ຮູ້ຄາດ​ຕະກອນຂ້າຍິງ​ສາວໃນເຮືອນພັກຢູ່ບ້ານຊຽງຍືນ

ຮູ້ຄາດ​ຕະກອນຂ້າຍິງ​ສາວໃນເຮືອນພັກຢູ່ບ້ານຊຽງຍືນ - advert banner 728 90 728x90 - ຮູ້ຄາດ​ຕະກອນຂ້າຍິງ​ສາວໃນເຮືອນພັກຢູ່ບ້ານຊຽງຍືນ

​ເຈົ້າໜ້າ​ທີ່ ປກສ ນະຄອນຫລວງ​ວຽງ​ຈັນ ໃຫ້ຮູ້ວ່າ: ປັດຈຸບັນ, ພວມຈັດກໍາລັງຕິດຕາມຄົນຮ້າຍທີ່ກໍ່ເຫດຄາດຕະກໍາຍິງສາວໃນເຮືອນພັກແຫ່ງໜຶ່ງຢູ່ບ້ານຊຽງຍືນເມືອງຈັນທະບູລີນະຄອນຫລວງວຽງຈັນ ແລະ ຄາດວ່າຈະສາມາດຈັບຕົວມາດໍາເນີນຄະດີຕາມລະບຽບກົດໝາຍໄດ້ໃນໄວໆນີ້.

ຮູ້ຄາດ​ຕະກອນຂ້າຍິງ​ສາວໃນເຮືອນພັກຢູ່ບ້ານຊຽງຍືນ - lattana 1 - ຮູ້ຄາດ​ຕະກອນຂ້າຍິງ​ສາວໃນເຮືອນພັກຢູ່ບ້ານຊຽງຍືນ

ເຈົ້າໜ້າທີ່ ໃຫ້ຮູ້ວ່າ: ເຫດການດັ່ງກ່າວເກີດຂຶ້ນເມື່ອ​ເວລາ​ປະມານ 22:00 ​ໂມງຂອງ​ວັນ​ທີ 27 ມັງກອນນີ້, ຜູ້ເສຍຊີວິດຊື້ນາງສັນຕິ​ສຸກ ອາຍຸ 32 ປີພັກ ເຊົາຢູ່ບ້ານ​ໂພນ​ສະຫວັນ​ເມືອງ​ສີ​ສັດຕະ​ນາກນະຄອນຫລວງ​ວຽງ​ຈັນ, ສົບຢູ່ໃນ​ສະພາບ​ເປືອຍ​ກາຍ, ມີ​ຮ່ອງຮອຍ​ຊ້ຳຫລາຍ​ຈຸດຕາມຮ່າງກາຍ ​ແລະ ມີຮອຍ​ບາດ​ແຜຖືກແທງດ້ວຍຂອງແຂງ​ບໍລິ​ເວນ​ຄໍ​ເບື້ອງຊ້າຍ​ເຮັດ​ໃຫ້ຫລອດລົມຂາດ ແລະ ເສຍຊີວິດ. ຜ່ານການສືບສວນຂອງເຈົ້າໜ້າທີ່ພົບວ່າຜູ້​ເສຍ​ຊີວິດແມ່ນມີປະຫວັດ​ເຄີຍພົວພັນ​ຢາ​ເສບ​ຕິດ ​ແລະ ເຄີຍ​ໄປ​ບຳບັດ​ຢູ່​ສູນບໍາບັດຜູ້ຕິດ​ຢາເສບຕິດສົມ​ສະຫງ່າມາແລ້ວ ແລະ ຈາກການເກັບກໍາຂໍ້ມູນຫລັກຖານຈໍານວນໜຶ່ງໃນຈຸດເກີດເຫດ, ຈາກກ້ອງວົງຈອນປິດ ແລະ ຜູ້ເຫັນເຫດການອື່ນໆ, ເຈົ້າໜ້າທີ່ສາມາດກໍານົດເປົ້າໝາຍຄົນຮ້າຍໄດ້ແລ້ວ ແລະ ຄາດວ່າຈະສາມາດຈັບຕົວມາດໍາເນີນຄະດີຕາມລະບຽບກົດໝາຍໃນໄວໆນີ້.