ລັດໄດ້ເງິນຈາກການແກ້ໄຂລົດນໍາເຂົ້າບໍ່ຖືກຕ້ອງກວ່າ 177 ຕື້ກີບ

ລັດໄດ້ເງິນຈາກການແກ້ໄຂລົດນໍາເຂົ້າບໍ່ຖືກຕ້ອງກວ່າ 177 ຕື້ກີບ - advert banner 728 90 728x90 - ລັດໄດ້ເງິນຈາກການແກ້ໄຂລົດນໍາເຂົ້າບໍ່ຖືກຕ້ອງກວ່າ 177 ຕື້ກີບ

​  ຜູ້ຮັກສາການ​ຫົວໜ້າ​ກົມ​ພາສີ ໃຫ້ຮູ້ວ່າ: ໃນ​ປີຜ່ານມາ, ຂະແໜງການຕົນ​ໄດ້​ເອົາໃຈ​ໃສ່​​ແກ້​ໄຂບັນຫາ​ການ​ນຳ​ເຂົ້າພາຫະນະ​ບໍ່​ຖືກຕ້ອງ​ໃນ​ທົ່ວ​ປະ​ເທດ​ໄດ້​ທັງ​ໝົດ 11.030 ຄັນ, ​ໃນ​ນີ້​ລົດ​ໃຫຍ່ 4.449 ຄັນ, ລົດຈັກ 6.581 ຄັນ ແລະ ສາມາດ​ເກັບ​ລາຍ​ຮັບ​ເຂົ້າງົບປະມານ​ໄດ້​ຫລາຍກວ່າ 177 ຕື້ກີບ,​ ໃນນັ້ນ​ຄ່າ​ພາສີ-ອາກອນຫລາຍກວ່າ 168 ຕື້ກີບ ​ແລະ ຄ່າ​ປັບ​ໄໝ 8,9 ຕື້ກວ່າກີບ ແລະ ຕໍ່ໜ້ານີ້, ຈະເພີ່ມມາດຕະການແກ້ໄຂສະພາບດັ່ງກ່າວໃຫ້ເຂັ້ມງວດ ເພື່ອເຮັດໃຫ້ການນໍາເຂົ້າພາຫະນະຖືກຕ້ອງຕາມລະບຽບກົດໝາຍ ແລະ ນໍາຜົນປະໂຫຍດມາສູ່ລັດ, ໂດຍສະເພາະເອົາໃຈໃສ່ປະຕິບັດແຈ້ງການຫ້ອງວ່າການ​ສຳນັກງານ​ນາຍົກລັດຖະມົນຕີວ່າດ້ວຍ​ການ​ແກ້​ໄຂ​ການ​ນຳ​ເຂົ້າລົດ​ບໍ່​ຖືກຕ້ອງ​ໃນ​​ທົ່ວ​ປະ​ເທດຢ່າງເຂັ້ມງວດ ຄື: ສືບຕໍ່​ສົມທົບ​ກັບ​ພາກສ່ວນ​ກ່ຽວຂ້ອງຕ່າງໆ​ລົງ​ເລິກ​ກວດກາ ​ແລະ ​ແກ້​ໄຂ​ລົດ​ນຳ​ເຂົ້າ​ບໍ່​ຖືກຕ້ອງ​ໃນ​ທົ່ວ​ປະ​ເທດຈຳນວນ 5.639 ຄັນ​ໃຫ້​ສຳ​ເລັດ. ສຳລັບ​ລົດ​ທີ່​ມີ​ກາ​ນລັກລອບ​ຈາກ​ປະ​ເທດ​ໃກ້​ຄຽງ​​ແລ້ວ​ນຳ​ເຂົ້າມາ​ຈຳໜ່າຍ​ຢູ່​ລາວ​ທີ່​ຜິດ​ກົດໝາຍ, ຖ້າ​ກວດ​ເຫັນ​ແມ່ນ​ໃຫ້​ຢຶດ ​ແລະ ປະຕິບັດ​ຕາມ​ລະບຽບ​ກົດໝາຍແລ້ວ​ນຳ​ສົ່ງ​ກັບ​ຄືນ​ປະ​ເທດ​ດັ່ງກ່າວ​ໂດຍ​ໃຫ້​ມີ​ການ​ມອບ-ຮັບ​ເປັນ​ທາງ​ການ. ສຳລັບ​ການ​ນຳ​ເຂົ້າລົດ​ທີ່​ມີ​ການ​ປອມ​ແປງ​ເອກະສານ​ແມ່ນ​ໃຫ້​ຍຶດ​ເປັນ​ຂອງ​ລັດ ​ແລະ ​ໃຫ້​ດຳ​ເນີນ​ມາດ​ຕະການ​ຕໍ່​ຜູ້​ກະທຳ​ຜິດ​ຕໍ່​ລະບຽບ​ຫລັກການ​ຢ່າງ​ເຂັ້ມງວດ, ຖ້າ​ບໍລິສັດ​ໃດ​ຫາກ​ກະທຳ​ຜິດ​ກໍ​ໃຫ້​ຖອນ​ໃບ​ທະບຽນ​ວິ​ສາ​ຫະກິດ​ຂອງ​ບໍລິສັດ​ດັ່ງກ່າວ.

