ໜໍ່ໄມ້ ປ້ອງກັນມະເຮັງລຳໄສ້ ໄລ່ສານພິດໃຕ້ຜິວໜັງ

ໜໍ່ໄມ້ ປ້ອງກັນມະເຮັງລຳໄສ້ ໄລ່ສານພິດໃຕ້ຜິວໜັງ - advert banner 728 90 728x90 -      ໜໍ່ໄມ້ ປ້ອງກັນມະເຮັງລຳໄສ້ ໄລ່ສານພິດໃຕ້ຜິວໜັງ

ໜໍ່ໄມ້ ມີຄຸນຄ່າທາງອາຫານສູງ ທັງໂປຣຕິນ, ວິຕາມິນ ແລະ ສິ່ງສຳຄັນມີກົດອະມິໂນທີ່ຮ່າງກາຍຜະລິດເອງບໍ່ໄດ້ ຕ້ອງນຳເຂົ້າຈາກອາຫານປະເພດຕ່າງໆ ນອກຈາກນັ້ນ ໜໍ່ໄມ້ຍັງມີກາກໄຍອາຫານທີ່ຊ່ວຍໃຫ້ຮ່າງກາຍນຳເອົາກາກ ແລະ ສານພິດອອກສູ່ພາຍນອກໄດ້ໄວ ໂດຍການດູດນຳ້ ແລະ ເພີ່ມບໍລິມາດໃຫ້ກາກຫລາຍຂຶ້ນ ຈົນຮ່າງກາຍຕ້ອງສົ່ງອອກກະທັນຫັນ.

ໜໍ່ໄມ້ ປ້ອງກັນມະເຮັງລຳໄສ້ ໄລ່ສານພິດໃຕ້ຜິວໜັງ - lattana 1 -      ໜໍ່ໄມ້ ປ້ອງກັນມະເຮັງລຳໄສ້ ໄລ່ສານພິດໃຕ້ຜິວໜັງ

ທັງນີ້ ໜໍ່ໄມ້ເມື່ອຜ່ານການຍ່ອຍແລ້ວ ປະໂຫຍກທີ່ໄດ້ຮັບຈາກການກິນໜໍ່ໄມ້ແມ່ນຮ່າງກາຍກໍຈະຖືກດູດຊຶມເຂົ້າສູ່ກະແສເລືອດ ສ່ວນກາກອາຫານທີ່ເຫລືອ ຫລື ສານພິດຕ່າງໆ ເຊັ່ນ : ຢາຂ້າແມງໄມ້, ໂລຫະໜັກຕ່າງໆ ຫລື ນີໄຕຣ ກໍຈະໄປລວມກັນຢູ່ລຳໄສ້ໃຫຍ່, ແຕ່ຖ້າມີກາກໄຍອາຫານຫລາຍໆ ກາກໄຍອາຫານເຫລົ່ານີ້ຈະຊ່ວຍດູດນຳ້ ແລະ ເພີ່ມປະລິມານ ເຮັດໃຫ້ກາກອາຫານເຫລົ່ານີ້ມີນຳ້ໜັກຫລາຍ ຈະເຄື່ອນຂະບວນອອກສູ່ໂລກພາຍນອກໄດ້ໄວ ກາກໄຍອາຫານຈຶ່ງຊ່ວຍຫລຸດການເກີດມະເຮັງລຳໄສ້ໃຫຍ່.

ໜໍ່ໄມ້ສາມາດເອົາໄປແປຮູບໃຫ້ເປັນອາຫານໄດ້ຫລາຍຊະນິດ ເຊັ່ນ : ໜໍ່ໄມ້ສົດໆຕົ້ມກັບກະດູກໝູ, ແກງຂົ້ວໜໍ່ໄມ້ ຫລື ຈະຕົ້ມໄວ້ກິນກັບແຈ່ວ, ເຮັດຊຸບໜໍ່ໄມ້. ສ່ວນຄວາມຂົມຂອງໜໍ່ໄມ້ ຕ້ອງດັບດ້ວຍນຳ້ຄັ້ນໃບຢານາງ ແລ້ວໜໍ່ໄມ້ກໍຈະຫວານ. ຖ້າຢາກເກັບໜໍ່ໄມ້ໄວ້ກິນນອກລະດູກໍຕ້ອງດອງໜໍ່ໄມ້ໃຫ້ເປັນໜໍ່ໄມ້ສົ້ມ ເອົາໄວ້ເຮັດແກງ ຫລື ຂົ້ວໄດ້.

