ຫາລື​ການ​ສ້າງ​ຍຸດ​ທະ​ສາດ​ເພີ່ມ​ວິ​ຕະມິນ​ແຮ່​ທາດ​ເພື່ອ​ຫລຸດ​ການ​ຂາດ​ສານ​ອາຫານ​ຂອງ​ເດັກນ້ອຍ​ລາວ

ຫາລື​ການ​ສ້າງ​ຍຸດ​ທະ​ສາດ​ເພີ່ມ​ວິ​ຕະມິນ​ແຮ່​ທາດ​ເພື່ອ​ຫລຸດ​ການ​ຂາດ​ສານ​ອາຫານ​ຂອງ​ເດັກນ້ອຍ​ລາວ - advert banner 728 90 728x90 - ຫາລື​ການ​ສ້າງ​ຍຸດ​ທະ​ສາດ​ເພີ່ມ​ວິ​ຕະມິນ​ແຮ່​ທາດ​ເພື່ອ​ຫລຸດ​ການ​ຂາດ​ສານ​ອາຫານ​ຂອງ​ເດັກນ້ອຍ​ລາວ

ວັນ​ທີ 29 ມັງກ​ອນນີ້, ​ກະຊວງ​ສາທທາ​ລະນະ​ສຸກ​ໄດ້​ຈັດ​ກອງ​ປະຊຸມ​ປຶກສາ​ຫາລື ກັບ​ຜູ້ຕາງໜ້າອົງການ​ອາຫານ​ໂລກ, ​ເພື່ອ​ວາງ​ແຜນ​ຍຸດ​ທະ​ສາດ ​ແລະ ​ແຜນ​ປະຕິບັດ​ງານ​ແຫ່ງ​ຊາດ​ວ່າ​ດ້ວຍ​ການ​ເສີມ​ວິຕາມິນ ​ແລະ ​ແຮ່ທາດ​ໃສ່​ອາຫານ,​ ​ເພື່ອ​ຫລຸດ​ການ​ຂາດ​ສານ​ອາຫານ​ຂອງ​ເດັກນ້ອຍ​ລາວ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ດຣພູທອນ ​ເມືອງ​ປາກ ຮອງ​ລັດຖະມົນຕີ​ກະຊວງ ສາທາລະ​ນະ​ສຸກ ພ້ອມ​ໄດ້​ມີ​ຄຳ​ເຫັນ​ວ່າ: ສປປ ລາວ ມີ​ອັດຕາ​ການ​ຂາດ​ສານ​ອາຫານ​ສູງ​ທີ່​ສຸດ​ໃນ​ພາກພຶ້ນອາຊີ​ຕາ​ເວັນ​ອອກສຽງ​ໃຕ້, ມີ​ຫລາຍ​ກ່ວາໜຶ່ງສ່ວນ​ສາມາ​ຂອງ​ເດັກນ້ອຍ​ອາຍຸ​ຕໍ່າກ່ວາ 5 ປີ, ສະ​ເລ່ຍກ່ວາ 30%, ​ແມ່ນຂາດ​ສານ​ອາຫານ​ຊຳ​ເຮື້ອ, ດັ່ງ​ນັ້ນ, ການ​ເພີ່ມ​ວິຕາມິນ​ແຮ່​ທາດ​ໃສ່​ອາຫານ​ແມ່ນ​ຂະ​ບວນການ​ເພີ່ມ​ສານ​ອາຫານ​ໃນ​ໄລຍະ​ແປ​ຮູບ​ອາຫານ ​ເຊິ່ງ​ເປັນ​ວິທີ​ທີ່​ມີ​ປະສິດທິພາບ ​ແລະ ນຳ​ໃຊ້​ງົບປະມານ​ຢ່າງ​ສົມ​ເຫດ​ສົມ​ຜົນ ​ເພື່ອ​ປັບປຸງ​ສຸຂະພາບ​ຂອງ​ປະຊາຊົນ ​ແລະ ຊ່ວຍ​ປ້ອງ​ກັນ​ພະຍາດ​ຕ່າງໆ, ສ້າງ​ພູມ​ຕ້ານທານ, ​ເສີມ​ສ້າງ​ຮ່າງກາຍ ​ແລະ ການ​ພັດທະນາ​ສະໝອງດີ​ຂຶ້ນ.

