10 ພຶດຕິກຳຄວນລະວັງຫາກບໍ່ຢາກໝົດສະເໜ່ຕໍ່ຄົນອ້ອມຂ້າງ

10 ພຶດຕິກຳຄວນລະວັງຫາກບໍ່ຢາກໝົດສະເໜ່ຕໍ່ຄົນອ້ອມຂ້າງ - advert banner 728 90 728x90 - 10 ພຶດຕິກຳຄວນລະວັງຫາກບໍ່ຢາກໝົດສະເໜ່ຕໍ່ຄົນອ້ອມຂ້າງ
  1. ອາການຫລົງໂຕເອງ : ຄົນສ່ວນຫລາຍມັກຈະມີນິໄສແບບນີ້ໂດຍບໍ່ຮູ້ໂຕ, ທ່ານຈະສົນໃຈແຕ່ໂຕເອງ, ເວົ້າເຖິງແຕ່ເລື່ອງຂອງໂຕເອງ ແລະ ບໍ່ສົນໃຈຜູ້ຄົນທີ່ຢູ່ອ້ອມຂ້າງ, ທ່ານມັກຈະຄິດວ່າໂຕເອງສຳຄັນຢູ່ຝ່າຍດຽວ ຂໍບອກໄວ້ເລີຍວ່າບໍ່ມີໃຜຢາກຈະເປັນໝູ່ກັບຄົນທີ່ຫ່ວງແຕ່ເລື່ອງຂອງໂຕເອງ.
  2. ສົນໃຈແຕ່ເປືອກນອກ : ຄວາມງາມທີ່ແທ້ຈິງຈະມາຈາກພາຍໃນຫົວໃຈ, ຮ່າງກາຍ ແລະ ຈິດໃຈຂອງທ່ານ ຈື່ໄວ້ວ່າຮູບຮ່າງພາຍນອກບໍ່ແມ່ນສິ່ງສຳຄັນທີ່ສຸດ, ແຕ່ຄົນທີ່ມີພຶດຕິກຳບໍ່ມີສະເໜ່ຈະຄິດວ່າຄວາມງາມພາຍນອກແມ່ນສິ່ງທີ່ສຳຄັນທີ່ສຸດ. ທ່ານຄວນແຍງແວ່ນ ແລະ ເບິ່ງເລິກເຂົ້າໄປ ທ່ານອາດຈະເຫັນສິ່ງທີ່ເຊື່ອງຢູ່ ແລ້ວລອງປ່ຽນວິທີຄິດໃໝ່.
  3. ມັກແຂ່ງຂັນຢູ່ສະເໝີ : ຄົນເປັນຄົນທີ່ຕ້ອງດີກ່ວາຄົນອື່ນຫລືບໍ່ ເຊັ່ນ : ຕ້ອງດີກ່ວາ, ມີຫລາຍກ່ວາ ຫລື ເຫັນຫລາຍກ່ວາ ຫາກເປັນແບບນັ້ນກໍສະແດງວ່າທ່ານເປັນຄົນບໍ່ມີສະເໜ່ແນ່ນອນ ສະນັ້ນ ຈົ່ງຫັນມາຊື່ນຊົມຍິນດີກັບຄວາມສຳເລັດເລັກໆນ້ອຍໆຂອງຄົນອື່ນແດ່.
  4. ເບິ່ງໝູ່ເປັນສັດຕູ : ຄົນທີ່ມີນິໄສປາສະຈາກສະເໜ່ມັກຈະມີບັນຫາຂັດແຍ່ງກັບໝູ່ ແທນທີ່ຈະຫ່ວງໄຍກັນຢ່າງຈິງໃຈ ທ່ານຊຳ້ພັດມັກແທງຂ້າງຫລັງພວກເຂົາ ຢ່າລືມວ່າໝູ່ບໍ່ແມ່ນສັດຕູ.
