ຫລາກຫລາຍສັບພະຄຸນຈາກນ້ຳໝາກພ້າວ

ຫລາກຫລາຍສັບພະຄຸນຈາກນ້ຳໝາກພ້າວ - advert banner 728 90 728x90 - ຫລາກຫລາຍສັບພະຄຸນຈາກນ້ຳໝາກພ້າວ
  1. ບຳລຸງຜິວໜັງ : ນຳ້ມັນໝາກພ້າວໃຊ້ທາຜິວເພື່ອບຳລຸງຜິວໜັງໃຫ້ສົດໃສບໍ່ແຫ້ງຫຍາບ ແລະ ຍັງຊ່ວຍເຮັດໃຫ້ນານເຖົ້າເພາະຫລຸດຄວາມເສື່ອມຂອງຮ່າງກາຍ ຍ້ອນນຳ້ມັນໝາກພ້າວມີບົດບາດໃນການຊ່ວຍຕ້ານອະນຸມູນອິດສະຫລະໄດ້ເປັນຢ່າງດີ ນຳ້ມັນໝາກພ້າວຈະດູດຊຶມໄປກັບຜິວໄດ້ດີໃນເວລາບໍ່ດົນ.
  2. ໃຊ້ລ້າງເຄື່ອງສຳອາງ : ນຳ້ມັນໝາກພ້າວໃຊ້ເຮັດຄວາມສະອາດຜິວໄດ້ ທັງຍັງມີສ່ວນຊ່ວຍໃນການຜັດແຊນຜິວໜັງນຳອີກ ຈຶ່ງຊ່ວຍເຮັດໃຫ້ຜິວສົດໃສຢ່າງເປັນທຳມະຊາດ ພຽງແຕ່ທານຳ້ມັນໝາກພ້າວໃຫ້ທົ່ວໜ້າ ແລ້ວເຊັດອອກໂດຍຜ້າ ຫລື ສຳລີ.
  3. ປິ່ນປົວສິວ : ນຳ້ມັນໝາກພ້າວມີສານກຳຈັດແບັກທີເຣຍ ໃຊ້ເປັນປະຈຳຈະສັງເກດເຫັນໄດ້ວ່າສິວຫລຸດໜ້ອຍລົງຢ່າງເຫັນຜົນໄດ້ແຈ້ງ ແລະ ຍັງຊ່ວຍຫລຸດອາການອັກເສບຂອງຜິວໜັງໄດ້ນຳ.
  4. ໃຊ້ປິ່ນປົວບາດແຜຕິດເຊື້ອ, ແມງໄມ້ກັດຕອດ, ບາດແຜຟົກຊຳ້: ນຳ້ມັນໝາກພ້າວມີຄຸນສົມບັດເປັນຢາຂ້າເຊື້ອພະຍາດຕ່າງໆ ບໍ່ວ່າຈະເປັນເຊື້ອແບັກທີເຣຍ, ເຊື້ອລາ, ເຊື້ອໄວຣັສ ໂດຍບໍ່ເຮັດໃຫ້ເກີດອາການດື້ຢາຂອງເຊື້ອພະຍາດ.
  5. ໃຊ້ຮຸກຖູໂຕ : ປະສົມນຳ້ຕານແລ້ວໃຊ້ຮຸກຖູໂຕ ນຳ້ມັນໝາກພ້າວຈະມີສ່ວນຊ່ວຍຮັກສາແຊນຜິວໜັງ ແລະ ຊ່ວຍເຮັດໃຫ້ ຜິວໜັງທີ່ມີຮອຍດຳຄຳ້ຄ່ອຍໆຈາງໄປໄດ້ ຈຶ່ງຊ່ວຍເຮັດໃຫ້ຜິວໜັງສົດໃສຢ່າງເປັນທຳມະຊາດ.
