ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ

ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ - advert banner 728 90 728x90 - ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ

ໂດຍ: ທ່ຽງທຳ

ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ - lattana 1 - ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ

ສະບາຍດີ, ເພື່ອນຜູ້ອ່ານທີ່ ຮັກແພງ, ເອົາລະເຖິງວ່າຊ້າກໍຍັງ ດີກວ່າບໍ່ເຮັດ, ຖ້າເວົ້າໃນເລື່ອງ ການຫ້າມລ່າສັດ, ຊື້ຂາຍສັດນ້ຳ, ສັດປ່າ ແລະ ພືດຫວງຫ້າມທີ່ໃກ້ ຈະສູນພັນແລ້ວນັ້ນແມ່ນປະເທດ ເຮົາກໍມີມາແຕ່ດົນແລ້ວ, ແຕ່ໜ້າ ເສຍດາຍການຈັດຕັ້ງລະບຽບ ການດັ່ງກ່າວມັນບໍ່ທັນເຂັ້ມງວດ ເທົ່າທີ່ຄວນ, ເຊິ່ງມາຈາກຫລາຍ ປັດໄຈ, ຍ້ອນວ່າ ປະຊາຊົນລາວ ເຮົາສ່ວນຫລາຍທີ່ດຳລົງຊີວິດຢູ່ ເຂດພູດອຍບ່ອນຫ່າງໄກສອກ ຫລີກ, ການດຳລົງຊີວິດຂອງເຂົາ ເຈົ້າແມ່ນຍັງຕິດພັນກັບທຳມະ ຊາດ, ການຊອກຢູ່ຫາກິນກໍຍັງໄດ້ ເພິ່ງພາທຳມະຊາດ, ໂດຍສະ ເພາະການຫາປາ-ລ່າສັດກໍຍັງບໍ່ ສາມາດຄວບຄຸມໄດ້ ແລະ ສ່ວນ ໜຶ່ງກໍແມ່ນຄວາມຕ້ອງການຂອງ ສັງຄົມບ້ານເຮົາເມືອງເຮົາ, ຖ້າ ເວົ້າຮອດການບໍລິໂພກຊີ້ນສັດປ່າ ດັ່ງເສືອສິງ, ກວາງຟານ ຫລື ນົກ ໜູປູປີກຕ່າງໆ ແມ່ນໃຜກໍອົດບໍ່ ໄດ້, ຊີ້ນໂຕນັ້ນ, ປາໂຕນີ້ລຸງກໍມັກ ແລະ ສິ່ງນີ້ໄດ້ກາຍເປັນການຄ້າ ເມື່ອນຳມາລໍ່ລ້ຽງຊີວິດການເປັນ ຢູ່ຂອງປະຊາຊົນໃນເຂດຊົນນະ ບົດຫາງໃກສອກຫລີກດັ່ງກ່າວ, ໄປທາງໃດ, ທ້ອງຖິ່ນໃດກໍຍັງມີ ຮ້ານອາຫານ ແລະ ຕະຫລາດຊື້ ຂາຍສັດປ່າຢູ່ຢ່າງຫລວງຫລາຍ. ດັ່ງນັ້ນຈິ່ງເປັນຕົ້ນເຫດເຮັດໃຫ້ ສັດປ່າ-ສັດນ້ຳປະເພດຫາຍາກ ຢູ່ ປະເທດເຮົາກໍນັບມື້ຈະສູນພັນ ໄປແລ້ວ

.
ດັ່ງນັ້ນເມື່ອໄດ້ຍິນຂ່າວວ່າ ລັດຖະບານຈະເພີ່ມມາດຕະການ ເຂັ້ມງວດຕໍ່ການອານຸລັກ, ປົກ ປັກຮັກສາສັດນ້ຳ-ສັດປ່າດັ່ງ ກ່າວ, ໂດຍນາຍົກລັດຖະມົນຕີ ຈະອອກເປັນຄຳສັ່ງຖ້າໃຜລະ ເມີດກໍຈະຖືກດຳເນີນຄະດີຕາມ ລະບຽບກົດໝາຍຢ່າງແທ້ຈິງ ແລະ ກໍຫວັງ ແລະ ປາຖະໜາ ໃຫ້ ການຈັດຕັ້ງປະຕິບັດຄຳສັ່ງດັ່ງ ກ່າວປະກົດຜົນເປັນຈິງ, ເພື່ອ ຄວາມອຸດົມສົມບູນຂອງຊີວະ ນາໆ ພັນປະເທດເຮົານັບມື້ອຸດົມ ສົມບູນຢູ່ຄຽງຄູ່ຊາດລາວ, ປະຊາ ຊົນລາວເຮົາຕະຫລອດໄປ.

 

+ ຫລາຍທ້ອງຖິ່ນຈັດພິທີປ່ອຍປາລົງສູ່ແຫລ່ງນ້ຳທຳມະຊາດ ໃນໂອກາດວັນອານຸລັກສັດນ້ຳ-ສັດປ່າແຫ່ງຊາດ

+ ລາວຈະປ່ອຍປາ 40 ລ້ານໂຕເນື່ອງໃນວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດ

ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ - 65411 - ດີໃຈທີ່ລັດຖະບານຈະເພີ່ມທະວີຄຸ້ມຄອງສັດນ້ຳ, ສັດປ່າ ແລະ ພືດຫາຍາກ
(ພາບປະກອບ)