ບໍ່ຢາກຜ່າຕັດເກີດລູກຕ້ອງເຮັດແນວໃດ ?

ບໍ່ຢາກຜ່າຕັດເກີດລູກຕ້ອງເຮັດແນວໃດ ? - advert banner 728 90 728x90 - ບໍ່ຢາກຜ່າຕັດເກີດລູກຕ້ອງເຮັດແນວໃດ ?

ການເກີດລູກໂດຍວິທີທຳມະຊາດນັ້ນດີທີ່ສຸດ ທັງຍັງມີຄວາມສ່ຽງໜ້ອຍກ່ວາການຜ່າຕັດເກີດລູກ ເຮົາຈຶ່ງໄດ້ກຽມ 3 ວິທີຫລີກ ເວັ້ນບໍ່ໃຫ້ຕ້ອງຜ່າຕັດເກີດລູກມາແນະນຳທ່ານ.

  1. ຫລີກເວັ້ນການບລັອກຫລັງ ໂດຍການຫາວິທີຫລຸດຜ່ອນຄວາມເຈັບປວດແບບທຳມະຊາດກ່ອນ : ການບລັອກຫລັງໃນໄລຍະທຳອິດຂອງການເກີດ (ກ່ອນປາກມົດລູກເປີດຂະຫຍາຍເກີນ 4 ຊັງຕີແມັດ) ນັ້ນເປັນໜຶ່ງໃນສາເຫດທີ່ເຮັດໃຫ້ແມ່ອາດຕ້ອງຜ່າຕັດເກີດລູກ ແທນທີ່ຈະໄດ້ເກີດຕາມທຳມະຊາດ. ດັ່ງນັ້ນ ຫາກໃຊ້ວິທີຫລຸດຄວາມເຈັບປວດໂດຍວິທີອື່ນໄດ້ກໍຈະຊ່ວຍຫລີກເວັ້ນການຜ່າຕັດເກີດລູກໄດ້ຫລາຍຂຶ້ນ ຍົກໂຕຢ່າງວິທີຫລຸດຄວາມເຈັບປວດແບບອື່ນໆ ເຊັ່ນ : ການເຄື່ອນໄຫວໂຕ ຫລື ປ່ຽນຕຳແໜ່ງຮ່າງກາຍໄປມາເລື້ອຍໆ, ການນວດໂດຍຜູ້ຊ່ຽວຊານ, ການບຳບັດ ແລະ ຜ່ອນຄາຍຜິວໜັງໂດຍນຳ້ (ການອາບນຳ້, ແຊ່ນຳ້ອຸ່ນ), ການປ່ຽນບັນຍາກາດ, ການຟັງເພງ, ການບຳບັດໂດຍກິ່ນຫອມ (Aroma therapy), ການໃຊ້ອຸປະກອນປະຄົບເຢັນ ແລະ ຮ້ອນ ເປັນຕົ້ນ.
  2. ຫລີກເວັ້ນການໃຊ້ເຄື່ອງມືເອເລັກໂຕຣນິກໃນການເຝົ້າລະວັງລູກໃນທ້ອງ (EFM) : ພະຍາຍາມຫລີກເວັ້ນການໃຊ້ເຄື່ອງມືເອເລັກໂຕຣນິກໃນການເຝົ້າຕິດຕາມລູກໃນທ້ອງແບບຕໍ່ເນື່ອງ (Continuous Electronic fetal monitoring ຫລື (EFM) ຂໍ້ມູນຈາກ Official Lamaze Guide ລະບຸວ່າ : ຜົນການວິໄຈຕະຫລອດ 30 ປີທີ່ຜ່ານມາສະແດງໃຫ້ເຫັນວ່າແມ່ຍິງມີໂອກາດຕ້ອງຜ່າຕັດເກີດລູກຫລາຍກ່ວາເມື່ອມີການໃຊ້ເຄື່ອງມືເອເລັກໂຕຣນິກໃນການເຝົ້າຕິດຕາມລູກໃນທ້ອງ EFM. ດັ່ງນັ້ນ, ແທນທີ່ຈະໃຊ້ເຄື່ອງມືເອເລັກໂຕຣນິກໃນການເຝົ້າຕິດຕາມລູກໃນທ້ອງ (EFM) ອາດປ່ຽນໄປໃຊ້ເຄື່ອງມືທີ່ໃຊ້ໃນການກວດສຸ ຂະພາບລູກໃນທ້ອງແບບອື່ນ ເຊັ່ນ ເຄື່ອງມື  hand-held Dopplerແທນ.
  3. ຫລີກເວັ້ນການກະຕຸ້ນໃຫ້ເຈັບທ້ອງເກີດ (labor induction) : ຄວນປ່ອຍໃຫ້ການເກີດເປັນໄປໂດຍທຳມະຊາດ ແລະ ພະ ຍາຍາມຫລີກເວັ້ນການກະຕຸ້ນໃຫ້ເຈັບເກີດ (labor induction), ການໃຊ້ຢາ misoprostol (Cytotec) ແລະ oxytocin (Pitocin) ເພື່ອກະຕຸ້ນການເກີດຈະເຮັດໃຫ້ການຫົດຮັດຂອງກ້າມຊີ້ນມົດລູກຮຸນແຮງຂຶ້ນ ແລະ ເມື່ອມີການກະຕຸ້ນໃຫ້ເຈັບທ້ອງເກີດ (labor induction) ໃນແມ່ຍິງທີ່ຮ່າງກາຍຍັງບໍ່ພ້ອມສຳລັບການເກີດລູກແທ້ໆ ໂອກາດທີ່ຈະເກີດທຳມະຊາດບໍ່ສຳເລັດຈຶ່ງມີຫລາຍກ່ວາ ເມື່ອເກີດທຳມະຊາດບໍ່ສຳເລັດ ສຸດທ້າຍກໍຕ້ອງມາຜ່າຕັດເກີດລູກແທນໃນທີ່ສຸດ.
ບໍ່ຢາກຜ່າຕັດເກີດລູກຕ້ອງເຮັດແນວໃດ ? - lattana 1 - ບໍ່ຢາກຜ່າຕັດເກີດລູກຕ້ອງເຮັດແນວໃດ ?