ຮອງນາຍົກຮ່ວມວາງສີລາລືກກໍ່ສ້າງຫ້ອງການດ່ານສາກົນສາມຫລ່ຽມຄຳ

ຮອງນາຍົກຮ່ວມວາງສີລາລືກກໍ່ສ້າງຫ້ອງການດ່ານສາກົນສາມຫລ່ຽມຄຳ - advert banner 728 90 728x90 - ຮອງນາຍົກຮ່ວມວາງສີລາລືກກໍ່ສ້າງຫ້ອງການດ່ານສາກົນສາມຫລ່ຽມຄຳ

ແຫລ່ງຂ່າວ ຂປລ ໃຫ້ຮູ້ວ່າ: ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນໄດ້ໃຫ້ກຽດເຂົ້າຮ່ວມການວາງສີລາລືກໂຄງການກໍ່ສ້າງທ່າເຮືອດ່ານສາກົນເຂດເສດຖະກິດພິເສດສາມຫລ່ຽມຄຳທີ່ເມືອງຕົ້ນເຜິ້ງ ແຂວງບໍ່ແກ້ວ, ໃນວັນທີ 27 ມັງກອນນີ້ ຂອງກຸ່ມບໍລິສັດ ດອກງິ້ວຄຳ ເພື່ອຕອບສະໜອງການເດີນເຮືອ ແລະ ການຂົນສົ່ງສິນຄ້າ.

ຮອງນາຍົກຮ່ວມວາງສີລາລືກກໍ່ສ້າງຫ້ອງການດ່ານສາກົນສາມຫລ່ຽມຄຳ - lattana 1 - ຮອງນາຍົກຮ່ວມວາງສີລາລືກກໍ່ສ້າງຫ້ອງການດ່ານສາກົນສາມຫລ່ຽມຄຳ

ທ່ານ ເຢ້ຍ ຈ້ຽນຄຸນ ປະທານບໍລິຫານກຸ່ມບໍລິສັດດອກງິ້ວຄຳກ່າວວ່າ: ໃນເບື້ອງຕົ້ນທ່າເຮືອແຫ່ງນີ້, ຈະສາມາດຮອງຮັບການເຂົ້າ-ອອກ ຂອງຜູ້ໂດຍສານ ໄດ້ປະມານ 2 ແສນເທື່ອຄົນ/ປີ ແລະ ຮອງຮັບການຂົນສົ່ງສິນຄ້າໄດ້ 1 ແສນ ໂຕນ/ປີ. ສໍາລັບແຜນການຂະຫຍາຍໃນອະນາຄົດ ແມ່ນຈະສາມາດບໍລິ ການເຂົ້າ-ອອກ ຜູ້ໂດຍສານໄດ້ປະມານ 800.000 ເທື່ອຄົນ/ປີ ແລະ ຮອງຮັບການຂົນສົ່ງສິນຄ້າ ໄດ້ປະ ມານ 400.000 ໂຕນ/ປີ. ທ່າເຮືອສາກົນແຫ່ງນີ້, ມີເນື້ອທີ່ 11 ເຮັກຕາ, ປະກອບມີເດີ່ນ, ສາງເກັບມ້ຽນສິນຄ້າ, ເສັ້ນທາງລົງທ່າເຮືອ, ຫ້ອງການແບບລວມສູນ, ຈຸດກວດກາພາສີ, ຫ້ອງການດ່ານ, ບ່ອນລໍຖ້າເຮືອ, ເດີ່ນຈອດຍົນເຮລີຄັອບເຕີ, ລະບົບລະບາຍນ້ຳເສຍ, ລະບົບໄຟເຍືອງ ແລະ ອື່ນໆ, ລວມມູນຄ່າ 18 ລ້ານກວ່າໂດລາສະຫະລັດ.

ສຳລັບໄລຍະທີໜຶ່ງ ໄດ້ສຳເລັດການກໍ່ສ້າງບ່ອນຈອດທຽບທ່າເຮືອໂດຍສານ 1-3, ຫ້ອງການດ່ານ ຕໍາຫລວດກວດຄົນເຂົ້າເມືອງ, ລານຈອດລົດ, ບ່ອນລໍຖ້າ, ຄູກັນເຈື່ອນ, ເສັ້ນທາງ, ລະບົບລະບາຍນໍ້າເສຍ ແລະ ພື້ນຖານອື່ນໆ. ສ່ວນໄລຍະທີສອງ ແມ່ນການກໍ່ສ້າງບ່ອນທຽບທ່າເຮືອບັກ, ເຮືອສິນຄ້າເບີ 1, ລວມທັງອົງປະກອບອື່ນໆ ແລະ ໄລຍະສາມ ແມ່ນການກໍ່ສ້າງບ່ອນທຽບເຮືອຂົນສົ່ງໂດຍສານເບີ 4-6 ແລະ ຈຸດທຽບເຮືອສິນຄ້າເບີ 2 ແລະ ເດີ່ນຈອດເຮລີຄັອບເຕີ. ເພື່ອແນໃສ່ຮອງຮັບນັກທ່ອງທ່ຽວ, ນັກທຸລະກິດ, ຜູ້ປະກອບການທີ່ພັກອາໄສຢູ່ເຂດສາມຫລ່ຽມຄຳມີຄວາມສະດວກດີຂຶ້ນ.

ທ່ານຮອງເຈົ້າແຂວງບໍ່ແກ້ວ ຊີ້ໃຫ້ເຫັນວ່າ: ການກໍ່ສ້າງທ່າເຮືອສາກົນ ແຫ່ງນີ້, ແມ່ນມີຄວາມສຳຄັນຫລາຍ ເຊິ່ງຈະກາຍເປັນບ່ອນເຮັດວຽກຂອງເຈົ້າໜ້າທີ່ທັງພາກລັດ ແລະ ເອ ກະຊົນ ໃນການອຳນວຍຄວາມສະດວກໃຫ້ແກ່ການນຳເຂົ້າ ແລະ ຂົນສົ່ງສິນຄ້າ, ທັງເປັນເງື່ອນໄຂສະດວກແກ່ການບໍລິການ ແລະ ດຶງດູດນັກລົງທຶນ ທັງພາຍໃນ ແລະ ຕ່າງປະເທດເຂົ້າມາແຂວງບໍ່ແກ້ວ ກໍຄື ສາມຫລ່ຽມຄຳ ໃຫ້ຫລາຍຂຶ້ນ ແລະ ກາຍເປັນໃຈກາງການ ຂົນສົ່ງທາງນ້ຳຢູ່ພາກເໜືອຂອງລາວ ໃນອະນາຄົດ.