ລາວພຣີເມຍລີກຈະເລີ່ມແຂ່ງຂັນ ທ້າຍເດືອນນີ້ໂດຍມີ 8 ທີມເຂົ້າຮ່ວມ

ລາວພຣີເມຍລີກຈະເລີ່ມແຂ່ງຂັນ ທ້າຍເດືອນນີ້ໂດຍມີ 8 ທີມເຂົ້າຮ່ວມ - advert banner 728 90 728x90 - ລາວພຣີເມຍລີກຈະເລີ່ມແຂ່ງຂັນ ທ້າຍເດືອນນີ້ໂດຍມີ 8 ທີມເຂົ້າຮ່ວມ

ໃນວັນທີ 31 ມັງກອນ 2018 ທີ່ຫ້ອງປະຊຸມ ຊັ້ນ 3 ສະຫະພັນບານເຕະແຫ່ງຊາດລາວ(ສຕລ) ໄດ້ຈັດກອງປະຊຸມປຶກສາຫາລືການກະກຽມແຂ່ງຂັນ ບານ​ເຕະລາວພຣີເມຍລີກ 2018 ຂຶ້ນ​​ໃນ​ທ້າຍ​ເດືອນ​ກຸມພາ​ນີ້ ໂດຍພາຍໃຕ້ການເປັນປະທານຂອງທ່ານ ວີເພັດ ສີຫາຈັກ ປະທານ ສຕລ ພ້ອມດ້ວຍທ່ານ ສົມສະນຸກ ລຽນສະຫວັນ ຮອງເລຂາທິການ, ທ່ານ ໂພທອນ ຖານະວະດີ ຫົວໜ້າພະແນກຈັດການແຂ່ງຂັນ, ມີ​ບັນດາປະທານສະໂມສອນ, ຕາງໜ້າສະໂມສອນທີ່ເຂົ້າຮ່່ວມການແຂ່ງຂັນ ລາວພຣີເມຍລີກ 2018 .

ລາວພຣີເມຍລີກຈະເລີ່ມແຂ່ງຂັນ ທ້າຍເດືອນນີ້ໂດຍມີ 8 ທີມເຂົ້າຮ່ວມ - lattana 1 - ລາວພຣີເມຍລີກຈະເລີ່ມແຂ່ງຂັນ ທ້າຍເດືອນນີ້ໂດຍມີ 8 ທີມເຂົ້າຮ່ວມ

ສຳລັບການແຂ່ງຂັນ ບານ​ເຕະລາວ ພຣີເມຍລີກ 2018 ​ແມ່ນ​ຈະ​ເລີ່​ມ​ແຂ່ງ​ຂັນ​ແຕ່​ວັນ​ທີ 24 ກຸມພາ​ເປັນ​ຕົ້ນ​ໄປ ມີທີມເຂົ້າຮ່ວມທັງໝົດ 8 ທີມ ປະກອບມີ: ສະໂມສອນ ລາວໂຕໂຢຕາ ເອັຟຊີ (LAO TOYOTA FC), ສະໂມສອນ ປກສ ເອັຟຊີ (LAO POLICE FC), ສະໂມສອນ ດີເຄ ເອັຟຊີ (DK FC), ສະໂມສອນ ສະຫວັນ ຢູໄນເຕັດ (SAVAN UNITED), ສະໂມສອນ ຊ້າງນ້ອຍ ເອັຟຊີ (YOUNG ELEPHANT FC), ສະໂມສອນ ກອງທັບ ເອັຟຊີ (LAO ARMY FC), ສະໂມສອນ ມາສເຕີ້ ເຊເວັນ ເອັຟຊີ (MASTER 7 FC), ສະໂມສອນ ຫລວງພະບາງ ຢູໄນເຕັດ (LUANGPRABANG UNITED).

ສ່ວນຮູບແບບການແຂ່ງຂັນ ​ບານ​ເຕະລາວ ພຣີເມຍລີກ ​ແມ່ນແຂ່ງຂັນໄປ-ກັບ
ເຊິ່ງໃຊ້ສະໜາມແຂ່ງຂັນທັງໝົດ 4 ສະໜາມຄື: ສະໜາມກິລາແຫ່ງຊາດຫລັກ 16, ສະໜາມກິລາ ມຊ, ສະໜາມກິລາແຂວງສະຫວັນນະເຂດ ແລະ ສະໜາມກິລາແຂວງຫລວງພະບາງ.

ຂະນະ​ທີ່ເງິນລາງວັນອັນດັບ 1 ແມ່ນຈະໄດ້ຮັບເງິນລາງວັນ 300 ລ້ານກີບ ພ້ອມຂັນຊະນະເລີດ 1 ໜ່ວຍ, ອັນດັບທີ 2 ຈະໄດ້ຮັບເງິນລາງວັນ 200 ລ້ານກີບ, ອັນດັບທີ 3 ຈະໄດ້ຮັບເງິນລາງວັນ 100 ລ້ານກີບ ແລະ ລາງວັນອື່ນໆອີກເຊັ່ນ: ກຳມະການດີເດັ່ນ, ນັກກິລາທີ່ຍິງປະຕູສູງສຸດ ແລະ ຄູຝຶກດີເດັ່ນ, ສ່ວນທີມທີ່ເຂົ້າຮ່ວມ ລາວພຣີເມຍລີກ ຈະໄດ້ຮັບໝາກບານ 20 ໜ່ວຍ, ສະໂມສອນທີ່ໄດ້ເປັນແຊ້ມ ຫລື ຮອງແຊ້ມລາວ ພຣີເມຍລີກ ຈະໄດ້ເປັນຕົວແທນສະໂມສອນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC CUP, TOYOTA MEKONG CLUB CHAMPIONSHIP ຫລື ລາຍການອື່ນໆທີ່ຖືກຮັບເຊີນ, ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.