ລາວໂຕໂຢຕາ ກຽມຄວາມພ້ອມພົບກັບ ບຶງເກດ ຄັ້ງທີ 2 ຫວັງຜ່ານເຂົ້າຮອບຕໍ່ໄປ

ລາວໂຕໂຢຕາ ກຽມຄວາມພ້ອມພົບກັບ ບຶງເກດ ຄັ້ງທີ 2 ຫວັງຜ່ານເຂົ້າຮອບຕໍ່ໄປ - advert banner 728 90 728x90 - ລາວໂຕໂຢຕາ ກຽມຄວາມພ້ອມພົບກັບ ບຶງເກດ ຄັ້ງທີ 2 ຫວັງຜ່ານເຂົ້າຮອບຕໍ່ໄປ

ສະໂມສອນລາວໂຕໂຢຕາ ເອັຟຊີ ກຽມຄວາມພ້ອມທີ່ຈະພົບກັບສະໂມສອນ ບຶງເກດ ເອັຟຊີ ຕົວແທນຈາກປະເທດກໍາປູເຈຍຄັ້ງທີ 2 ໃນວັນທີ 2 ກຸມພາ 2018 ນີ້ ທີ່ສະໜາມກິລາແຫ່ງຊາດລາວຫລັກ 16 ລາຍການແຂ່ງຂັນເຕະບານເອເອັຟຊີ ຄັບ 2018 ຮອບຄັດເລືອກ ຂະນະທີ່ຜູ້ຈັດການທີມຕັ້ງຄວາມຫວັງໄວ້ສູງໃນການແຂ່ງຂັນຄັ້ງນີ້ ເພື່ອເຂົ້າຮອບຕໍ່ໄປ.

ລາວໂຕໂຢຕາ ກຽມຄວາມພ້ອມພົບກັບ ບຶງເກດ ຄັ້ງທີ 2 ຫວັງຜ່ານເຂົ້າຮອບຕໍ່ໄປ - lattana 1 - ລາວໂຕໂຢຕາ ກຽມຄວາມພ້ອມພົບກັບ ບຶງເກດ ຄັ້ງທີ 2 ຫວັງຜ່ານເຂົ້າຮອບຕໍ່ໄປ

ທ່ານ ໂພແກ້ວ ພິລະພັນເດສ ຜູ້ຈັດທີມສະໂມສອນລາວໂຕໂຢຕາ ເອັຟຊີ ໃຫ້ສໍາພາດວ່າ: ພາຍຫລັງທີ່ເກັບຄວາມໄດ້ປຽບຢູ່ ຫລັງຈາກທີ່ບຸກໄປສະເໝີ ບຶງເກດ ອັງກໍ ທີມຈາກກໍາປູເຈຍ 3-3 ປະຕູໃນການແຂ່ງຂັນບານເຕະ ເອເອັຟຊີ ຄັບ 2018 ຮອບຄັດເລືອກ ຄັ້ງທໍາອິດ ໃນວັນທີ 29 ມັງກອນຜ່ານມາ ທີ່ສະໜາມກິລາແຫ່ງຊາດກໍາປູເຈຍ, ທາງຄະນະບໍລິຫານທີມຂອງພວກເຮົາກໍໄດ້ຂຸ້ນຂ້ຽວຝຶກຊ້ອມນັກກິລາໃຫ້ມີທ່າກຽມພ້ອມສະເໝີມາ ເພື່ອໃຫ້ຜ່ານເຂົ້າຮອບໃຫ້ໄດ້. ສໍາລັບນັກກິລາຂອງພວກເຮົາສ່ວນຫລາຍແມ່ນເນັ້ນນັກກິລາທີ່ມີປະສົບການຫລາຍເຂົ້າຮ່ວມໃນຄັ້ງນີ້. ນອກຈາກນັ້ນ, ທາງສະໂມສອນຂອງພວກເຮົາຍັງໄດ້ເຊັນສັນຍາກັບຄູຝຶກປະເທດຢີ່ປຸ່ນເຂົ້າມາຄຸມທີມຂອງການແຂ່ງຂັນຄັ້ງນີ້ ເຊິ່ງການແຂ່ງຂັນຄັ້ງນີ້ສະໂມສອນໄດ້ຕັ້ງເປົ້າໄວ້ສູງພໍສົມຄວນ ພ້ອມທັງຫວັງເກັບໄຊຊະນະຜ່ານເຂົ້າຮອບຕໍ່ໄປ.

ສໍາລັບການແຂ່ງຂັນບານເຕະ ເອເອັຟຊີ ຄັບ 2018 ຮອບຄັດເລືອກ ຄັ້ງທີ 1 ຈັດຂຶ້ນເມື່ອວັນທີ 29 ມັງກອນຜ່ານມາ ປາກົດວ່າຈົບເກມສະເໝີກັນ 3-3 ໂດຍ ລາວໂຕໂຢຕາ ໄດ້ປະຕູຈາກ ກາຊູ ໂຮມມະ 2 ປະຕູນາທີ 30 ກັບ 87 ແລະ Frederic Pooda ນາທີ 79, ສ່ວນເຈົ້າຖິ່ນໄດ້ປະຕູຈາກ Maycon 2 ປະຕູນາທີ 6 ກັບ 53 ແລະ Khoun Laboravy ນາທີ 60.