  6. ຄຣີມນວດຜົມ : ຊ່ວຍບຳລຸງຜົມແຫ້ງ, ແກ້ໄຂບັນຫາຜົມຫລົ່ນ, ຜົມແຕກປາຍ ໂດຍການໃຊ້ນຳ້ມັນໝາກພ້າວຊະໂລມຜົມຕອນແຫ້ງແລ້ວປະໄວ້ 20 ນາທີຈຶ່ງລ້າງອອກ ຈະເຮັດໃຫ້ເສັ້ນຜົມນຸ້ມງາມ, ບໍ່ພັນກັນ, ເສັ້ນຜົມຊື່ຫລາຍຂຶ້ນ.
  7. ຄຣີມທາກ່ອນກຳຈັດຂົນ : ບໍ່ພຽງແຕ່ເຮັດໃຫ້ຜິວໜັງຂອງທ່ານຊຸ່ມຊື່ນມື່ນງ່າຍຕໍ່ການແຖຂົນແລ້ວ ນຳ້ມັນໝາກພ້າວຈະ ຊ່ວຍເຮັດໃຫ້ຜິວໜັງບໍລິເວນນີ້ມີຄວາມຊຸ່ມຊື່ນບໍ່ແຫ້ງແຕກໄດ້ນຳ.
  8. ໃຊ້ປຸງແຕ່ງອາຫານ : ເນື່ອງຈາກນຳ້ມັນໝາກພ້າວມີໂມເລກຸນຂະໜາດກາງ ຈຶ່ງຖືກຍ່ອຍໄດ້ໄວ ບໍ່ມີການສະສົມໃນຮ່າງ ກາຍ, ໂມເລກຸນນີ້ຈະໄປກະຕຸ້ນຂະບວນການເມຕາບໍລິຊຶມ ເຮັດໃຫ້ກາລໍຣີທີ່ເຮົາກິນເຂົ້າໄປໃນຮູບແບບຂອງອາຫານຖືກເຜົາຜານໄປເຮັດໃຫ້ເຫລືອສະສົມໄຂມັນໃນຮ່າງກາຍໜ້ອຍລົງ ນຳ້ມັນໝາກພ້າວຈຶ່ງເປັນໂຕເລືອກທີ່ດີສຸດໜຶ່ງແທນນຳ້ມັນອື່ນໆທີ່ໃຊ້ໃນການປຸງແຕ່ງອາຫານ.
  9. ອາຫານເສີມ : ໃຊ້ກິນເປັນອາຫານເສີມ ໂດຍຜູ້ໃຫຍ່ກິນມື້ລະ 1 – 3 ບ່ວງແກງ. ສ່ວນເດັກນ້ອຍກິນມື້ລະ 1 – 2 ບ່ວງແກງ ໂດຍແບ່ງກິນອອກເປັນຄາບໆຄົບຕາມຈຳນວນ ຫລື ຈະນຳມາໃຊ້ປະສົມເປັນເຄື່ອງດື່ມຕ່າງໆ ຫລື ນຳ້ໝາກໄມ້ກໍໄດ້ຄືກັນ ຊ່ວຍເສີມສ້າງພູມຕ້ານທານໃຫ້ກັບຮ່າງກາຍ ແລະ ບຳລຸງກຳລັງ.
  10. ໃຊ້ຜັດເງົາ ແລະ ບຳລຸງຜິວໄມ້, ເຫລັກ, ໜັງ : ໃຊ້ນຳ້ມັນໝາກພ້າວໜ້ອຍດຽວໃສ່ຜ້າ ແລ້ວລູບພື້ນຜິວໄມ້, ເຫລັກ ຫລື ໜັງ ຈະເຮັດໃຫ້ພື້ນຜິວນັ້ນເຫລື້ອມງາມ.
ຫລາກຫລາຍສັບພະຄຸນຈາກນ້ຳໝາກພ້າວ - lattana 1 - ຫລາກຫລາຍສັບພະຄຸນຈາກນ້ຳໝາກພ້າວ