  5. ຖາມຫາຄວາມສຳເລັດຂອງໂຕເອງກັບຄົນອື່ນ : ທ່ານເປັນຄົນທີ່ບໍ່ມີສະເໜ່ແນ່ນອນຫາກມີຄຳຖາມວ່າເປັນຫຍັງຄົນອື່ນຈຶ່ງ ບໍ່ເຫັນຄວາມສຳຄັນຂອງທ່ານ ໂຕຢ່າງເຊັ່ນ : ໝູ່ຂອງທ່ານສອງຄົນໄປທ່ຽວບ່ອນໃດໜຶ່ງໂດຍບໍ່ມີທ່ານ ພວກເຂົາບໍ່ໄດ້ຄິດຫຍັງ ແຕ່ທ່ານຄິດ, ພວກເຂົາຍັງເປັນໝູ່ຂອງທ່ານ ແຕ່ຊີວິດຂອງພວກເຂົາກໍຍັງຕ້ອງດຳເນີນຕໍ່ໄປໂດຍບໍ່ມີທ່ານກໍຕາມ.
  6. ບ້າອຳນາດ : ໃນກຸ່ມໝູ່ທຸກຄົນຄວນມີຄວາມສຳຄັນເທົ່າກັນໝົດ ຫາກທ່ານເປັນຄົນທີ່ຄອຍຕັດສິນໃຈ ຫລື ພະຍາຍາມບົງການຄົນອື່ນ ນີ້ແມ່ນທ່ານກຳລັງເຮັດໂຕໃຫ້ບໍ່ມີສະເໜ່.
  7. ຂາດຄວາມຊື່ສັດ : ຄົນສ່ວນຫລາຍທີ່ມີນິໄສໜ້າລັງກຽດມັກຈະມີພຶດຕິກຳບໍ່ຊື່ສັດ, ຕົວະທຸກເລື່ອງ, ຢາກຮູ້ຢາກເຫັນໄປໝົດ ທຸກຢ່າງ. ດັ່ງນັ້ນ ຄວາມຊື່ສັດແມ່ນຄຸນສົມບັດທີ່ດີສຸດຂອງການເປັນມະນຸດເລີຍກໍເວົ້າໄດ້.
  8. ຫຍາບຄາຍ : ຫາກທ່ານມັກຈະເຮັດໂຕຫຍາບຄາຍ, ແຂງກະດ້າງ ຫລື ເຮັດໃຫ້ໝູ່ອັບອາຍຈາກຄຳເວົ້າທີ່ໜ້າລັງກຽດຂອງ ທ່ານໃນສະຖານທີ່ສາທາລະນະ ຈົ່ງຢຸດເຮັດໂຕແບບນີ້ໂດຍໄວ ບໍ່ດັ່ງນັ້ນຈະບໍ່ມີໃຜຢາກຄົບຫາກັບທ່ານ.
  9. ເປັນທີ່ເພິ່ງພາບໍ່ໄດ້ ທັງມີແຕ່ເພິ່ງພາຄົນອື່ນໄປເລື້ອຍໆ : ເມື່ອໝູ່ຮ້ອງຂໍຄວາມຊ່ວຍເຫລືອ ທ່ານຢູ່ບ່ອນນັ້ນຫລືບໍ່ ? ຫລື ທ່ານມັກຈະເຮັດໂຕຫຍຸ້ງຢູ່ຕະຫລອດເວລາທີ່ໝູ່ຕ້ອງການທ່ານ ? ຫາກທ່ານເປັນແນວນັ້ນຮັບຮອງວ່າຕໍ່ໄປຄົງບໍ່ມີໃຜຢາກເພິ່ງພາທ່ານແນ່ນອນ ເພາະມັນແມ່ນພຶດຕິກຳທີ່ບໍ່ດີຫລາຍໆ.

10. ມັກເບິ່ງໂລກໃນແງ່ຮ້າຍ: ການເບິ່ງໂລກໃນແງ່ຮ້າຍເປັນພຶດຕິກຳທີ່ບໍ່ມີສະເໜ່ຫລາຍ ຫາກທ່ານເປັນພວກທີ່ມັກຄິດລົບຢູ່ຕະຫລອດເວລາກໍຄວນປ່ຽນວິທີຄິດຂອງໂຕເອງໄດ້ແລ້ວ ເພາະບໍ່ມີໃຜຢາກເປັນໝູ່ກັບຄົນທີ່ມັກເບິ່ງໂລກໃນແງ່ຮ້າຍດອກ.

10 ພຶດຕິກຳຄວນລະວັງຫາກບໍ່ຢາກໝົດສະເໜ່ຕໍ່ຄົນອ້ອມຂ້າງ - lattana 1 - 10 ພຶດຕິກຳຄວນລະວັງຫາກບໍ່ຢາກໝົດສະເໜ່ຕໍ່ຄົນອ້ອມຂ້າງ