ທ່ຽວບຸນວັດພູມໍລະດົກໂລກທີ່ແຂວງຈຳປາສັກ

ທ່ຽວບຸນວັດພູມໍລະດົກໂລກທີ່ແຂວງຈຳປາສັກ - advert banner 728 90 728x90 - ທ່ຽວບຸນວັດພູມໍລະດົກໂລກທີ່ແຂວງຈຳປາສັກ

ໂດຍ: ກ້ອງສ່ອງ ອິດສະຫລະ

ທ່ຽວບຸນວັດພູມໍລະດົກໂລກທີ່ແຂວງຈຳປາສັກ - lattana 1 - ທ່ຽວບຸນວັດພູມໍລະດົກໂລກທີ່ແຂວງຈຳປາສັກ

ບຸນວັດພູອັນເປັນມໍລະດົກ ໂລກທີ່ແຂວງຈຳປາສັກໃນປີນີ້ແມ່ນວັນທີ 31 ເດືອນມັງກອນ, ກົງກັບມື້ຂຶ້ນ 15 ຄ່ຳ ເດືອນ 3 ລາວ ແຕ່ໄດ້ມີການຄົບງັນມາແຕ່ ວັນທີ27, 28 ແລະ ເປັນໂອກາດ ພ້ອມດຽວກັນກັບບຸນນະມັດ ສະການພະທາດສີໂຄດຕະບອງ ຢູ່ ແຂວງຄຳມ່ວນ ແລະ ບຸນ ພະທາດໂຜ່ນແຂວງສະຫວັນ ນະເຂດ. ຖ້າທ່ານໃດມີແຜນ ໄປ ທ່ຽວທາງພາກກາງ ແລະ ພາກ ໃຕ້ກໍຖືວ່າປືນລູກດຽວຍິງນົກ ໄດ້ສາມໂຕ ຫລື ບໍ່ດັ່ງນັ້ນກໍຈະ ມີໂອກາດໄດ້ສຳພັດກັບຫລາຍສິ່ງຫລາຍຢ່າງຂອງແຂວງຄຳມ່ວນ, ສະຫວັນນະເຂດ ແລະ ຈຳປາສັກ, ບັນດາແຂວງທາງ ພາກກາງ ແລະ ພາກໃຕ້ໃນ ປັດ ຈຸບັນພວມມີການເລັ່ງລັດພັດ ທະນາກ້າວໄປຢ່າງບໍ່ຢຸດຢັ້ງ ພິເສດ, ໂຄງການທີ່ພວມຈະລົງ ມືກໍ່ສ້າງກໍແມ່ນເຂດເສດຖະກິດສະເພາະຢູ່ເມືອງທ່າແຂກ, ເຂດ ເສດຖະກິດພິເສດສະຫວັນເຊ ໂນ ແລະ ການນິມິດ ໃຫ້ມະຫາ ນະທີສີພັນດອນກາຍເປັນເມືອງສະຫວັນໃນອານາຄົດ.
ໃນປີທ່ອງທ່ຽວລາວ 2018 ນອກຈາກມີບຸນ ວັດພູ ແລ້ວ, ເວົ້າສະເພາະແຂວງຈຳ ປາສັກຍັງມີກິດຈະກຳ ແລະ ມີ ແຫລ່ງທ່ອງທ່ຽວທີ່ຫລາກ ຫລາຍເປັນຕົ້ນ: ບຸນຊ້າງ ພູອາ ສາທ້າຍເດືອນມັງກອນ, ເທດ ສະການບຸນໝາກໄມ້ວັນທີ 1 ພຶດສະພາ ແລະ ບຸນຊ່ວງເຮືອ ໃນງານອອກພັນສາ ສ່ວນວ່າ ແຫລ່ງທ່ອງທ່ຽວນັ້ນກໍມີ ສ່ວນ ດອກໄມ້ມົນຕາຕາມລະດູການ, ສວນໝາກໄມ້ທະນະທອນ, ສວນກາເຟປາກຊ່ອງໄຮແລນ, ຕາດຟານ, ຕາດເຢືອງ, ຕາດ ຜາສ້ວມ, ຕາດອີ່ຕູ້, ເຮືອນເທິງ ຕົ້ນໄມ້, ຂີ່ສາຍສະລິງດ່ານ ໜອງຫລວງເມືອງປາກຊ່ອງ, ຕາດຂະໜຶບປ່າສະຫງວນດົງ ຫົວສາວ, ບ້ານຂຽດໂງ້ງ, ນ້ຳ ຕົກຕາດຄອນພະເພັງ, ນ້ຳຕົກ ຕາດສົມມະມິດ, ເຂດມະຫານະ ທິສີພັນດອນ, ຫັດຖະກຳຕ່ຳ ແຜ່ນບ້ານສະຜ່າຍ ແລະ ຍັງມີ ວັດວາອາຮາມປູສະນີຍະສະ ຖານອັນເກົ່າແກ່ຫລາຍແຫ່ງ. ນອກຈາກສິ່ງທີ່ກ່າວມານີ້ແລ້ວ, ແຂວງຈຳປາສັກຍັງເປັນຈຸດ ໃຈກາງທາງເສດຖະກິດ-ວັດ ທະນະທຳສັງຄົມ ແລະ ການ ເມືອງໃນບັນດາແຂວງພາກໃຕ້ເຊັ່ນ: ສາລະວັນ, ເຊກອງ ແລະ ອັດຕະປື. ຄວາມອຸດົມສົມບູນ ໄປດ້ວຍອູ່ເຂົ້າອູ່ປາແມ່ນ້ຳລຳ ເຊ ແລະ ພູຜາປ່າໄມ້ທຳມະຊາດ ອັນສວຍສົດງົດງາມໄດ້ສ້າງ ເງື່ອນໄຂໃຫ້ແຂວງຈຳປາສັກມີການພັດທະນາຢ່າງໄວວາ ແລະ ອີກບໍ່ດົນເມືອງປາກເຊ ກໍຈະກາຍເປັນນະຄອນຢ່າງບໍ່ ຕ້ອງສົງໃສ, ທາງດ້ານສິລະປະ ວັດທະນະທຳກໍເຄີຍ ມີຊື່ສຽງ ໂດ່ງດັງດ້ວຍກອນຂັບ, ກອນ ລຳ, ການປະດິດຄິດແຕ່ງ. ເອກະ ລັກພິເສດສະເພາະກໍແມ່ນຂັບ ໂສມ, ລຳສີພັນດອນ ແລະ ໝໍ ລຳເລື່ອງຕໍ່ກອນໄດ້ເປັນຮາກ ເຫງົ້າແຫ່ງມູນເຊື້ອສິລະປະ ວັດທະນະທຳຂອງປະຊາຊົນ ບັນດາເຜົ່າ ແຂວງຈຳປາສັກ.

