ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ

ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ - advert banner 728 90 728x90 - ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ

ທ້າຍອາທິດຜ່ານມາ, ອົງ ການກາແດງລາວ ຮ່ວມກັບ ອົງ ການກາແດງແຂວງ ຄຳມ່ວນ, ໄດ້ຈັດພິທີປະຖະກະຖາ ວັນສ້າງ ຕັ້ງອົງການກາແດງລາວຄົບ ຮອບ 63 ປີ (1/1/1955-1/1/2018), ເພື່ອທວນຄືນ ປະຫວັດຄວາມເປັນມາຂອງ ອົງການກາແດງລາວ, ຂຶ້ນທີ່ ແຂວງຄຳມ່ວນ, ໂດຍການ ເປັນປະທານຂອງ ທ່ານ ຄຳຮຸ່ງ ເຮືອງວົງສີ ປະທານອົງການ ກາແດງລາວ, ມີບັນດາຫົວໜ້າ ພະແນກຕ່າງໆພາຍໃນແຂວງ ແລະ ພະນັກງານກາແດງ 10 ເມືອງເຂົ້າຮ່ວມ.

ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ - lattana 1 - ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ

ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ - 854 1 - ປະຖະກະຖາວັນສ້າງຕັ້ງອົງການກາແດງລາວ ຄົບຮອບ 63 ປີທີ່ແຂວງຄຳມ່ວນ