ລັດໄດ້ເງິນຈາກການແກ້ໄຂລົດນໍາເຂົ້າບໍ່ຖືກຕ້ອງກວ່າ 177 ຕື້ກີບ - lattana 1 - ລັດໄດ້ເງິນຈາກການແກ້ໄຂລົດນໍາເຂົ້າບໍ່ຖືກຕ້ອງກວ່າ 177 ຕື້ກີບ

ທ່ານຮັກສາການກົມພາສີ ​ໃຫ້​ຮູ້​ວ່າ: ການ​ກວດກາການນຳ​ເຂົ້າພາຫະນະ​ໃນ​​ຜ່ານ​ມາ, ຂະແໜງ​ພາສີ​ໄດ້​ເອົາ​ໃຈ​ໃສ່​ຄຸ້ມ​ຄອງ​ຢ່າງຮັດກຸມ, ເພາະຖືເປັນພື້ນຖານ​ລາຍ​ຮັບ​ອັນ​ດັບ​ຕົ້ນໆຂອງຂະແໜງພາສີ, ​ແຕ່ກໍຍອມຮັບວ່າ​ສະພາບ​ການ​ລັກລອບ​ນຳ​ເຂົ້າພາຫະນະ​ຍັງ​ມີ​ແຜ່​ຫລາຍ ​ເປັນຕົ້ນ: ການ​ນຳ​ເຂົ້າລົດ​ທ່ອງ​ທ່ຽວ​ຢ້ຽມຢາມ (ບ53) ປັດຈຸບັນ​ລົດ​ທີ່​ນຳ​ເຂົ້າມາ​ທ່ອງ​ທ່ຽວ​ແມ່ນ​ຕົກ​ຄ້າງ​ໃນ​ບັນຊີ​ບໍ່​​ອອກ​ຄືນ​ເປັນ​ຈຳນວນ​ຫລາຍ​ພັນ​ຄັນ. ສາ​ເຫດ​ໜຶ່ງ​​ເກີດ​ຈາກ​ລະບົບ​ເອ​ເລັກ​ໂຕຣນິກການ​ຄຸ້ມ​ຄອງ​ລົດ​ດັ່ງກ່າວ​ຂອງ​ບັນດາ​ດ່ານ​ພາສີ​ຍັງ​ບໍ່​ທັນ​ເຊື່ອມ​ຈອດ​ກັນ, ອີກ​ສາ​ເຫດ​ໜຶ່ງ​ແມ່ນ​ຍ້ອນ​ມີ​ຜູ້​ສວຍ​ໃຊ້​ໂອກາດ​ນຳ​ເຂົ້າມາ​ແລ້ວ​ຂາຍ​​ໄປ​ເຮັດ​ໃຫ້​ເກີດ​ປາກົດການ​ຫຍໍ້​ທໍ້ ​ເພື່ອ​ແກ້​ໄຂ​ບັນຫາ​ດັ່ງກ່າວກົມ​ພາສີ​ໄດ້​ມີ​ມາດ​ຕະການຄື​ປັບປຸງ ​ແລະ ພັດທະນາ​ລະບົບ ບ53 ຢູ່​ບັນດາ​ດ່ານ, ປະສານ​ສົມທົບ​ກັບ​ຂະ​ແໜງ​ການ​ກ່ຽວຂ້ອງ​ການ​ນຳພາ​ຫະນະ​ທ່ອງ​ທ່ຽວ​ຢ້ຽມຢາມ​ຕ້ອງ​ໄດ້​ກວດກາ​ເອກະສານ​ລົດ​ໃຫ້​ຖືກຕ້ອງ​ກັບ​ຜູ້​ຂັບ​ຂີ່​ນຳ​ເຂົ້າ ​ແລະ ຕ້ອງ​ໄດ້​ປະກອບ​ເອກະສານ​ໃບ​ຄ້ຳປະກັນ ​ເພື່ອ​ເປັນ​ຂໍ້​ມູນ​ໃນ​ການ​ຕິດຕາມ​ຊອກ​ຫາ​ໃນ​ເວລາ​ບໍ່​ນຳ​ລົດ​ອອກ​ຄືນປະເທດ.