ຫາລື​ການ​ສ້າງ​ຍຸດ​ທະ​ສາດ​ເພີ່ມ​ວິ​ຕະມິນ​ແຮ່​ທາດ​ເພື່ອ​ຫລຸດ​ການ​ຂາດ​ສານ​ອາຫານ​ຂອງ​ເດັກນ້ອຍ​ລາວ - lattana 1 - ຫາລື​ການ​ສ້າງ​ຍຸດ​ທະ​ສາດ​ເພີ່ມ​ວິ​ຕະມິນ​ແຮ່​ທາດ​ເພື່ອ​ຫລຸດ​ການ​ຂາດ​ສານ​ອາຫານ​ຂອງ​ເດັກນ້ອຍ​ລາວ

ທ່ານ​ນາງ ຊາ​ລາ ກໍ​ດອນ ກິບສັນ ຜູ້ຕາງໜ້າອົງການ​ອາຫານ​ໂລກ ປະຈຳ ສປປ ລາວ ​ໃຫ້​ຮູ້​ວ່າ: ນັບ​ແຕ່​ປີ 1995 ​ເປັນ​ຕົ້ນ​ມາ ລັດຖະບານລາວ​ ມີ​ປະສົບ​ການ​ກັບ​ຄວາມ​ສຳ​ເລັດ​ໃນ​ການ​ສ້າງ​ລະບຽບການ​ໃຫ້​ປະສົມ​ທາດ​ໄອ​ໂອ​ດິນ​ໃສ່​ເກືອ ​ເພື່ອ​ປ້ອງ​ກັນ​ພະຍາດ​ເກີດ​ຈາກ​ການ​ຂາດ​ທາດ​ໄອ​ໂອ​ດິນ, ​ເຊິ່ງຈາກ​ນີ້​ໄປ​ພວກ​ເຮົາ​ຈະ​ໄດ້​ປຶກ​ສາ​ຫາລື​ກັນ ​ເຖິງ​ຄວາມ​ເປັນ​ໄປ​ໄດ້​ທີ່​ຈະ​ເພີ່ມ​ວິຕາມິນ ​ແລະ ​ແຮ່​ທາດ​ໃສ່​ອາຫານ​ຊະນິດ​ອື່ນໆ​ເຊັ່ນ: ​ເຂົ້າ, ນ້ຳມັນ, ນ້ຳປາ, ​ເສັ້ນໝີ່, ນ້ຳສະອິວ ​ແລະ ຜະລິດ​ຕະພັນ​ອື່ນໆທີ່​​ໄດ້​ມາຈາກ​ນົມ​ສັດ ຢູ່​ພາຍ​ໃນ​ປະ​ເທດ, ຍ້ອນ​ວ່າ ສປປ ລາວ ​ໂດຍ​ສ່ວນ​ຫລາຍ​ແມ່ນ​ອີງ​ໃສ່​ອາຫານ​ນຳ​ເຂົ້າ​ຈາກ​ປະ​ເທດ​ໃກ້​ຄຽງ, ດ້ວຍ​ເຫດ​ນັ້ນ​ການ​ສ້າງ​ລະບຽບການ​ກ່ຽວກັບ​ການ​ເພີ່ມ​ວິຕາມິນ​ແຮ່​ທາດ​ໃສ່​ອາຫານ ກໍ​ອາດ​ເປັນ​ການ​ສ້າງ​ໂອກາດ​ທີ່​ສຳຄັນ​ໃນ​ການ​ນຳ​ໃຊ້​ລະບຽບການ​ບັງຄັບ​ຕໍ່ກັບ​ອາຫານ​ທີ່​ນຳ​ເຂົ້າ​ໃຫ້​ໄດ້.