ເຈົ້າໜ້າທີ່​​ເປີດເຜີຍ​ໄຟ​ໄໝ້ສາງ​ເກັບ​ເຄື່ອງຢູ່​ບ້ານ​ສະພັງ​ຄະ​ນົງ​ແມ່ນ​ຍ້ອນ​ການຈູດ​ປ່າ

ເຈົ້າໜ້າທີ່​​ເປີດເຜີຍ​ໄຟ​ໄໝ້ສາງ​ເກັບ​ເຄື່ອງຢູ່​ບ້ານ​ສະພັງ​ຄະ​ນົງ​ແມ່ນ​ຍ້ອນ​ການຈູດ​ປ່າ - advert banner 728 90 728x90 - ເຈົ້າໜ້າທີ່​​ເປີດເຜີຍ​ໄຟ​ໄໝ້ສາງ​ເກັບ​ເຄື່ອງຢູ່​ບ້ານ​ສະພັງ​ຄະ​ນົງ​ແມ່ນ​ຍ້ອນ​ການຈູດ​ປ່າ

​ເຈົ້າໜ້າທີ່​ຕຳຫລວດ​ສະກັດ​ກັ້ນ ​ແລະ ມອດ​ໄຟນະຄອນຫລວງ​ວຽງຈັນ ​ໃຫ້​ຮູ້​ວ່າ: ​​​ເຫດ​ໄຟ​ໄໝ້ສາງ​ເກັບ​ມ້ຽນສິນຄ້າ​ຂອງ​ບໍລິສັດສະຕາ​ໂທລະ​ຄົມຢູ່​ບ້ານສະພັງ​ຄະ​ນົງ​ເມືອງ​ໄຊ​ທານີນະ​ຄອນຫລວງ​ວຽງຈັນ​ໃນ​ວັນ​ທີ 28 ມັງກອນ​ນີ້ຢ່າງຮ້າຍ​ແຮງ, ​ເຈົ້າໜ້າທີ່​ໄດ້​ໃຊ້​ເວລາ​ຫລາຍ​ຊົ່ວ​ໂມງ​ຈຶ່ງ​ສາມາດ​ຄວບ​ຄຸມ​ໄຟ​ບໍ່​ໃຫ້​ແຜ່​ລາມ ອອກ​ເປັນ​ວົງ​ກ້ວາງ, ​ໂດຍສາ​ເຫດ​ທີ່​ພາ​ໃຫ້​ເກີດ​ອັກຄີ​ໄພ​ດັ່ງກ່າວ​ແມ່ນ​ຍ້ອນ​ປະຊາຊົນ​ຈູດ​ປ່າ​ແລ້ວ​ລາມມາ​ໃສ່, ຊຶ່ງ​ໄດ້​ສ້າງ​ຄວາມ​ເສຍ​ຫາຍ​ເປັນ​ຈຳນວນ​ຫລາຍ, ຊຶ່ງ​ປັດຈຸບັນ​ເຈົ້າໜ້າທີ່​ກຳລັງ​ຮວບ​ຮວມ ​ແລະ ​ເລັ່ງດຳ​ເນີນ​ຄະດີ​ຜູ້​ກະທຳ​ຜິດ.

ເຈົ້າໜ້າທີ່​​ເປີດເຜີຍ​ໄຟ​ໄໝ້ສາງ​ເກັບ​ເຄື່ອງຢູ່​ບ້ານ​ສະພັງ​ຄະ​ນົງ​ແມ່ນ​ຍ້ອນ​ການຈູດ​ປ່າ - lattana 1 - ເຈົ້າໜ້າທີ່​​ເປີດເຜີຍ​ໄຟ​ໄໝ້ສາງ​ເກັບ​ເຄື່ອງຢູ່​ບ້ານ​ສະພັງ​ຄະ​ນົງ​ແມ່ນ​ຍ້ອນ​ການຈູດ​ປ່າ