ທ່ຽວບຸນວັດພູມໍລະດົກໂລກທີ່ແຂວງຈຳປາສັກ - 12745785 1698618423751657 6338302860949542687 n - ທ່ຽວບຸນວັດພູມໍລະດົກໂລກທີ່ແຂວງຈຳປາສັກ
(ພາບປະກອບ)

+ ສະຫວັນນະເຂດເປີດປີທ່ອງທ່ຽວພ້ອມໆກັບງານບຸນນະມັດສະການພະທາດໂຜ່ນດ້ວຍບັນຍາກາດຟົດຟື້ນ

+ ສະຫວັນນະເຂດເປີດປີທ່ອງທ່ຽວພ້ອມໆກັບງານບຸນນະມັດສະການພະທາດໂຜ່ນດ້ວຍບັນຍາກາດຟົດຟື້ນ

ເຖິງຢ່າງໃດກໍດີ, ໃນອານາ ຄົດຕໍ່ໜ້າແຂວງຈຳປາສັກກໍຍັງມີຫລາຍອັນທີ່ຈະຕ້ອງໄດ້ປັບ ປຸງ ແລະ ແກ້ໄຂໃຫ້ການເປັນ ຈຸດໄຈກາງຂອງພາກໃຕ້ຢ່າງ ແທ້ຈິງ. ເປັນຕົ້ນຄວາມເປັນ ມາດຕະຖານຂອງສິນຄ້າ, ການ ບໍລິການໂທລະຄົມມະນາຄົມ ແລະ ການສື່ສານ, ການຂົນສົ່ງ ຕະຫລອດຖະໜົນຫົນທາງໄປ ຫາສະຖານທີ່ແຫລ່ງທ່ອງທ່ຽວກໍໃຫ້ສະດວກສະບາຍ, ຄ່າບໍລິ ການຕ່າງໆ ກໍໃຫ້ສົມເຫດສົມ ຜົນບໍ່ຄວນເຫັນແກ່ລາຍໄດ້ຂອງຜູ້ປະກອບການແຕ່ຢ່າງດຽວ ຕາມເຮົາວ່າທຸກສິ່ງທຸກຢ່າງຖ້າຫັນເຂົ້າສູ້ມາດຕະຖານແລ້ວ ແຂວງຈຳປາສັກຈະເປັນແຂວງ ໜຶ່ງທີ່ຮັ່ງມີຢູ່ພາກໃຕ້ຂອງ ເມືອງລາວ./.