ສະ​ຖາ​ບັນ​ສື່​ມວນ​ຊົນ​ວັດທະນະທຳ ​ແລະ ທ່ອງ​ທ່ຽວໄດ້​ຮັບ​ອຸປະກອນ​ຝຶກ​ອົບຮົມນຳ​ທ່ຽວ​ເຄື່ອນ​ທີ່ຈາກ​ສາກົນ

ສະ​ຖາ​ບັນ​ສື່​ມວນ​ຊົນ​ວັດທະນະທຳ ​ແລະ ທ່ອງ​ທ່ຽວໄດ້​ຮັບ​ອຸປະກອນ​ຝຶກ​ອົບຮົມນຳ​ທ່ຽວ​ເຄື່ອນ​ທີ່ຈາກ​ສາກົນ - advert banner 728 90 728x90 - ສະ​ຖາ​ບັນ​ສື່​ມວນ​ຊົນ​ວັດທະນະທຳ ​ແລະ ທ່ອງ​ທ່ຽວໄດ້​ຮັບ​ອຸປະກອນ​ຝຶກ​ອົບຮົມນຳ​ທ່ຽວ​ເຄື່ອນ​ທີ່ຈາກ​ສາກົນ

ພິທີມອບ-ຮັບພາຫະນະ ​ແລະ ອຸປະກອນ​ຝຶກ​ອົບຮົມ​ວຽກງານ​ທ່ອງ​ທ່ຽວມູນຄ່າກວ່າ 80 ພັນ​ໂດ​ລາສະຫະລັດ​ໃຫ້​ສະ​ຖາ​ບັນ​ສື່​ມວນ​ຊົນ, ວັດທະນະທຳ ​ແລະ ທ່ອງ​ທ່ຽວ ກະຊວງຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ໄດ້​ມີ​ຂຶ້ນ​ໃນ​ວັນ​ທີ 30 ມັງກອນນີ້ລະຫວ່າງ​ທ່ານ ສົມ​ລິດ ວິຣິວົງ ຮອງ​ຫົວໜ້າກົມ​ອາຊີວະ​ສຶກສາ ​ແລະ ທ່ານ ວິ​ໄລ​ທອງ ສີ​ຊາ​ນົນ ຫົວໜ້າສະ​ຖາ​ບັນ​ສື່​ມວນ​ຊົນ, ​​ໂດຍ​ການເຂົ້າ​ຮ່ວມ​ຂອງ​ທ່ານ ອຸ່ນ​ທວງ ຂາວ​ພັນ ຮອງ​ລັດຖະມົນຕີ​ກະຊວງດັ່ງກ່າວ, ທ່ານ​ນາງ ຄລອດ ​ເຈັນ​ເຈນ ອຸປະ​ທູດລຸກ​ຊຳ​ບວກປະຈຳ​ລາວ ​ແລະ ທ່ານ​ນາງ ບາ​ບາຣາ ຈາກ​ກີ ຮາດ​ເລີ ຮອງ​ຫົວໜ້າການ​ຮ່ວມ​ມື​ອົງການ​ສະ​ວິດ​ເຊີ​ແລນ​ເພື່ອ​ການ​ພັດທະນາ. ​

ສະ​ຖາ​ບັນ​ສື່​ມວນ​ຊົນ​ວັດທະນະທຳ ​ແລະ ທ່ອງ​ທ່ຽວໄດ້​ຮັບ​ອຸປະກອນ​ຝຶກ​ອົບຮົມນຳ​ທ່ຽວ​ເຄື່ອນ​ທີ່ຈາກ​ສາກົນ - lattana 1 - ສະ​ຖາ​ບັນ​ສື່​ມວນ​ຊົນ​ວັດທະນະທຳ ​ແລະ ທ່ອງ​ທ່ຽວໄດ້​ຮັບ​ອຸປະກອນ​ຝຶກ​ອົບຮົມນຳ​ທ່ຽວ​ເຄື່ອນ​ທີ່ຈາກ​ສາກົນ

