ເລຂາທິການໃຫຍ່ອົງການ ສປຊ ປະນາມ ເຫດໂຈມຕີທີ່ເກີດຂຶ້ນຢູ່ອັບການິດສະຖານ

ເລຂາທິການໃຫຍ່ອົງການ ສປຊ ປະນາມ ເຫດໂຈມຕີທີ່ເກີດຂຶ້ນຢູ່ອັບການິດສະຖານ - advert banner 728 90 728x90 - ເລຂາທິການໃຫຍ່ອົງການ ສປຊ ປະນາມ ເຫດໂຈມຕີທີ່ເກີດຂຶ້ນຢູ່ອັບການິດສະຖານ

ວັນ​ທີ 27 ມັງ​ກອນ​ນີ້, ທ່ານ ​ອັນ​ໂຕ​ນີ​​ໂອ ກູ​ເຕີ​ເຣັສ ​ເລຂາທິ ການ​ໃຫຍ່​ອົງການ​ສະຫະ​ປະຊາ​ຊາດ ໄດ້​ອອກ​ຖະ​ແຫຼງ​ການ​ໂດຍ ​ຜ່ານ​ໂຄ​ສົກ​ຂອງ​ທ່ານ, ກ່າວ​ປະ​ ນາມ​ຢ່າງຮຸນ​ແຮງ​ຕໍ່​ເຫດ​ການ ​ໂຈມ​ຕີ​​ແບບ​ສະ​ຫຼະ​ຊີບ​ທີ່​ເກີດ​ຂຶ້ນ​ຢູ່​ໃຈ​ກາງ​ນະ​ຄອນ​ຫຼວງ​ກາ​ບູນ​ປະ​ເທດ​ອັ​ບ​ກາ​ນິດສະ​ຖານ​ໃນ​ ວັນ​ດັ່ງ​ກ່າວ.
ທ່ານ ​ສະ​ເ​ຕ​ເຟັນ ດູ​ຈາ​ຣິກ ໂຄ​ສົກ​ເລ​ຂາ​ທິ​ການ​ໃຫຍ່​ອົງ​ການ​ ສະ​ຫະ​ປະ​ຊາ​ຊາດ​ກ່າວ​ໃນ​ຖະ ​ແຫຼງ​ການ​ວ່າ: ການ​ໂຈມ​ຕີ​ທີ່​ຖື​ ປະ​ຊາ​ຊົນ​ເປັນ​ເປົ້າ​ໝາຍ​ແມ່ນ​ ການ​ກະ​ທຳ​ທີ່​ລ່ວງ​ລະ​ເມີດ​ສິດ​ທິ​ມະ​ນຸດ ​ແລະ​ ກົດ​ໝາຍ​ສາ​ກົນ ​ວ່າ​ດ້ວຍ​ມະ​ນຸດ​ສະ​ທຳ​ຢ່າງ​ໜັກ​ໜ່ວງ, ຜູ້​ຮັບ​ຜິດ​ຊອບ​ໃນ​ເຫດ​ ການ​ໂຈມ​ຕີ​ຄັ້ງ​ນີ້​​ຄວນ​ຖືກ​ໄຕ່​ ສວນ​​ ແລະ ລົງ​ໂທດ​ຢ່າງ​ເດັດ​ ຂາດ. ທ່ານ ກູ​ເຕີ​ເຣັສ ສະ​ແດງ​ ຄວາມ​ເຫັນ​ອົກ​ເຫັນ​ໃຈຢ່າງ​​ສຸດ​ຊຶ້ງ​ຕໍ່​ຄອບ​ຄົວ​ຂອງ​ຜູ້​ເສຍ​ຊີ​ວິດ ​ແລະ ຂໍ​ໃຫ້​ຜູ້​ໄດ້​ຮັບ​ບາດ​ເຈັບ​ສາ​ ມາດ​ຟື້ນ​ຟູ​ສຸ​ຂະ​ພາບ​ໂດ​ຍ​ໄວ​, ຂະ​ນະ​ດຽວ​ກັນ​ກໍ​ສະ​ແດງ​ຄວາມ ​ສະ​ໜັບ​ສະ​ໜູນ​ຕໍ່​ລັດ​ຖະ​ບານ​ ແລະ​ ປະ​ຊາ​ຊົນ​ອັ​ບກາ​ນິດສະ​ ຖານ.
ນີ້​ແມ່ນ​ເຫດ​ການ​ໂຈມ​ຕີ​ ຮ້າຍ​ແຮງ​ຄັ້ງ​ທີ 2 ທີ່​ກຸ່ມ​ຕາ​ລີ​ບັນ​ ກໍ່​ຂຶ້ນ​ຢູ່​ນະ​ຄອນ​ຫຼວງ​ກາ​ບູນ​ ປະ ​ເທດ​ອັ​ບ​ກາ​ນິດສະ​ຖານ​ໃນ​ເດືອນ ​​ມັງ​ກອນ​ນີ້​ ໂດຍ​ໃນວັນ​ທີ 20, ກຸ່ມ​ຕາ​ລີ​ບັນ​ໄດ້​ໂຈມ​ຕີ​ໂຮງ​ແຮມ​ສາ​ກົນ​ກາ​ບູນ ສົ່ງ​ຜົນ​ເຮັດ​ໃຫ້​ ຢ່າງ​ໜ້ອຍ 22 ຄົນ​ເສຍ​ຊີ​ວິດ, ໃນ​ນັ້ນມີ​ຄົນ​ຕ່າງ​ປະ​ເທດ 14 ຄົນ.

ເລຂາທິການໃຫຍ່ອົງການ ສປຊ ປະນາມ ເຫດໂຈມຕີທີ່ເກີດຂຶ້ນຢູ່ອັບການິດສະຖານ - lattana 1 - ເລຂາທິການໃຫຍ່ອົງການ ສປຊ ປະນາມ ເຫດໂຈມຕີທີ່ເກີດຂຶ້ນຢູ່ອັບການິດສະຖານ