ສະມາຄົມມິດຕະພາບຫວຽດນາມ-ລາວຈັດງານສົ່ງທ້າຍປີເກົ່າຕ້ອນຮັບປີໃໝ່

ສະມາຄົມມິດຕະພາບຫວຽດນາມ-ລາວຈັດງານສົ່ງທ້າຍປີເກົ່າຕ້ອນຮັບປີໃໝ່ - advert banner 728 90 728x90 - ສະມາຄົມມິດຕະພາບຫວຽດນາມ-ລາວຈັດງານສົ່ງທ້າຍປີເກົ່າຕ້ອນຮັບປີໃໝ່

ເມື່ອບໍ່ດົນມານີ້, ຢູ່ສູນການຄ້າອາຊຽນມໍນະຄອນຫລວງວຽງຈັນ, ສະມາຄົມມິດຕະພາບຫວຽດນາມ-ລາວ, ໄດ້ຈັດງານສະເຫລີມສະຫລອງສົ່ງທ້າຍປີເກົ່າ ແລະ ຕ້ອນຮັບປີໃໝ່ຫວຽດນາມຂຶ້ນດ້ວຍບັນຍາກາດຟົດຟື້ນ, ໂດຍການໃຫ້ກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ທ່ານ ລຽນ ທີແກ້ວ ລັດຖະມົນຕີກະຊວງກະສິກຳ-ປ່າໄມ້, ທ່ານ ຫງວຽນບາຮຸ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ. ຫວຽດນາມ ປະຈໍາລາວ, ພ້ອມດ້ວຍມວນຊົນເຂົ້າຮ່ວມເປັນຈໍານວນຫລາຍ.

ສະມາຄົມມິດຕະພາບຫວຽດນາມ-ລາວຈັດງານສົ່ງທ້າຍປີເກົ່າຕ້ອນຮັບປີໃໝ່ - lattana 1 - ສະມາຄົມມິດຕະພາບຫວຽດນາມ-ລາວຈັດງານສົ່ງທ້າຍປີເກົ່າຕ້ອນຮັບປີໃໝ່

ທ່ານ ວິໄຊ ນະວຽງຈັນ ປະທານສະມາຄົມມິດຕະພາບຫວຽດນາມ-ລາວຂອງສະມາຄົມຫວຽດນາມຕ່າງດ້າວຢູ່ລາວ ໄດ້ມີຄຳເຫັນວ່າ: ໃນຜ່ານມາ, ສະມາຄົມມິດຕະພາບພວກເຮົາໄດ້ມີການເຄື່ອນໄຫວວຽກງານຕ່າງໆ ເພື່ອປະກອບສ່ວນເຂົ້າໃນການສ້າງສາ ແລະ ພັດທະນາເສດຖະກິດ-ສັງຄົມຂອງຊາດ, ກໍຄືການຊຸກຍູ້ສົ່ງເສີມ ແລະ ຜັນຂະຫຍາຍມູນເຊື້ອວັດທະນະທຳອັນດີງາມຂອງສອງຊາດລາວ-ຫວຽດນາມ, ຫວຽດນາມ-ລາວໃຫ້ຄົງຢູ່ຕະຫລອດກາລະນານ, ມີຄວາມຮັກແພງສາມັກຄີ, ຊ່ວຍເຫລືອຊຶ່ງກັນ ແລະ ກັນ, ພິເສດແມ່ນໄດ້ສຳເລັດການສະເຫລີມສະຫລອງປີສາມັກຄີມິດຕະພາບຂອງສອງປະເທດ, ພ້ອມທັງໄດ້ຊ່ວຍເຫລືອຜູ້ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ ແລະ ວຽກງານອື່ນໆ.

ໃນໂອກາດນີ້, ທ່ານ ວິໄລວົງ ບຸດດາຄຳ ປະທານສະມາຄົມມິດຕະພາບລາວ-ຫວຽດນາມ ໄດ້ມີຄໍາເຫັນວ່າ: ລາວ-ຫວຽດນາມ ເຄີຍມີມູນເຊື້ອອັນດີງາມແຫ່ງຄວາມສາມັກຄີພິເສດມາແຕ່ຍາວນານ, ມີແມ່ນ້ຳລຳເຊຕິດຈອດກັນແຕ່ເໜືອຕະຫລອດໃຕ້, ອັນໄດ້ປະກອບສ່ວນສໍາຄັນຍິ່ງເຂົ້າໃນການປົດປ່ອຍປະເທດຊາດໃນເມື່ອກ່ອນ, ກໍຄືການປະຕິບັດສອງໜ້າທີ່ຍຸດທະສາດປົກປັກຮັກ ແລະ ສ້າງສາປະເທດຊາດໃນປັດຈຸບັນ, ສະນັ້ນຂໍໃຫ້ພວກເຮົາຈົ່ງສືບຕໍ່ສົ່ງເສີມຊຸກຍູ້ຄວາມສາມັກຄີຮັກແພງແບບພິເສດ, ມູນເຊື້ອການຊ່ວຍເຫລືອເຊິ່ງກັນ ແລະ ກັນຂອງສອງຊາດລາວ-ຫວຽດນາມ ໃຫ້ເຊັ່ນລູກເຊັ່ນຫລານໄດ້ສືບທອດຕະຫລອດໄປ, ພ້ອມທັງຂໍໃຫ້ການນຳພັກ-ລັດ ແລະ ປະຊາຊົນລາວ, ພີ່ນ້ອງຊາວຫວຽດນາມ ທີ່ດຳລົງຊີວິດຢູ່ໃນດິນແດນປະເທດລາວ ຈົ່ງມີຄວາມຜາສຸກໂຊກດີ ແລະ ປະສົບຜົນສຳເລັດໃນໜ້າທີ່ການງານຂອງຕົນເປັນຢ່າງດີ.