ຕວກກີ ເຄື່ອນທັບບຸກ ຊີຣີ ເພື່ອກວາດລ້າງ ກອງກຳລັງ YPG ທີ່ ອາເມລິກາ ໜູນຫລັງ

ຕວກກີ ເຄື່ອນທັບບຸກ ຊີຣີ ເພື່ອກວາດລ້າງ ກອງກຳລັງ ypg ທີ່ ອາເມລິກາ ໜູນຫລັງ - advert banner 728 90 728x90 - ຕວກກີ ເຄື່ອນທັບບຸກ ຊີຣີ ເພື່ອກວາດລ້າງ ກອງກຳລັງ YPG ທີ່ ອາເມລິກາ ໜູນຫລັງ

ພາຍຫລັງ​ສົ່ງ​ທະຫານ​ເຂົ້າຜືນ​ແຜ່ນດິນ​ຊີຣີ​ເກືອບ 2 ອາທິດ ດ້ວຍ​ເຫດຜົນ​ບຸກ​ໂຈມ​ຕີ ​ເພື່ອ​ໃຫ້​ກຳລັງ​ບັນດາ​ຫົວໜ່ວຍ​ປົກ​ປ້ອງ​ປະຊາຊົນ​ຊາວ​ເຄຣີດ (YPG) ຖອນ​ອອກ​ຈາກ​ເຂດ​ອັບຣິນຂອງ​ຊີຣີ.

ຕວກກີ ເຄື່ອນທັບບຸກ ຊີຣີ ເພື່ອກວາດລ້າງ ກອງກຳລັງ ypg ທີ່ ອາເມລິກາ ໜູນຫລັງ - lattana 1 - ຕວກກີ ເຄື່ອນທັບບຸກ ຊີຣີ ເພື່ອກວາດລ້າງ ກອງກຳລັງ YPG ທີ່ ອາເມລິກາ ໜູນຫລັງ

ບັ້ນຮົບ​ງ່າ​ໂອ​ລີ​ວຂອງ​ກອງທັບ​ຕວກກີ​ເລີ່​ມ​ແຕ່​ວັນ​ທີ 20 ມັງກອນ​ຜ່ານ​ມາ, ຂໍ້​ຕົກລົງ​ທີ່​ໄດ້​ຍົກ​ອອກ​ມາ ພາຍຫລັງ​ອາ​ເມ​ລິ​ກາ​ແຈ້ງ​ໃຫ້​ຊາບ​ແຜນການ​ສ້າງຕັ້ງກຳລັງ​ປ້ອງ​ກັນ​ຄວາມ​ສະຫງົບ​ຢູ່​ເຂດ​ຊາຍ​ແດນ ​ເຊິ່ງຄາດ​ວ່າ​ຈະ​ຂະຫຍາຍ​ພົນທະຫານ 30.000 ຄົນ ຢູ່​ລຽບ​ຕາມ​ເສັ້ນຊາຍ​ແດນ​ທາງ​ພາກ​ເໜືອ​ຊີຣີຕິດ​ກັບ​ຕວກກີ, ​ໃນ​ນັ້ນມີ​ບັນດາ​ກົມ​ກອງ​ປົກ​ປ້ອງ​ປະຊາຊົນ​ຊາວ​ເຄຣີດ (YPG) ​ເປັນຕົ້ນ. ​ເລື່ອງ​ອາ​ເມ​ລິ​ກາ​ເພີ່ມ​ທະວີ​ການ​ໜູນ​ຫລັງ​ກຳລັງ​ຊາວ​ເຄຣີດທີ່​ຖືກ​ຕວກກີ​ຈັດ​ເຂົ້າບັນຊີ​ລາຍ​ຊື່​ກໍ່​ການ​ຮ້າຍ​ນັ້ນ ​ໄດ້​ເຮັດ​ໃຫ້​ຕວກກີ​ບໍ່ພໍ​ໃຈ ​ແລະ ຖື​ວ່າ​ແຜນການ​ດັ່ງກ່າວ​ຂອງ​ອາ​ເມ​ລິ​ກາ​ອາດ​ສາມາດ​ຊ່ວຍ​ໃຫ້​ຊາວ​ເຄຣີດສ້າງຕັ້ງລັດ​ໃໝ່​ຢູ່​ຄຽງ​ຂ້າງ​ຕວກກີ ​ແລະ ນາບ​ຂູ່​ເຖິງ​ຄວາມ​ສະຫງົບ​ປອດ​ໄພ​ຂອງ​ປະ​ເທດ​ນີ້.

​ເມືອງ​ອັບຣິນຕັ້ງຢູ່​ທິດຕາ​ເວັນ​ຕົກ​ສຽງ​ເໜືອ​ຂອງ​ຊີຣີ ຢູ່​ພາຍ​ໃຕ້​ການ​ຄວບ​ຄຸມ​ຂອງ YPG. ​ເລື່ອງ​ຕວກກີ​ຍິງ​ປືນ​ໃຫຍ່​ໃສ່​ອັບຣິນ ນອກຈາກ​ເປົ້າໝາຍ​ຜາບ​ແຜ້ລັດທິ​ກໍ່​ການ​ຮ້າຍ​ແລ້ວ ​ແມ່ນ​ຍັງ​ສະກັດ​ກັ້ນຊາວ​ເຄຣີດທ້ອນ​ໂຮມ 2 ​ເຂດ​ດິນ​ແດນ​ຢູ່​ທິດຕາ​ເວັນ​ຕົກ​ສຽງ​ເໜືອ ​ແລະ ທິດຕາ​ເວັນ​ອອກສຽງ​ເໜືອ​ເປັນ​ເອກະ​ພາບ ​ເພື່ອ​ສ້າງຕັ້ງລັດ​ປົກຄອງ​ດ້ວຍ​ຕົນ​ເອງ ຄື​ດັ່ງ​ທີ່​ຊາວ​ເຄຣີດ​ໄດ້​ປະ​ຕິ​ບັດ​ຢູ່​ອີຣັກ​ໃນ​ໄລຍະ​ຜ່ານ​ມາ.

ນັບ​ແຕ່​ກ່ອນ​ມາ​ຮອດ​ປັດຈຸບັນ, ຕວກກີ​ໄດ້​ຄັດຄ້ານ​ແນວ​ຄິດ​ກ່ຽວ​ກັບ​ອຳນາດ​ການ​ປົກຄອງ​ຊາວ​ເຄຣີດປົກຄອງ​ດ້ວຍ​ຕົນ​ເອງ​ຢູ່​ຊີຣີຢ່າງ​ແຮງ ຍ້ອນ​ຈ​ະ​ເປັນ​ການ​ລະດົມ​ກຳລັງ​ໃຈ​ໃຫ້​ຄວາ​ມມັກ​ໃຫຍ່​ໄຝ່ສູງ​ທີ່​ຄ້າຍຄື​ກັນ​ກັບ​ຊາວ​​ເຄຣີດຢູ່​ຕວກກີ.

ຖະ​ແຫລ​ງການ​ຂອງ​ຕວກກີ​ໄດ້​ເຮັດ​ໃຫ້​ຄວາມ​ຂັດ​ແຍ່ງ​ກັນ​ລະຫວ່າງ​ຕວກກີ​ກັບ​ອາ​ເມ​ລິ​ກາ​ເພີ່ມ​ທະວີ​ຂຶ້ນ ຍ້ອນ YPG ​ໄດ້​ຮັບ​ການ​ໜູນ​ຫລັງ​ຈາກ​ອາ​ເມ​ລິ​ກາ.