ທ່ານຫົວໜ້າສະ​ຖາ​ບັນສື່​ມວນ​ຊົນ ​ໃຫ້​ຮູ້​ວ່າ: ອຸ​ປະກອນ​ຝຶກ​ອົບຮົມ​ດັ່ງກ່າວ​ປະກອບ​ມີ: ລົດ​ຝຶກ​ອົບຮົມ​ເຄື່ອນ​ທີ່, ຄອມ​ພິວ​ເຕີ ​ແລະ ອຸປະກອນ​ອື່ນໆ ​ເພື່ອ​ສະໜັບສະໜູນການ​ພັດທະນາ​ທັກ​ສະ​ດ້ານ​ການທ່ອງທ່ຽວ​ໃນ​ທົ່ວ​ປະ​ເທດ ​ແລະ ​ເພື່ອ​ເປັນ​ການ​ປະກອບສ່ວນ​ໂຄສະນາ​ປີ​ທ່ອງ​ທ່ຽວລາວ, ​ຊຶ່ງ​ໄດ້​ຮັບ​ການສະໜັບສະໜູນຈາກ​ອົງການສາກົນ​ປະ​ເທດລຸກ​ຊຳ​ບວກ ​ແລະ ສະ​ວິດ​ເຊີ​ແລນ​ເພື່ອ​ການ​ພັດທະນາ.

ທ່ານ​ນາງ ດາລາ​ນີ ຮອງ​ຫົວໜ້າສະ​ຖາ​ບັນ​ສື່​ມວນ​ຊົນ ​ໃຫ້​ຮູ້​ວ່າ: ອຸປະກອນ​ດັ່ງກ່າວ​ນີ້ມັນ​ມີ​ຄວາມ​ສຳຄັນ​ຫລາຍ​ຕໍ່ວຽກງານ​ຝຶກອົບຮົມ​ພັດທະນາ​ການທ່ອງທ່ຽວ, ພ້ອມ​ຊ່ວຍ​ເຫລືອ​ຜູ້​ດ້ອຍ​ໂອກາດ​ໃຫ້​ໄດ້​ຮັບ​ການ​ພັດທະນາ​ທັກ​ສະ​ທີ່​ຈຳ​ເປັນ​ສຳລັບ​ວຽກງານ​ໂຮງ​ແຮມ, ຮ້ານ​ອາຫານ ​ແລະ ທຸລະ​ກິດ​ທ່ອງ​ທ່ຽວຜ່ານ​ການ​ຝຶກ​ອົບຮົມ​ພາກ​ປະຕິບັດ​ຕົວ​ຈິງ.

ທ່ານ​ຮອງ​ຫົວໜ້າສະ​ຖາ​ບັນ​ສື່​ມວນ​ຊົນ ​ໃຫ້​ຮູ້​ວ່າ: ຜ່ານ​ມາ​ການ​ສ້າງ​ບຸກຄະລາ​ກອນ​ນຳ​ທ່ຽວ ​ແລະ ພະນັກງານ​ບໍລິການ​ຕ່າງໆ ​ເຫັນ​ວ່າ​ຍັງທັນ​ບໍ່ຕອບ​ສະໜອງ​ໄດ້​ກັບ​ຄວາມ​ຮຽກຮ້ອງ​ຕ້ອງການຂອງ​ວຽກງານ, ​ສະ​ນັ້ນສະ​ຖາ​ບັນ​ສື່​ມວນ​ຊົນ ຈຶ່ງ​ໄດ້​ເລັ່ງສ້າງ​ຫລັກສູດ​ຜູ້ນຳ​ທ່ຽວ ​ແລະ ການ​ບໍລິການ​ທ່ອງ​ທ່ຽວລະດັບ​ຊາດ ໃຫ້​ໄດ້​ມາດຖານ ​ແລະ ມີຄຸນ​ນະພາ​ບ, ຊຶ່ງໃນ​ໂອກາດ​ປີ​ທ່ອງ​ທ່ຽວລາວ 2018 ນີ້, ສະ​ຖາ​ບັນ​ສື່​ມວນ​ຊົນຈະ​ເລັ່ງຝຶກ​ອົບຮົມ​ພະນັກງານນຳ​ທ່ຽວແຂວງ​ຕ່າງໆ​ໃຫ້​ມີ​ຄຸນ​ນະພາ​ບດີ​ຂຶ້ນ.