ​ໂອ​ເພັນ ​ແລະ ການ​ແຂ່ງຂັນ​ຊີງ​​ແຊັມອາຊີ ທີ່​ປະ​ເທດ​ຢີ່ປຸ່ນ ຂະນະ​ທີ່​ຮຸ່ນ ​ເຍົາວະ​ຊົນ​ກຽມ​ເຂົ້າ​ຮ່ວມ​ການ​ແຂ່ງຂັນ​ຢຸດ​ອາ​ຊຽນ ທີ່​ປະ​ເທດ​ໄທ, ລາຍການ​ແຂ່ງຂັນ​ໂຟລີ​ຟາຍ​ຢຸດ​ໂອ​​ແລັມປິກ ​ແລະ ​ງານ​ກິລາ​ນັກຮຽນ​ອາ​ຊຽນທີ່ ມາ​ເລ​ເຊ​ຍ.

ແລ່ນ-ລານ ຝຶກຊ້ອມນັກກິລາ ເຂົ້າຮ່ວມແຂ່ງຂັນລະດັບພາກພື້ນ - lattana 1 - ແລ່ນ-ລານ ຝຶກຊ້ອມນັກກິລາ ເຂົ້າຮ່ວມແຂ່ງຂັນລະດັບພາກພື້ນ

ທ່ານ ສິດທິ​ໄຊ ປະ​ເສີດ​ສັກ ​ເລຂາທິການ​ສະຫະພັນ ​ແລ່ນ-ລານ​ແຫ່ງ​ຊາດ​ລາວ​ໃຫ້​ສໍາພາດ​ວ່າ: ປັດຈຸບັນ​ພວກ​ເຮົາ​ໄດ້​ຝຶກ​ຊ້ອມ​ນັ​ກກິລາ​ທີ່​ເປັນ​ເປົ້າ​ໝາຍ​ຂອງ​ສະຫະພັນ​​ແລ່ນ-​ລານ​ແຫ່ງ​ຊາດ​ລາວ ພາຍຫລັງ​ທີ່​ໄດ້​ຄັດ​ເລືອກ​ໃນ​ການ​ແຂ່ງຂັນ​ແລ່ນ​-ລານ ປະ​ຈໍາປີ 2017 ຜ່າ​ນມາ ​ເພື່ອ​ເຂົ້າຮ່ວມ​ການ​ແຂ່ງຂັນລະດັບ​ພາກ​ພື້ນ ​ແລະ ສາກົນ. ​ສໍາລັບ​ປີ 2018 ທາງ​ສະຫະ​ພັນ​ຂອງ​ພວກ​ເຮົາ​ໄດ້​ຮັບ​ການ​ແຈ້ງ​ເຊີນ​ໃຫ້​ເຂົ້າ​ຮ່ວມ​ການ​ແຂ່ງຂັນ​ຫລາຍ​ລາຍການ​ສົມຄວນ ​ໂດຍ​ສະ​ເພາະ ຮຸ່ນ​ທົ່ວ​ໄປ​ຈະ​ເຂົ້າ​ຮ່ວມ​ແຂ່ງຂັນ​ລາຍການ​ໄທ​​ແລນ​ໂອ​ເພັນ ​ເຊິ່ງຈະ​ຈັດ​ຂຶ້ນ​ໃນ​ຕົ້ນ​ເດືອນ​ ​ພຶດສະພານີ້ ທີ່​ປະ​ເທ​ດ​ໄທ, ສິງກະ​ໂປ​ໂອ​ເພັນ​ຈະ​ຈັດ​ຂຶ້ນ​ໃນ​ຕົ້ນ​ເດືອນ ​ເມສາ​ 2018 ​ແລະ ກາງ​ເດືອນ ມີ​ຖຸນາ 2018 ນີ້ ຈະ​ສົ່ງ​ນັກ​ກິລາ​ເຂົ້າ​ຮ່ວມ​ການ​ແຂ່ງຂັນ​ຊີງ​​ແຊັມອາຊີ. ສ່ວນ​ຮຸ່ນ​​ເຍົາວະ​ຊົນ ຈະ​ສົ່ງ​ເຂົ້າ​ຮ່ວມ​ການ​ແຂ່ງຂັນ​ລາຍການຢຸດ​ອາ​ຊຽນ ທີ່​ປະ​ເທດ​ໄທ ​ໃນ​ທ້າຍ​ເດືອນ ​ເມສ​າ 2018, ນອກຈາກ​ນັ້ນ, ລາຍການ​ໂຟລີ​ຟາຍ​ຢຸດ​ໂອ​ແລັມປິກ ​ເຊິ່ງຈະ​ຈັດ​ຂຶ້ນ ​ໃນ​ກາງ​ເດືອນ​ພຶດສະພາ 2018 ​ແລະ ລາຍການ​ກິລາ​ນັກຮຽນ​ອາ​ຊຽນ ທີ່​ປະ​ເທດ​ມາ​ເລ​ເຊ​ຍ ຈັດ​ຂຶ້ນ ທ້າຍ​ກາງ​ເດືອນກໍລະກົດ​ 2018.

ທ່ານ ສິດທິ​ໄຊ ສັກ​ປະ​ເສີດ ຍັງ​ກ່າວ​ຕື່ມ​ອີກ​ວ່າ: ​ເພື່ອ​ເຮັດ​ໃຫ້​ນັກ​ກິລາ​ຂອງ​ພວກ​​ເຮົາ​ໄດ້​ມີ​ການ​ເຄື່ອນ​ໄຫວ​ເລື້ອຍໆ ພ້ອມ​ທັງ​ເປັນ​ການ​ຝຶກ​ທັກ​ສະ ​ແລະ ຄວາມ​ສາມາດ ​ເພື່ອ​ເຂົ້າ​ຮ່ວມ​ການ​ແຂ່ງຂັນ​ລາຍການ​ໃນ​ລະດັບ​ສາກົນ​ພ້ອມ​ທັງ​ຍາດ​ໄດ້​ອັນ​ດັບ​ທີ່​ດີ​ຂອງ​ການ​​ແຂ່ງຂັນ​ດັ່ງກ່າວ. ປັດຈຸບັນ​ພວກ​ເຮົາ​ຝຶກ​ຊ້ອມນັກ​ກິລາ​ຮຸ່ນ​ທົ່ວ​ໄປ​ມີ​ຈໍານວນ 10 ກວ່າ​ຄົນ​​, ຮຸ່ນ​ເຍົາວະ​ຊົນ ມີຈໍານວນ 20 ກວ່າ​ຄົນ ​ເຊິ່ງ​ໄດ້​ຝຶກ​ຊ້ອມ​ທຸກໆ​ມື້​​ ທີ່​ສູນ​ກິລາ​ແຫ່ງ​ຊາດ​ ບ້ານ​ສີ​ເກີດ ​ເມື​ອງນາ​ຊາຍ​ທອງ ນະຄອນ​ຫລວງ​ວຽງ​ຈັນ.