ຍີ່ປຸ່ນສືບຕໍ່ໃຫ້ທຶນສະໜັບສະໜູນໂຄງການເບິ່ງແຍງດູແລສຸຂະພາບເດັນນ້ອຍ ທີ່ແຂວງຫົວພັນ

ຍີ່ປຸ່ນສືບຕໍ່ໃຫ້ທຶນສະໜັບສະໜູນໂຄງການເບິ່ງແຍງດູແລສຸຂະພາບເດັນນ້ອຍ ທີ່ແຂວງຫົວພັນ - advert banner 728 90 728x90 - ຍີ່ປຸ່ນສືບຕໍ່ໃຫ້ທຶນສະໜັບສະໜູນໂຄງການເບິ່ງແຍງດູແລສຸຂະພາບເດັນນ້ອຍ ທີ່ແຂວງຫົວພັນ

ໃນວັນທີ 30 ມັງກອນນີ້, ຢູ່ສະຖານທູດຍີ່ປຸ່ນ ປະຈໍາລາວ, ໄດ້ຈັດພິທີລົງນາມການຊ່ວຍເຫຼືອລ້າ ໃນໂຄງການເບິ່ງແຍງດູແລສຸຂະພາບເດັນນ້ອຍ ທີ່ແຂວງຫົວພັນ ລວມມູນຄ່າ 265.971 ໂດລາສະຫະລັດ. ລະຫວ່າງທ່ານ ຄູໂນະ ຄາຊູຮິໂລະ ອຸປະທູດຍີ່ປຸ່ນ ປະຈໍາລາວ ແລະ ທ່ານ ໂຄອິຈິ ທາມາເຕະ ຜູ້ດໍາເນີນໂຄງການອາວຸໂລຂອງອົງການແພດໂລກຍີ່ປຸ່ນ (MdMJ), ໂດຍມີຮອງເຈົ້າແຂວງ ແຂວງຫົວພັນ ແລະ ພາກສ່ວນກ່ຽວຂ້ອງເຂົ້າຮ່ວມ.

ຍີ່ປຸ່ນສືບຕໍ່ໃຫ້ທຶນສະໜັບສະໜູນໂຄງການເບິ່ງແຍງດູແລສຸຂະພາບເດັນນ້ອຍ ທີ່ແຂວງຫົວພັນ - lattana 1 - ຍີ່ປຸ່ນສືບຕໍ່ໃຫ້ທຶນສະໜັບສະໜູນໂຄງການເບິ່ງແຍງດູແລສຸຂະພາບເດັນນ້ອຍ ທີ່ແຂວງຫົວພັນ

ໂຄງການ “ສົ່ງເສີມຄວາມເຂັ້ມແຂງໃຫ້ລະບົບການຮັກສາສຸຂະພາບເດັກນ້ອຍ ຢູ່ແຂວງຫົວພັນ ໂດຍຜ່ານການສ້າງຄວາມສາມາດໃຫ້ພະນັກງານຢູ່ໂຮງໝໍ, ສຸກສາລາ ແລະ ຄະນະກໍາມະການຮັກສາສຸຂະພາບຂັ້ນບ້ານ” ນີ້ແມ່ນໄລຍະທີ 2 ຂອງໂຄງການ ແລະ ມີເປົ້າໝາຍທີ່ຈະຫຼຸດຜ່ອນອັດຕາການເສຍຊີວິດຂອງເດັກນ້ອຍທີ່ມີອາຍຸຕໍ່າກວ່າ 5 ປີ ທີ່ເມືອງ ຊ່ອນ ແລະ ເມືອງ ຫົວເມືອງ ໂດຍການພັດທະນາລະບົບການບໍລິການຮັກສາສຸຂະພາບເດັກນ້ອຍທີ່ສຸກສາລາ ແລະ ໂດຍການເສີມຂະຫຍາຍຄວາມເຂົ້າໃຈກ່ຽວກັບສຸຂະພາບຂອງເດັກນ້ອຍໃຫ້ປະຊາຊົນໃນບ້ານ ຕ່າງໆໂດຍຜ່ານກິດຈະກໍາສົ່ງເສີມການຮັກສາສຸຂພະພາບທີ່ຈັດຂຶ້ນໂດຍຄະນະກໍາມາທິການຮັກສາສຸຂະພາບຂັ້ນບ້ານ.

ອົງການແພດໂລກແມ່ນເຄື່ອຄ່າຍການແພດລະດັບໂລກ ທີ່ໄດ້ຮ່ວມເຮັດວຽກກັບບັນດາແພດຊ່ຽວຊານ ເພື່ອຈະໃຫ້ປະຊາຊົນເຂົ້າເຖິງການບໍລິການທາງແພດ ຊຶ່ງໄດ້ຮັບຜົນກະທົບຈາກປັດໄຈຫຼາຍຢ່າງ ບໍ່ວ່າຈະເປັນໄພທໍາມະຊາດ, ບັນຫາຂັດແຍ່ງ ຫຼືຄວາມທຸກ. ນັບຕັ້ງແຕ່ປີ 2012-2015 ອົງການແພດໂລກຍີ່ປຸ່ນໄດ້ຮ່ວມມືກັບ ອົງການແພດໂລກຝຣັ່ງ ດໍາເນີນໂຄງການສຸຂະພາບແມ່ ແລະ ເດັກ ຢູ່ແຂວງ ຈໍາປາສັກ ຊຶ່ງເປັນຄັ້ງທໍາອິດທີ່ໄດ້ມີການບໍລິການທາງແພດ ໂດຍບໍ່ໄດ້ເສຍຄ່າໃຊ້ຈ່າຍໃຫ້ແມ່ ແລະ ເດັກນ້ອຍທີ່ມີອາຍຸຕໍ່ກວ່າ 5 ປີ.