– ສັບພະຄຸນຂອງໜໍ່ໄມ້ :

  1. ຫລຸດການເກີດມະເຮັງລຳໄສ້ໃຫຍ່, ປ້ອງກັນອາການຍື່ງທ້ອງ, ຊ່ວຍຍ່ອຍອາຫານ, ເປັນສັບພະຄຸນທີ່ເຫັນຜົນຫລາຍ ເພາະ ໜໍ່ໄມ້ເປັນອາຫານທີ່ໃຫ້ເສັ້ນໄຍສູງ.
  2. ແກ້ກະຫາຍ, ໄລ່ນຳ້ຍ່ຽວ, ໄລ່ຂີ້ກະເທີ່, ແກ້ໄອ, ບຳລຸງກຳລັງ ແກ້ອາການອອກຮ້ອນຕ່າງໆໄດ້ດີ ເພາະມີລິດເປັນຢາເຢັນຄືກັນກັບເຫັດ.
  3. ໄລ່ສານພິດໃຕ້ຜິວໜັງ, ໄລ່ຕຸ່ມຜື່ນທຸກຊະນິດ ພຽງດື່ມນຳ້ແກງທີ່ໄດ້ຈາກການຕົ້ມໜໍ່ໄມ້.
  4. ແກ້ອາການທ້ອງບິດຊຳ້ເຮື້ອໄດ້.

ນອກຈາກໜໍ່ໄມ້ສົດຈະມີຄຸນຄ່າທາງອາຫານສູງແລ້ວ ໜໍ່ໄມ້ດອງເຖິງວ່າຈະບໍ່ມີຄຸນຄ່າທາງອາຫານ ແຕ່ຍັງມີຄຸນຄ່າແຝງຢູ່ ອີກຄື ຈະມີແບັກທີເຣຍໃນໜໍ່ໄມ້ດອງທີ່ຊື່ ຄລອສທຣີເດຍ ເປັນແບັກທີເຣຍທີ່ປົນຢູ່ໃນດິນ ຈະເລີນເຕີບໃຫຍ່ໄດ້ດີໃນສະພາບບໍ່ມີອົກຊີ ແຊນ ເຊັ່ນ : ໃນອາຫານຈຳພວກຂອງໝັກ ຂອງດອງທັງຫລາຍ ແລະ ລວມທັງອາຫານກະປ໋ອງທີ່ບໍ່ໄດ້ຜ່ານການທຳລາຍແບັກທີ ເຣຍຢ່າງຖືກວິທີ ແບັກທີເຣຍຊະນິດນີ້ມີພິດ ແຕ່ມັນກໍມີປະໂຫຍດ ເຊິ່ງອົງການອາຫານ ແລະ ຢາ FDA ຂອງສະຫະລັດອາເມລິກາ ອະນຸຍາດໃຫ້ນຳແບັກທີເຣຍນີ້ໄປຜ່ານຂະບວນການແຍກເອົາສານພິດອອກແລ້ວເຮັດໃຫ້ເຈືອຈາງ ເພື່ອນຳໄປໃຊ້ໃນການບຳບັດປິ່ນປົວພະຍາດທີ່ກ່ຽວກັບກ້າມຊີ້ນ ໂດຍຕັງຊື່ໃໝ່ວ່າ : Botox ເຊິ່ງກໍແມ່ນສານໜ້າເດັ້ງທີ່ບັນດາຜູ້ຮັກຄວາມງາມທັງຫລາຍໄປສີດເພື່ອຫລຸດຮອຍຫ່ຽວຍານ.

– ຂໍ້ຄວນລະວັງໃນການກິນໜໍ່ໄມ້ :

ໜໍ່ໄມ້ມີຄຸນຄ່າທາງອາຫານສູງໃນໂຕຂອງມັນເອງ ສ່ວນໜໍ່ໄມ້ດອງກໍມີຄຸນຄ່າແຝງ, ແຕ່ສຳລັບຄົນປ່ວຍເປັນພະຍາດບາງຊະນິດແລ້ວ ແພດເອງກໍບໍ່ແນະນຳໃຫ້ກິນຄືກັນ ເປັນຕົ້ນແມ່ນພະຍາດປະດົງຂໍ້ ບໍ່ຄວນກິນ ເພາະໃນໜໍ່ໄມ້ມີສານພິວລີນສູງ ເຊິ່ງສານຊະນິດນີ້ອາດຈະເຮັດໃຫ້ກົດຢູຣິກທີ່ເປັນສາເຫດຂອງການເກີດພະຍາດປະດົງສູງຂຶ້ນ ເຊິ່ງກົດຢູຣິກເປັນສານທີ່ເກີດຈາກການເຜົາຜານຂອງພິວລີນ ມີຫລາຍໃນຊີ້ນສັດ, ເຄື່ອງໃນສັດ, ຖົ່ວຊະນິດຕ່າງໆ ແລະ ພືດຜັກອ່ອນ ໂດຍສະເພາະໜໍ່ໄມ້.

