ນັກວິໄຈເອີຣົບ ແລະ ອາເມລິກາເຕືອນ ສິ່ງທີ່ຈະເກີດຂຶ້ນເມື່ອທ່ານກິນຢາປາຣາ

ນັກວິໄຈເອີຣົບ ແລະ ອາເມລິກາເຕືອນ ສິ່ງທີ່ຈະເກີດຂຶ້ນເມື່ອທ່ານກິນຢາປາຣາ - advert banner 728 90 728x90 - ນັກວິໄຈເອີຣົບ ແລະ ອາເມລິກາເຕືອນ ສິ່ງທີ່ຈະເກີດຂຶ້ນເມື່ອທ່ານກິນຢາປາຣາ

ຢາປາຣາເຊຕາໂມນເປັນຢາແກ້ປວດທີ່ປອດໄພ ແລະ ມີປະສິດທິພາບເມື່ອກິນຢ່າງຖືກຕ້ອງ, ແຕ່ຜູ້ຊ່ຽວຊານເຕືອນວ່າ ການກິນຢາປາຣາເຊຕາໂມນໃນປະລິມານທີ່ຫລາຍເກີນໄປໃນໄລຍະເວລາດົນ ອາດເຮັດໃຫ້ເສຍຊີວິດໄດ້ ເນື່ອງຈາກຜົນເສຍຮ້າຍແຮງຕໍ່ຕັບຂອງທ່ານ.

ນັກວິໄຈເອີຣົບ ແລະ ອາເມລິກາເຕືອນ ສິ່ງທີ່ຈະເກີດຂຶ້ນເມື່ອທ່ານກິນຢາປາຣາ - lattana 1 - ນັກວິໄຈເອີຣົບ ແລະ ອາເມລິກາເຕືອນ ສິ່ງທີ່ຈະເກີດຂຶ້ນເມື່ອທ່ານກິນຢາປາຣາ

ຢາປາຣາເຊຕາໂມນ Paracetamol ຫລື ມີຊື່ເອີ້ນອີກຊື່ໜຶ່ງວ່າ ອະເຊຕາມິໂນເຟນ Acetaminophen ເປັນຢາຫລຸດອາການປວດ Analgesics  ທີ່ບໍ່ມີຜົນຂ້າງຄຽງເລື່ອງການລະຄາຍເຄືອງກະເພາະອາຫານ ແລະ ການກ້າມຂອງເລືອດຄືກັບຢາກຸ່ມເອັນແຊດ Non steroidal anti inflammatory : NSAIDs ເຊັ່ນ : ຢາແອສໄປຣິນ, ຢາໄອບູໂປຣເຟນ Ibuprofen.

ເນື່ອງຈາກຢາປາຣາເຊຕາໂມນຫາຊື້ໄດ້ງ່າຍ ໂດຍບໍ່ຕ້ອງມີໃບສັ່ງຢາຈາກແພດ ເປັນເຫດໃຫ້ປະລິມານການໃຊ້ຢາຊະນິດນີ້ເພີ່ມຂຶ້ນຢ່າງວ່ອງໄວ ປະຈຸບັນຢາປາຣາເຊຕາໂມນເກືອບຈະກາຍເປັນຢາປະຈຳເຮືອນໄປແລ້ວ ຫລາຍເຮືອນບໍ່ວ່າຈະເປັນຫຍັງກໍກິນຢາປາຣາເຊຕາໂມນໄວ້ກ່ອນ ບໍ່ວ່າຈະເຈັບຫົວ, ໂຕຮ້ອນ, ເປັນໄຂ້, ເປັນຫວັດ, ເຈັບແຂ້ວ, ປວດກ້າມຊີ້ນ ກໍມັກຈະເພີ່ງແຕ່ຢາປາຣາເຊຕາໂມນ ເຮັດໃຫ້ປະຊາຊົນທົ່ວໄປບໍ່ຮູ້ພິດສົງຂອງຢາຊະນິດນີ້ເທົ່າໃດ.

