ເຈົ້າໜ້າທີ່​ຍອມຮັບ​ການ​ໂຄສະນາ​ຫລຸດຜ່ອນ​ອຸປະຕິ​ເຫດ​ຍັງ​ເຮັດ​ໄດ້ໜ້ອຍ

ເຈົ້າໜ້າທີ່​ຍອມຮັບ​ການ​ໂຄສະນາ​ຫລຸດຜ່ອນ​ອຸປະຕິ​ເຫດ​ຍັງ​ເຮັດ​ໄດ້ໜ້ອຍ - advert banner 728 90 728x90 - ເຈົ້າໜ້າທີ່​ຍອມຮັບ​ການ​ໂຄສະນາ​ຫລຸດຜ່ອນ​ອຸປະຕິ​ເຫດ​ຍັງ​ເຮັດ​ໄດ້ໜ້ອຍ

ວຽກງານ​ໂຄສະນາ, ​ເປັນ​ວຽກງານໜຶ່ງທີ່​ສຳຄັນ​ໃນ​ການ​ເຜີຍ​ແຜ່​ລະບຽບກົດໝາຍຈະລາຈອນ ​ເພື່ອ​ເຮັດ​ໃຫ້​ສັງຄົມ​ມີ​ຄວາມ​ເຂົ້າ​ໃຈ ​ແລະ ປະຕິບັດ​​ໃຫ້​ເຂັ້ມ​ງວດ​, ແນ​ໃສ່ຫລຸດຜ່ອນ​ບັນຫາ​ອຸປະຕິ​ເຫດ ​​ແລະ ​ໃນໄລຍະ​ຜ່ານ​ມາ, ​ເຖິງ​ວ່າ​ເຈົ້າໜ້າທີ່​ຈະລາ​ຈອນ​ກໍ​ໄດ້​ເອົາ​ໃຈ​ໃສ່​​ເຮັດ​ວຽກດັ່ງກ່າວຕາມ​ສະຖານ​ທີ່​ຕ່າງໆ ​ແຕ່​ກໍ​ບໍ່ສາມາດ​ຢັບຢັ້ງບັນຫາ​ອຸປະຕິ​ເຫດ​ລົງ​ໄດ້, ດັ່ງທ່ານພັນ​ຕີ ສັງຄົມ ພົມ​ມະ​ລາດ ຮອງ​ຫົວໜ້າພະ​ແນ​ກຈະລາຈອນນະຄອນຫລວງ​ວຽງຈັນ ​​ໃຫ້​ຮູ້​ວ່າ: ​ໃນ​ປີຜ່ານ​ມາ, ​ເຈົ້າໜ້າທີ່​ຕຳຫລວດ​ຈະລາຈອນໄດ້​ສຸມ​ໃສ່​ລົງ​ໂຄສະນາ​ເຜີຍ​ແຜ່​ລະບຽບກົດໝາຍກ່ຽວກັບ​ການ​ສັນຈອນ​ຕາມ​ສຳນັກງານ​ອົງການ, ​ໂຮງ​ຈັກ-​ໂຮງງານ ​ແລະ ກຸ່ມ​ບ້ານຕ່າງໆຫລາຍ​ເຖິງ 800 ກວ່າ​ຄັ້ງ, ມີ​ຜູ້​ເຂົ້າ​ຮ່ວມ​ກວ່າ 12 ພັນ​ຄົນ, ​​ແຕ່​ເມື່ອ​ທຽບກັບ​ຄວາມ​ຕ້ອງການ​ຕົວ​ຈິງ​ແລ້ວ​ແມ່ນ​ຍັງ​ເຮັດ​ໄດ້ໜ້ອຍ ​ແລະ​ ຍັງ​ບໍ່ສາມາດ​ຫລີກ​ລ່ຽງບັນຫາ​ການ​ເກີດ​ອຸປະຕິ​ເຫດ​ຫລຸດ​ລົງ​ໄດ້.