+ ອົງການກາແດງລາວມອບເຄື່ອງຊ່ວຍເຫລືອບ້ານຕໍເຮືອ

+ ປີຜ່ານມາກາແດງແຂວງວຽງຈັນຮັບບໍລິຈາກເລືອດໄດ້ເກືອບ 3.000 ຖົງ

ທ່ານ ຄຳຮຸ່ງ ເຮືອງວົງສີ ໄດ້ຍົກໃຫ້ເຫັນວ່າ: ອົງການກາ ແດງລາວໄດ້ສ້າງຕັ້ງ ຂຶ້ນໃນ ວັນທີ 1 ມັງກອນ ປີ 1955, ໄດ້ ຖືກຮັບຮອງຈາກຄະນະກຳມະ ການກາແດງສາກົນ ໃນວັນທີ 23 ພຶດສະພາ ປີ 1957 ແລະ ໄດ້ເຂົ້າເປັນສະມາຊິກຂອງສະ ຫະພັນກາແດງ ແລະ ຊີກວົງ ເດືອນແດງສາກົນໃນວັນທີ 25 ຕຸລາ 1957 ໃນກອງປະຊຸມຄັ້ງ ທີ 24 ທີ່ນິວເດັນລີ ປະເທດອິນ ເດຍ, ເຊິ່ງລາວເຮົາໄດ້ເຂົ້າເປັນ ພາຄີສົນທິສັນຍາສາກົນ ໃນປີ 1956 ໂດຍມີ 4 ສະບັບຄື: ການ ເບິ່ງແຍງທະຫານທາງບົກທີ່ ໄດ້ຮັບບາດເຈັບ, ການເບິ່ງ ແຍງ ແລະ ຊ່ວຍເຫຼືອທະຫານເຮືອ ທີ່ໄດ້ຮັບບາດເຈັບ, ການຄຸ້ມຄອງ ສະເລີຍເສິກ ແລະ ການປົກປ້ອງ ພົນລະເຮືອນຊີວິດ ແລະ ຊັບສິນ ໃນເວລາມີສົ່ງຄາມ. ອົງການ ກາແດງລາວໃນເມື່ອກ່ອນເອີ້ນ ວ່າ: ສະພາກາຊາດລາວ ພາສາ ສາກົນແມ່ນ Lao Red Cross, ໃນເວລານັ້ນ ທົ່ວໂລກ ມີກາແດງພຽງແຕ່ 80 ປະເທດ ພາຍຫຼັງປະເທດຊາດໄດ້ຮັບ ການປົດປ່ອຍ ສະພາກາຊາດ ລາວ ໄດ້ສືບຕໍ່ເຄື່ອນໄຫວຕາມ ພາລະບົດບາດ ແລະ ໄດ້ປັບປຸງ ໜ້າທີ່ ຕາມທິດທາງນະໂນບາຍ ປ່ຽນແປງໃໝ່ຢ່າງຮອບດ້ານ ທີ່ມີຫຼັກການຂອງພັກ ແລະ ລັດ ຖະບານ ເພື່ອບັນລຸຈຸດປະສົງ ແລະຄາດໝາຍທີ່ໄດ້ກຳນົດໄວ້ຢ່າງແທດເໝາະກັບສະພາບ ຄວາມເປັນຈິງໃນການພັດທະ ນາວຽກງານກາແດງ ໃນແຕ່ລະ ໄລຍະຄື: ໃນປີ 1976–1978 ສະພາກາຊາດລາວໄດ້ປ່ຽນຊື່ ມາເປັນ ສະພາກາແດງລາວ, ປີ1988–1992 ສະພາກາແດງ ລາວ ໄດ້ຂຶ້ນກັບກະຊວງສາທາ ລະນະສຸກ ແລະ ສະຫວັດດີການ ສັງຄົມ, ໃນວັນທີ 4 ເມສາ ປີ 1992 ສະພາກາແດງລາວໄດ້ ປ່ຽນຊື່ມາເປັນອົງການກາແດງ ລາວ ແລະ ໄດ້ແຍກອອກຈາກ ກະຊວງສະຫວັດດີການ ສັງຄົມ ມາເປັນອົງການສັງຄົມທີ່ຢູ່ ພາຍ ໃຕ້ການນຳພາຂອງພັກ ແລະ ລັດຖະບານ ໃນປັດຈຸບັນ, ເຊິ່ງອົງ ການກາແດງລາວແມ່ນອົງ ການຈັດຕັ້ງທາງສັງຄົມແຫ່ງ ສປປ ລາວ ມີສຳນັກງານໃຫຍ່ ຕັ້ງຢູ່ນະຄອນຫຼວງວຽງຈັນ, ເຊິ່ງ ມີໜ້າທີ່ຊ່ວຍເຫຼືອວຽກງານບັນ ເທົາທຸກ ຜູ້ທີ່ໄດ້ຮັບເຄາະຮ້າຍ ຈາກໄພພິບັດຕ່າງໆ, ຜູ້ທຸກຍາກ ດ້ອຍໂອກາດ ແລະ ຊ່ວຍສົ່ງເສີມ ສຸຂະ ພາບປະຊາຊົນບັນດາເຜົ່າ ໃຫ້ມີຊີວິດດີຂຶ້ນ ແລະ ເຮັດວຽກ ຕາມ 7 ຫຼັກການພື້ນຖານ ຂອງ ຂະບວນການກາແດງສາກົນ, ເຊິ່ງປະກອບມີ 5 ພາກສ່ວນໃຫ່ຍ ແລະ 9 ໜ້າວຽກຫຼັກ. ນອກ ຈາກນັ້ນ ທ່ານປະທານອົງການ ກາແດງລາວ ຍັງຊີ້ໃຫ້ເຫັນຄວາມ ສະດວກ, ສິ່ງທ້າທາຍ ແລະ ຄວາມຫຍຸ້ງຍາກໃນການປະຕິ ບັດໜ້າທີ່ວຽກງານຂອງອົງ ການກາແດງລາວ, ຜ່ານມາໂດຍ ສະເພາະວຽກງານບໍລິຈາກ ເລືອດເປັນສິ່ງຈຳເປັນ ແລະ ທ້າ ທາຍ ໂດຍສະເພາະງົບປະມານ ຕ່າງໆ ທຸກພາກສ່ວນໃນສັງຄົມ ຄວນມີສ່ວນຮ່ວມ. ທ່ານໃຫ້ຮູ້ວ່າ ອົງການກາແດງລາວ ໄດ້ຮ່ວມ ມືກັບຂະບວນກາແດງຕ່າງໆ ເຊັ່ນ: ຄະນະກຳມະການກາ ແດງ ສາກົນ (ICRC), ສະຫະພັນ ກາແດງ ແລະ ຊີກວົງເດືອນ ແດງ ສາກົນ (IFRC) ແລະ ບັນດາ ອົງການກາແດງປະເທດຕ່າງໆ. ໃນໄລຍະຜ່ານມາ ອົງການກາ ແດງລາວ ໄດ້ປະສານສົມທົບ ກັບກາແດງເພື່ອນມິດອີກຫຼາຍ ປະເທດເປັນຕົ້ນແມ່ນກາແດງ ຈີນ, ຫວຽດນາມ ແລະ ສະພາກາ ຊາດໄທ ສິ່ງເຫຼົ້ານີ້ໄດ້ເປັນຂີດ ໝາຍອັນສຳຄັນໃນການຮ່ວມ ງານກັບກາແດງປະເທດຕ່າງໆ, ເພື່ອເຮັດວຽກງານກາແດງຫັນ ເປັນລັກສະນະສັງຄົມຫຼາຍຂຶ້ນ.