ບໍລິສັດ ETL ກຽມພັດທະນາເຄືອຂ່າຍໃຫ້ໄດ້ມາດຕະຖານສາກົນ

ບໍລິສັດ etl ກຽມພັດທະນາເຄືອຂ່າຍໃຫ້ໄດ້ມາດຕະຖານສາກົນ - advert banner 728 90 728x90 - ບໍລິສັດ ETL ກຽມພັດທະນາເຄືອຂ່າຍໃຫ້ໄດ້ມາດຕະຖານສາກົນ

ພິທີເຊັນສັນຍາຈັດຊື້ ແລະ ພັດທະນາລະບົບເຄືອຂ່າຍ FTTH, ໂທລະສັບມືຖື 2G ແລະ 4G ຂອງບໍລິສັດ ອີທີແອລ (ETL) ຈໍາກັດ ຫລື(Engineering, Procurement, Construction) ລະຫວ່າງທ່ານ ວູ ຈ້ຽງເຊີງ (Wu Jiang Cheng), ຜູ້ອໍານວຍການໃຫຍ່ບໍລິສັດ ອີທີແອລ ຈໍາກັດ ແລະ ທ່ານ ຈ່າງ ເຍ້ຈຸ່ນ (Zhang Yuejun) ຜູ້ອໍານວຍການບໍລິສັດ ຄອມບາ ເທເລຄອມ ຊິສເຕັມ (ປະເທດຈີນ) ຈໍາກັດ ​ໄດ້ມີຂຶ້ນໃນວັນ​ທີ 29 ມັງກອນນີ້, ຢູ່ສໍານັກງານໃຫຍ່ບໍລິສັດ ອີທີແອລ ທີ່​ນະຄອນຫລວງ​ວຽງຈັນ, ໂດຍການ​ເຂົ້າ​ຮ່ວມ​ຂອງທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ພ້ອມ​ບັນດາປະທານສະພາບໍລິຫານ ບໍລິສັດດັ່ງກ່າວ​ເຂົ້າ​ຮ່ວມ​ນຳ​ດ້ວຍ.
ຜູ້ອໍານວຍການໃຫຍ່ບໍລິສັດ ອີທີແອລ ຈໍາກັດ ກ່າວວ່າ: ໂຄງການພັດທະນາ ອອກແບບ, ຈັດຊື້ ແລະ ກໍ່ສ້າງຕິດຕັ້ງລະບົບໂທລະຄົມ ໃຫ້ໄດ້ມາດຕະຖານສາກົນ ໄດ້ເປັນຂີດໝາຍສໍາຄັນໃນການພັດທະນາລະບົບເຄືອຂ່າຍ ແລະ ການບໍລິການດ້ານໂທລະຄົມຂອງບໍລິສັດດັ່ງກ່າວມີມູນຄ່າທັງໝົດ 110 ລ້ານໂດລາສະຫະລັດ, ພາຍຫລັງໂຄງການນີ້ສໍາເລັດຈະເຮັດໃຫ້ລູກຄ້າກໍຄືສັງຄົມໄດ້ສໍາພັດກັບການບໍລິການໃໝ່ຄຸນນະພາບທີ່ດີຕາມມາດຕະຖານສາກົນ ລວມທັງລະບົບສຽງ, Data ແລະ ໂທລະສັບມືຖື 4G ຂອງບໍລິສັດ    ຜູ້ອໍານວຍການບໍລິສັດ ຄອມບາ ເທເລຄອມ ຊິສເຕັມ (ປະເທດຈີນ) ຈໍາກັດ ກ່າວວ່າ: ບໍລິສັດຄອມບາ ເປັນບໍລິສັດນຳໜ້າດ້ານອຸປະກອນ ແລະ ເຕັກນິກດ້ານໂທລະຄົມໃນ ສປຈີນ, ໂດຍຈະສົ່ງວິຊາການມາສົມທົບກັບວິຊາການບໍລິສັດ ETL ຈໍາກັດ ເພື່ອພັດທະນາບໍລິສັດ ETL ໃຫ້ເປັນບໍລິສັດທີ່ນຳໜ້າ ແລະ ທັນສະໄໝທີ່ສຸດໃນ ສປປ ລາວ.

ບໍລິສັດ etl ກຽມພັດທະນາເຄືອຂ່າຍໃຫ້ໄດ້ມາດຕະຖານສາກົນ - lattana 1 - ບໍລິສັດ ETL ກຽມພັດທະນາເຄືອຂ່າຍໃຫ້ໄດ້ມາດຕະຖານສາກົນ