ເຈົ້າໜ້າທີ່​ຍອມຮັບ​ການ​ໂຄສະນາ​ຫລຸດຜ່ອນ​ອຸປະຕິ​ເຫດ​ຍັງ​ເຮັດ​ໄດ້ໜ້ອຍ - lattana 1 - ເຈົ້າໜ້າທີ່​ຍອມຮັບ​ການ​ໂຄສະນາ​ຫລຸດຜ່ອນ​ອຸປະຕິ​ເຫດ​ຍັງ​ເຮັດ​ໄດ້ໜ້ອຍ

ທ່ານ​ຮອງ​ພະ​ແນ​ກຈະລາຈອນ ​ໃຫ້​ຮູ້​ວ່າ: ​ໃນ​ປີຜ່ານມາ, ຢູ່ນະຄອນຫລວງ​ວຽງຈັນມີ​ອຸປະຕິ​ເຫດ​ເກີດ​ຂຶ້ນ 1.547 ກໍລະນີ, ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 251 ຄົນ, ທຽບ​ໃສ່​ປີ 2016 ເພີ່ມ​ຂຶ້ນ 37 ​ເລື່ອງ, ສາ​ເຫດ​ຂອງ​ການ​ເກີດ​ອຸປະຕິ​ເຫດ​ສ່ວນ​ຫລາຍ​ແມ່ນ​ບໍ່ປະຕິບັດ​ກົດ​ລະບຽບຈະລາຈອນ ​ເປັນ​ຕົ້ນ: ຂີ່​ລົດ​ໄວ, ​ແຊງ​ບໍ່ຮັບປະກັນ ​ແລ​ະ ບັນຫາ​ຕົ້ນຕໍ​ແມ່ນ​ດື່ມ​ສິ່ງ​ມືນ​ເມົາ​ແລ້ວ​ຂັບ​ຂີ່​ລົດ.

ທ່ານພັນ​ຕີ ສັງຄົມ ພົມ​ມະ​ລາດ ​ໃຫ້​ຮູ້​ວ່າ: ​ເພື່ອ​ເຮັດ​ໃຫ້​ບັນຫາ​ການ​ເກີດ​ອຸປະຕິ​ເຫດຢູ່​ຕາມ​ທ້ອງ​ຖະໜົນ ​ແລະ ຜູ້​ເສຍ​ຊີວິດ​ຫລຸດ​ລົງ, ຈະ​ຕ້ອງ​ໄດ້ເພີ່ມ​ທະວີ​ການ​​ໂຄສະນາ​ປຸກລະດົມ​ສັງຄົມ​ໃຫ້​ມີ​ສ່ວນ​ຮ່ວມ​ຫລາຍ​ຂຶ້ນ​ໃນ​ການ​ສະກັດ​ກັ້ນ​ອຸປະຕິ​ເຫດ ​ເປັນ​ຕົ້ນ: ຈະ​ລົງ​ໂຄສະນາ​ຢູ່​ຕາມ​ຈຸດ​ຕ່າງໆຂອງບັນດາ​ເສັ້ນທາງ​ທີ່​ມີ​ຄວາມ​ສ່ຽງກໍ່​ໃຫ້​ເກີດ​ອຸປະຕິ​ເຫດ​ຫລາຍ​ຄື: ​ເສັ້ນທາງ​ເລກ 13 ທັງ​ໃຕ້ ​ແລະ ​ເຫນືອ, ​ທາງເລກ 10, ເສັ້ນທາງເລກ 11 ເມືອງສັງ​ທອງ​ເລີ່​ມ​ແຕ່​ບ້ານ​ນາ​ສຳພັນ​ນາຫາບ້ານ​ຫວຍ​ຫາງ ​​ແລະ ​ເສັ້ນທາງ​ອື່ນໆໃຫ້​ເປັນ​ປົກະຕິ.