ໃນຫລາຍປະເທດ ເຊັ່ນ : ອັງກິດ, ສະຫະລັດອາເມລິກາ ໄດ້ວິໄຈພົບວ່າ ມີການໃຊ້ຢາປາຣາເຊຕາໂມນເກີນຂະໜາດຫລາຍຂຶ້ນທຸກປີ ແລະ ມີຜູ້ທີ່ຕ້ອງເຂົ້າຮັບການປິ່ນປົວໃນໂຮງໝໍຈາກການເກີດພິດຂອງຢາປາຣາເຊຕາໂມນເພີ່ມຂຶ້ນຈົນໜ້າຕົກໃຈ ຈົນລັດຖະບານຝັ່ງເອີຣົບກັບອາເມລິກາຕ້ອງອອກມາເຕືອນໃຫ້ປະຊາຊົນໃຊ້ຢາປາຣາເຊຕາໂມນສະເພາະເມື່ອມີຄວາມຈຳເປັນ ແລະ ເຜີຍແຜ່ຄວາມຮູ້ເລື່ອງພິດຂອງຢາໃຫ້ປະຊາຊົນເອົາໃຈໃສ່ຫລາຍຍິ່ງຂຶ້ນຜ່ານສື່ຕ່າງໆ ບໍ່ວ່າຈະເປັນໂທລະພາບ, ວິທະຍຸ, ໃບປິວ, ເອກະສານກຳກັບຢາ ຫລື ອິນເຕີເນັດ.

ໃນສະຫະລັດອາເມລິກາ ມີການຄວບຄຸມການໃຊ້ຢາປາຣາຕາໂມນຢ່າງຮັດກຸມ ເພາະເຂົາໄດ້ສຶກສາພົບວ່າ ຢາປາຣາເຊຕາ ໂມນເປັນພິດຕໍ່ຕັບ ທ່ານອາດແປກໃຈທີ່ຮູ້ວ່າສາເຫດອັນດັບຕົ້ນໆຂອງການເກີດຕັບວາຍ ບໍ່ແມ່ນມາຈາກອານກໍຮໍ ຫລື ມາຈາກໄວຣັສຕັບອັກເສບ ແຕ່ສາເຫດອັນດັບໜຶ່ງແມ່ນມາຈາກຢາ ໂດຍສະເພາະຢາປາຣາເຊຕາໂມນ.

ຈາກການສຳຫລວດພົບວ່າ ຢາປາຣາເຊຕາໂມນເປັນໂຕການເຮັດໃຫ້ຕັບວາຍ ຫລື ພະຍາດຕັບແຂງໄດ້ງ່າຍກ່ວາຢາປິ່ນປົວພະຍາດເບົາຫວານທີ່ຊື່ ເຣຊູລິນ ທີ່ຖືກປະກາດຫ້າມໃຊ້ໄປແລ້ວ.

ສຳລັບກົນໄກການທຳລາຍຕັບຂອງຢາປາຣາເຊຕາໂມນນີ້ ພົບວ່າຢາຊະນິດນີ້ເມື່ອເຮົາກິນເຂົ້າໄປ ຮ່າງກາຍຈະໄລ່ອອກໄດ້ ຈະຕ້ອງຜ່ານຂະບວນການໄລ່ສານພິດຢູ່ຕັບເຖິງ 2 ຂັ້ນຕອນ ໂດຍຂັ້ນຕອນທີໜຶ່ງກໍ່ໃຫ້ເກີດສານຜະລິດຜົນທີ່ເປັນພິດ Toxic metabolite : NAPQI  ຈຶ່ງຕ້ອງເຂົ້າສູ່ຂັ້ນຕອນທີສອງ ເຊິ່ງໃຊ້ສານກລູຕ້າໄທໂອນ ເຮັດໃຫ້ສານກລູຕ້າໄທໂອນໃນຕັບຫລຸດ ລົງ ຫາກໃຊ້ດົນຕິດຕໍ່ກັນ ຫລື ໃຊ້ເກີນຂະໜາດ ກໍຈະເຮັດໃຫ້ລະດັບສານຜະລິດຜົນທີ່ເປັນພິດນີ້ເພີ່ມຫລາຍຂຶ້ນ ສົ່ງຜົນໃຫ້ເປັນພິດຕໍ່ຕັບຮຸນແຮງໃນທີ່ສຸດ.

ການກິນຢາປາຣາເຊຕາໂມນທີ່ອາດກໍ່ໃຫ້ເກີດພິດຕໍ່ຕັບໄດ້ແມ່ນຫລາຍກ່ວາ 4 ກຣາມຕໍ່ມື້ ຫລື ຫລາຍກ່ວາ 8 ເມັດ ໃນຂະໜາດເມັດລະ 500 ມິນລີກຣາມ ພາຍໃນ 7 ວັນກ່ອນເຂົ້າຮັບການປິ່ນປົວ.