ອາເມລິກາຂຶ້ນບັນຊີດຳ ຫົວໜ້າກຸ່ມຮາມັດ

ອາເມລິກາຂຶ້ນບັນຊີດຳ ຫົວໜ້າກຸ່ມຮາມັດ - advert banner 728 90 728x90 - ອາເມລິກາຂຶ້ນບັນຊີດຳ ຫົວໜ້າກຸ່ມຮາມັດ

ລັດຖະບານ​ອາ​ເມ​ລິ​ກາ​ປະກາດ​ວ່າ: ທ່ານ ອິສມາ​ອິລ ຮາ​ນິ​ເຍາະ ຫົວໜ້າ​ກຸ່ມ​ຮາ​ມັດ ຖື​ເປັນ​ຜູ້​ກໍ່ການ​ຮ້າຍ ການ​ເຄື່ອນ​ໄຫວ​ທີ່​ຈະ​ເຮັດ​ໃຫ້​ສະຖານະ​ການ​ໃນ​ຕາ​ເວັນ​ອອກ​ກາງ​ຮ້າຍ​ແຮງ​ຍິ່ງ​ຂຶ້ນ.

ອາເມລິກາຂຶ້ນບັນຊີດຳ ຫົວໜ້າກຸ່ມຮາມັດ - lattana 1 - ອາເມລິກາຂຶ້ນບັນຊີດຳ ຫົວໜ້າກຸ່ມຮາມັດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 31 ມັງກອນຜ່ານ​ມາ​ວ່າ: ກະຊວງ​ການ​ຕ່າງປະ​ເທດ​ອາ​ເມ​ລິ​ກາອອກ​ຖະ​ແຫລ​ງການ​ ຂຶ້ນບັນຊີ​ດຳ​ທ່ານ ອິສມາ​ອິລ ຜູ້ນຳ​ສູງ​ສຸດ​ຂອງ​ກຸ່ມ​ຮາ​ມັດ ມີ​ສະຖານະ​ເປັນ “ຜູ້​ກໍ່​ການ​ຮ້າຍ” ​ໂດຍ​ລະບຸ​ອີກ​ວ່າ: ທ່ານ ຮາ​ນິ​ເຍາະ ອາຍຸ 55 ປີ ​ເຊິ່ງ​ໄດ້​ຮັບ​ການ​ແຕ່ງຕັ້ງ​ໃນ​ເດືອນ​ພຶດສະພາ​ປີຜ່ານມາ ມີ​ການ​ພົວພັນ​ໃກ້ຊິດ​ກັບ​ກອງ​ກຳລັງ​ຕິດ​ອາວຸດ​ຂອງ​ກຸ່ມ​ຮາ​ມັດ ​ແລະ ຢູ່​ເບື້ອງຫລັງ​ເຫດການ​ໂຈມ​ຕີ​ດ້ວຍ​ອາວຸດ​ຕໍ່​ພົນລະ​ເຮືອນ​ອິດສະ​ລາ​ແອນ ​ແລະ ການ​ກໍ່​ການ​ຮ້າຍ​ທີ່​ຂ້າ​ຊີວິດ​ຄົນ​ອາ​ເມ​ລິ​ກາ​ແລ້ວ 17 ຄົນ.

​ເຖິງ​ຢ່າງ​ໃດ​ກໍ​ຕາມ, ທ່ານ ຮານິ​ເຍາະ ມີ​ຊື່​ຢູ່​ໃນ​ບັນຊີ​ດຳ​ຂອງ​ກະຊວງ​ການ​ເງິນ​ອາ​ເມ​ລິ​ກາ​ຢູ່​ແລ້ວ ທີ່​ເປັນ​ການ​ອາ​ຍັດ​ຊັບ​ສິນ​ເຊິ່ງມີ​ຢູ່​​ໃນ​ອາ​ເມ​ລິ​ກາ ​ແລະ ການ​ຫ້າມ​ຄົນ​ອາ​ເມ​ລິ​ກາ​ຕິດ​ຕໍ່​ເຮັດ​ທຸລະ​ກຳ​ຮ່ວມກັບ​ອີກ​ຝ່າຍ. ຂະນະ​ທີ່​ກຸ່ມ​ຮາ​ມັດ​ຢູ່​ໃນ​ບັນຊີ​ດຳ​ຂອງ​ລັດຖະບານ​ວໍ​ຊິງ​ຕັນ​ມາ​ແຕ່​ປີ 1996.

ສ່ວນ​ກຸ່ມ​ຮາ​ມັດ​ອອກ​ຖະ​ແຫລ​ງການ​ຕອບ​ໂຕ້​ການ​ຂຶ້ນບັນຊີ​ດຳ​ທ່ານ ຮາ​ນິ​ເຍາະ ​ເປັນ​ຜູ້​ກໍ່​ການ​ຮ້າຍ​ວ່າ: ອາ​ເມ​ລິ​ກາ​ລ່ວງ​ລ້ຳຫລາຍ​ເກີນ​ໄປ ​ແລະ ປຸກລະດົມ​ການ​ລຸກ​ຮື້ອິນ​ຕິ​ຟາ​ດາ​ຄັ້ງ​ໃໝ່ ​​ເຊິ່ງ​ເປັນ​ຫົນທາງ​ດຽວ​ທີ່​ຈະ​ສາມາດ​ຕໍ່ສູ້​ກັບ​ນະ​ໂຍບາຍ​ໄຊ​ອໍ​ນິສ ທີ່​ສະໜັບສະໜູນ​ໂດຍ​ອາ​ເມ​ລິ​ກາ​ໄດ້. ທັງ​ນີ້ ການ​ເຄື່ອນ​ໄຫວ​ດັ່ງກ່າວ​ມີ​ທ່າ​ອ່ຽງຍິ່ງ​ເພີ່ມ​ຄວາມ​ເຄັ່ງ​ຕຶງ​ໃຫ້​ແກ່​ສະຖານະ​ການ​ໃນ​ຕາ​ເວັນ​ອອກ​ກາງ, ຫລັງ​ອາ​ເມ​ລິ​ກາ​ຢືນຢັນ​ການ​ຍ້າຍ​ສະຖານ​ເອກ​ອັກຄະ​ລັດຖະທູດ​ຈາກ​ນະຄອນຫລວງ​ເທ​ວອາ​ວີ​ບ​ໄປ​ນະຄອນຫລວງ​ເຢລູຊາ​ເລ​ມ ​ໃນ​ປີ 2019 ຕາມ​ການ​ປະກາດ​ຮັບຮອງ​ສະຖານະນະຄອນ​ສັກສິດ​ແຫ່ງ​ນີ້ ​​ໃຫ້​ເປັນ​ເມືອງ​ຫລວງ​ຂອງ​ອິດສະ​ລາ​ແອນ​ພຽງ​ຝ່າຍ​ດຽວ ​ໃນ​ເດືອນ​ທັນວາ​ປີຜ່ານມາ.