ຜູ້ທີ່ມີສະພາບໝາກໄຂ່ຫລັງເສື່ອມ ຫລື ໝາກໄຂ່ຫລັງຊຸດໂຊມ ໂດຍປົກກະຕິກົດຢູຣິກຈະຖືກໄລ່ອອກທາງນຳ້ຍ່ຽວຂອງຄົນເຮົາ. ຫາກຮ່າງກາຍມີການສ້າງກົດຢູຣິກຫລາຍເກີນໄປ ຫລື ໝາກໄຂ່ຫລັງໄລ່ກົດຢູຣິກໄດ້ໜ້ອຍລົງ ເນື່ອງຈາກໝາກໄຂ່ຫລັງເຮັດວຽກບໍ່ດີ ກົດຢູຣິກກໍຈະຈັບສະສົມຢູ່ຕາມຂໍ້, ຕາມຜິວໜັງຫລອດເລືອດໝາກໄຂ່ຫລັງ ແລະ ອະໄວຍະວະຕ່າງໆ ເຮັດໃຫ້ເກີດອາການປວດຂໍ້ ແລະ ພະຍາດແຊກຊ້ອນຕ່າງໆທີ່ເປັນອັນຕະລາຍໄດ້ ເຊັ່ນ: ຂໍ້ພິການ, ໜິ້ວໝາກໄຂ່ຫລັງ, ກະດູູກຜ່ອຍ ເປັນຕົ້ນ.

– ຄວາມເຊື່ອທີ່ບໍ່ຖືກຕ້ອງກ່ຽວກັບໜໍ່ໄມ້ :

ຄົນເຮົາມັກຈະຄິດວ່າໜໍ່ໄມ້ມີແຕ່ໂທດ ເປັນຂອງຜິດ ຖ້າບໍ່ກິນຈະດີກ່ວາ.

ກິນໜໍ່ໄມ້ແລ້ວປວດຂໍ້ ຄວາມຈິງແລ້ວ ໂຕໜໍ່ໄມ້ເອງບໍ່ໄດ້ເຮັດໃຫ້ຂໍ້ເສື່ອມ ຫລື ປວດຂໍ້, ແຕ່ຈະມີຜົນກັບຜູ້ທີ່ເປັນພະຍາດປະດົງຂ້ໍເທົ່ານັ້ນ, ດັ່ງນັ້ນ ຄົນທີ່ມີອາການປວດຂໍ້ຈາກສາເຫດອື່ນໆ ຈຶ່ງກິນໜໍ່ໄມ້ໄດ້ຕາມປົກກະຕິ.

ຄົນເປັນພະຍາດເບົາຫວານຫ້າມກິນ ການກິນໜໍ່ໄມ້ນັ້ນບໍ່ໄດ້ມີຜົນກັບລະດັບນຳ້ຕານໃນກະແສເລືອດ ເພາະສະນັ້ນເຖິງຈະເປັນພະຍາດເບົາຫວານກໍກິນໄດ້.

ຜູ້ທີ່ເປັນພະຍາດຕັບຫ້າມກິນ ເຊິ່ງພະຍາດຕັບທີ່ວ່ານີ້ມີໄດ້ຈາກຫລາຍສາເຫດ ທັງຈາກໄວຣັສເບ ແລະ ອາການຕັບແຂງ, ແຕ່ແພດຢັ້ງຢືນວ່າ ການກິນໜໍ່ໄມ້ບໍ່ມີຜົນຕໍ່ພະຍາດດັ່ງກ່າວ.

ເມື່ອມີອາການລົງຂາວ ໃຫ້ງົດກິນໜໍ່ໄມ້ ຄວາມຈິງແລ້ວໜໍ່ໄມ້ສົດບໍ່ມີຜົນຕໍ່ອາການ, ແຕ່ຫາກຜູ້ທີ່ມີອາການລົງຂາວກໍຍັງສາມາດກິນໜໍ່ໄມ້ສົດໄດ້.

ແນວໃດກໍຕາມ, ກໍຄວນກິນຢ່າງພໍດີພໍງາມ ເພາະທຸກຢ່າງມີ 2 ດ້ານ ໜໍ່ໄມ້ກໍຄືກັນ.