ຍີ່ປຸ່ນສືບຕໍ່ໃຫ້ການຊ່ວຍເຫຼືອການພັດທະນາຄວາມອາດສາມາດຂອງຄົນພິການທາງສະຕິປັນຍາ

ຍີ່ປຸ່ນສືບຕໍ່ໃຫ້ການຊ່ວຍເຫຼືອການພັດທະນາຄວາມອາດສາມາດຂອງຄົນພິການທາງສະຕິປັນຍາ - advert banner 728 90 728x90 - ຍີ່ປຸ່ນສືບຕໍ່ໃຫ້ການຊ່ວຍເຫຼືອການພັດທະນາຄວາມອາດສາມາດຂອງຄົນພິການທາງສະຕິປັນຍາ

ພິທີລົງນາມການຊ່ວຍເຫຼືອລ້າ ເພື່ອສະໜັບສະໜູນການພັດທະນາຄວາມອາດສາມາດຂອງຄົນພິການທາງສະຕິປັນຍາ ຢູ່ລາວ, ລວມມູນຄ່າ 195,689 ໂດລາສະຫະລັດ, ໄດ້ມີຂຶ້ນໃນວັນທີ 31 ມັງກອນນີ້, ທີ່ນະຄອນຫຼວງວຽງຈັນ ລະຫວ່າງທ່ານ ຄູໂນະ ຄາຊູຣິໂລະ ອຸປະທູດຍີ່ປຸ່ນ ປະຈໍາລາວ ແລະ ທ່ານນາງ ໂທມິໂກະ ມາເອຈິມະ ປະທານອົງການພັດທະນາຄົນພິການອາຊີ (ADDP) ຊຶ່ງເປັນອົງການຈັດຕັ້ງທີ່ບໍ່ຂຶ້ນກັບລັດຖະບານຍີ່ປຸ່ນ ແລະ ທ່ານປະທານສະມາຄົນຄົນພິການປະເທດລາວ.

ຍີ່ປຸ່ນສືບຕໍ່ໃຫ້ການຊ່ວຍເຫຼືອການພັດທະນາຄວາມອາດສາມາດຂອງຄົນພິການທາງສະຕິປັນຍາ - lattana 1 - ຍີ່ປຸ່ນສືບຕໍ່ໃຫ້ການຊ່ວຍເຫຼືອການພັດທະນາຄວາມອາດສາມາດຂອງຄົນພິການທາງສະຕິປັນຍາ

ໂຄງການ “ພັດທະນາຊີວິດການເປັນຢູ່ໃຫ້ແກ່ຜູ້ພິການທາງສະຕິປັນຍາຢູ່ລາວ” ນີ້ເປັນປີທີ 2 ຂອງໂຄງການຊ່ວຍເຫຼືອດັ່ງກ່າວ ເພື່ອແນໃສ່ປັບປຸງການດໍາລົງຊີວິດປະຈໍາວັນ, ຝຶກອົບຮົມວິຊາຊີບ, ສ້າງແບບຢ່າງໃນການເຮັດວຽກທີ່ດີໃຫ້ເຂົາເຈົ້າ ແລະ ເສີມສ້າງຄວາມຮັບຮູ້ໃຫ້ແກ່ສັງຄົມໄດ້ເຂົ້າໃຈເຖິງຄວາມເປັນໄປໄດ້ໃນການເພິ່ງພາຕົນຂອງຄົນພິການທາງສະຕິປັນຍາ. ໂດຍການຮ່ວມມືຈາກສະມາຄົມຄົນພິການແຫ່ງ ສປປ ລາວ (LDPA) ແລະ ຜູ້ປົກຄອງຂອງຜູ້ພິການທາງສະຕິປັນຍາ.

ອົງການ ADDP, ໄດ້ເຄື່ອນໄຫວກິດຈະກໍາການຊ່ວຍເຫຼືອຜູ້ພິການໃນລາວ ມາແຕ່ປີ 1995 ເປັນຕົ້ນມາ, ພາຍໃຕ້ການສະໜັບສະໜູນທຶນຈາກລັດຖະບານຍີ່ປຸ່ນ ຕັ້ງແຕ່ປີ 2011 ແລະ ອົງການໄດ້ຈັດຕັ້ງປະຕິບັດໂຄງການຕ່າງໆ ເພື່ອເສີມສ້າງຄວາມອາດສາມາດຂອງຜູ້ພິການທາງກາຍະພາບໃນນະຄອນຫຼວງວຽງຈັນ ແລະ ແຂວງຫົວພັນ ແລະ ອົງການ ADDP ກໍໄດ້ປະກອບສ່ວນເຂົ້າໃນການພັດທະນາສະພາບແວດລ້ອມການດໍາເນີນຊີວິດຂອງຜູ້ພິການໃນລາວໄດ້ຢ່າງເຂັ້ມແຂງມາ.