ເຈົ້າໜ້າທີ່ ​ໃຫ້​ຮູ້​ວ່າ: ປັດຈຸບັນ, ​ສະພາບ​ອາກາດ​ໄດ້​ເຂົ້າ​ສູ່​ລະດູ​ແລ້ງ, ຊຶ່ງ​ເຮັດ​ໃຫ້​ເກີດ​ອັກຄີ​ໄພ​​ໄດ້​ງ່າຍ ຄື: ນັບ​ແຕ່​ຕົ້ນ​​ເດືອນມັງກອນ​ມານີ້ຢູ່ນະຄອນຫລວງ​ວຽງຈັນມີ​ອັກຄີ​ໄພ​ເກີດ​ຂຶ້ນ​ເກືອບ 10 ຄັ້ງ, ​ເຮັດ​ໃຫ້​ມີ​ເຮືອນ​ປະຊາຊົນ​ຫລາຍ​ຫລັງ​ໄດ້​ຮັບ​ຄວາມ​ເສຍ​ຫາຍ. ​ແນວ​ໃດ​ກໍ​ດີ, ​ເມື່ອ​ບໍ່ດົນ​ມານີ້, ກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໄດ້​ອອກ​ແຈ້ງ​ເຕືອນ​ໃຫ້​ສັງຄົມ​ມີ​ສະຕິ​ໃນ​ການ​ນໍາ​ໃຊ້​ຟືນ​ໄຟ​ຄື: 1. ​ການ​ນຳ​ໃຊ້​ໄຟຟ້າ​ເຂົ້າ​ໃນການ​ຜະລິດການ​ດຳລົງ​ຊີວິດ​ປະຈຳ​ວັນ ຫລື ວຽກ​ງານ​ອື່ນໆ ຕ້ອງ​ປະຕິ​ບັດ​ຂໍ້​ກຳນົດຫລັກການ​ຂອງ​ບໍ​ລິສັດ​ໄຟຟ້າ​ວາງ​ອອກ​ຢ່າງ​ເຂັ້ມ​ງວດ, ເອົາໃຈໃສ່​ກວດກາ​ສາຍ​ໄຟຟ້າ, ອຸປະກອນເຄື່ອງໃຊ້​ໄຟຟ້າ​ຕ່າງໆໃຫ້​ຢູ່ໃນ​ສະພາບ​ສົມບູນ, ຖ້າ​ເຫັນ​ວ່າເກົ່າແກ່, ເປ່​ເພ່ ແລະ ບໍ່​ຮັບປະກັນ ຕ້ອງ​ປ່ຽນໃໝ່, ທຸກ​ຄັ້ງ​ທີ່​ໃຊ້​ຟືນ​ໄຟ ແລະ ເຄື່ອງ​ອຸປະກອນ-ເຄື່ອງໃຊ້​ໄຟຟ້າສຳເລັດ​ແລ້ວ ຫລື ກ່ອນ​ອອກ​ຈາກບ້ານ​ເຮືອນ, ບ່ອນ​ເຮັດ​ວຽກ ບ່ອນຄ້າຂາຍ, ເຂົ້າ​ນອນ ຫລື ທໍາ​ພາລະກິດ​ອື່ນໆ ຕ້ອງ​ກວດກາ​ປິດ​ເຕົາແກັດ ເຄື່ອງໃຊ້​ໄຟຟ້າ, ຖອດ​ປັກສຽບ ແລະ ມອດ​ຟືນ​ໄຟ​ໃຫ້​ລະອຽດ. 2. ການ​ໄຕ້​ທູບ​ທຽນ​ບູຊາ ຕ້ອງຮັບປະກັນ​ຄວາມ​ປອດ​ໄພ, ຮ້ານ​ບູຊາ​ຕ້ອງ​ເຮັດ​ດ້ວຍ​ວັດຖຸ​ທີ່​ບໍ່​ຕິດ​ໄຟ ແລະ ຫ່າງ​ໄກ​ຈາກ​ບ່ອນ​ທີ່​ມີ​ເຊື້ອ​ໄຟ, ທຸກ​ຄັ້ງ​ທີ່​ມີ​ການ​ບູຊາ ຕ້ອງ​ເອົາໃຈໃສ່​ຕິດຕາມ​ຈົນ​ໄຟ​ມອດ​ລະອຽດແລ້ວ​ຈຶ່ງ​ອອກ​ໄປ​ທາງ​ອື່ນ. 3. ຫ້າມ​ຈູດ​ຂີ້​ເຫຍື້ອ, ປ່າຫຍ້າແບບ​ຊະຊາຍ ເຊິ່ງ​ຈະ​ເປັນຕົ້ນເຫດ​ຂອງ​ການ​ເກີດ​ອັກຄີ​ໄພ ເປັນຕົ້ນ ໄຟ​ລຸກລາມ​ໃສ່​ເຮືອນ​ຊານ, ທີ່ພັກ​ອາໄສ, ຊັບ​ສິນ​ຂອງ​ຜູ້​ທີ່ຢູ່​ໃກ້ຄຽງ. 4. ຫ້າມ​ຈູດ​ວັດຖຸ​ທີ່​ເປັນ​ທາດແຕກ, ທາດ​ລະເບີດ, ໝາກ​ກະໂພກ, ບັ້ງໄຟດອກ ບັ້ງໄຟ​ພຸທີ່​ກໍ່ໃຫ້ເກີດອັນຕະລາຍ ແລະ ກໍ່ໃຫ້ເກີດ​ອັກຄີ​ໄພ. 5. ຫ້າມ​ເອົາ​ນ້ຳມັນ​ເຊື້ອ​ໄຟ​ມາໄວ້​ໃນ​ເຮືອນ ຫລື ຕັ້ງ​ຂາຍ​ຕາມ​ທາງ ແລະ ນຳ​ມາ​ເກັບ​ໄວ້​ສຳນັກງານ, ອົງການ, ໂຮງແຮມ, ເຮືອນ​ພັກ, ຕະຫລາດ ແລະ ຫ້າງ​ຮ້ານ​ຕ່າງໆ. 6. ບັນດາ​ສຳນັກງານ, ອົງການຈັດ​ຕັ້ງ, ບໍລິສັດ, ຫົວໜ່ວຍ​ທຸລະ​ກິດ, ອໍານາດ​ການ​ປົກຄອງ​ທ້ອງຖິ່ນ ຕ້ອງ​ເພີ່ມ​ທະວີ​ຄວາມ​ເອົາໃຈໃສ່ໃນ​ການຈັດຕັ້ງ​ປ້ອງ​ກັນ​ເວນຍາມສະຖານທີ່​ຕົນ​ຮັບຜິດຊອບ​ຢ່າງເຂັ້ມ​ງວດ, ພ້ອມ​ທັງ​ຫ້າງ​ຫາ​ກະກຽມ​ອຸປະກອນ​ມອດ​ໄຟ​ໃຫ້​ມີ​ການກະ​ກຽມພ້ອມ​ທຸກ​ເວລາ ​ແລະ ຫາກບຸກຄົນ, ນິຕິບຸກຄົນ ຫລື ພາກສ່ວນ​ໃດ​ລະເມີດຈະ​ຖືກ​ແນະນຳຕັກເຕືອນ, ສຶກ​ສາ​ອົບຮົມ ແລະ ປັບ​ໃໝ, ພ້ອມ​ທັງ​ດຳເນີນ​ຄະດີຕາມ​ລະບຽບ​ກົດໝາຍ.