ນາຍົກລັດຖະມົນຕີຕ້ອນຮັບຂັນຊະນະເລີດບານໂລກ

ນາຍົກລັດຖະມົນຕີຕ້ອນຮັບຂັນຊະນະເລີດບານໂລກ - advert banner 728 90 728x90 - ນາຍົກລັດຖະມົນຕີຕ້ອນຮັບຂັນຊະນະເລີດບານໂລກ

ໃນວັນທີ 28 ມັງກອນນີ້, ທີ່ສໍານັກງານນາຍົກລັດຖະມົນຕີ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ໃຫ້ກຽດຕ້ອນຮັບຂັນຊະນະເລີດບານໂລກ (WORLD CUP), ພ້ອມ ດ້ວຍຄະນະຜູ້ແທນອົງການສະຫະພັນບານເຕະສາກົນ (FIFA), ໂດຍທ່ານນາຍົກລັດຖະມົນຕີໄດ້ຕາງຫນ້າປະຊາຊົນລາວສະແດງຄວາມຂອບໃຈຕໍ່ຄະນະຜູ້ແທນດັ່ງກ່າວທີ່ໄດ້ນໍາເອົາຂັນລາງວັນບານເຕະອັນຊົງກຽດ ແລະ ຍິ່ງໃຫຍ່ທີ່ສຸດຂອງໂລກມາຜ່ານປະເທດລາວ ແລະໃຫ້ປະຊາຊົນລາວໄດ້ເບິ່ງຕົວຈິງ, ກ່ອນຈະນໍາໄປສະຫະພັນລັດເຊຍທີ່ໄດ້ຮັບກຽດເປັນເຈົ້າພາບຈັດການແຂ່ງຂັນບານເຕະໂລກ2018 ໃນທ້າຍປີນີ້.

ນາຍົກລັດຖະມົນຕີຕ້ອນຮັບຂັນຊະນະເລີດບານໂລກ - lattana 1 - ນາຍົກລັດຖະມົນຕີຕ້ອນຮັບຂັນຊະນະເລີດບານໂລກ

ທ່ານນາຍົກລັດຖະມົນຕີກ່າວວ່າ: ການແຂ່ງຂັນບານເຕະໂລກໃນຜ່ານມາ, ປະຊາຊົນລາວແມ່ນມີຄວາມກະຕືລືລົ້ນ ແລະ ຕິດຕາມຊົມການແຂ່ງຂັນຢ່າງໃກ້ຊິດຄືກັບຫລາຍໆປະເທດໃນໂລກ ແລະ ການນໍາເອົາຂັນລາງວັນດັ່ງກ່າວມາຜ່ານ ສປປ ລາວ ເປັນຄັ້ງປະຫວັດສາດນີ້, ຍິ່ງໄດ້ສ້າງຄວາມຕື່ນຕາຕື່ນໃຈໃຫ້ກັບປະຊາຊົນລາວຫລາຍຂຶ້ນ, ພ້ອມທັງອວຍພອນໃຫ້ການແຂ່ງຂັນບານໂລກ 2018 ຈົ່ງປະສົບຜົນສໍາເລັດຈົບງາມ ແລະ ສະແດງຄວາມຊົມເຊີຍລ່ວງຫນ້າຕໍ່ທີມທີ່ຈະເປັນແຊ້ມໃນການແຂ່ງຂັນດັ່ງກ່າວ.

ສະຫະພັນບານເຕະແຫ່ງຊາດລາວ ໃຫ້ຮູ້ວ່າ: ການນໍາເອົາຂັນລາງວັນຊະນະເລີດບານເຕະໂລກມາລາວຄັ້ງນີ້, ແມ່ນໄດ້ຮັບການສະຫນັບສະຫນູນຈາກບໍລິສັດໂຄຄາ-ໂຄລາ ບອດຕລິງ.