ມຽນມາເລັ່ງຜະລິດກະແສໄຟຟ້າເພີ່ມ 2 ເທົ່າໃນ 4 ປີ

ມຽນມາເລັ່ງຜະລິດກະແສໄຟຟ້າເພີ່ມ 2 ເທົ່າໃນ 4 ປີ - advert banner 728 90 728x90 - ມຽນມາເລັ່ງຜະລິດກະແສໄຟຟ້າເພີ່ມ 2 ເທົ່າໃນ 4 ປີ

ລັດຖະບານ​ມຽນມາກຳລັງ​ວາງ​ແຜນ​ຜະລິດ​ກະ​ແສ​ໄຟຟ້າ​ເພີ່ມ​ເປັນ 2 ​ເທົ່າ ພາຍ​ໃນ​ປີ 2022 ດ້ວຍ​ການ​ສ້າງ​ໂຮງງານ​ຜະລິດ​ທີ່​ໃຊ້​ເຊື້ອ​ໄຟ​ແກັສທຳ​ມະ​ຊາດ ​ເຊິ່ງ​ເປັນ​ແຜນການ​ໃຫຍ່​ເພື່ອ​ແກ້​ໄຂ​ບັນຫາ​ຂາດ​ເຂີນ​ພະລັງງານ​ພາຍ​ໃນ​ປະ​ເທດ.

ມຽນມາເລັ່ງຜະລິດກະແສໄຟຟ້າເພີ່ມ 2 ເທົ່າໃນ 4 ປີ - lattana 1 - ມຽນມາເລັ່ງຜະລິດກະແສໄຟຟ້າເພີ່ມ 2 ເທົ່າໃນ 4 ປີ

ສຳນັກ​ຂ່າວຣອຍ​ເຕີ​ລາຍ​ງານ​ຈາກ​ເມືອງ​ຢາງ​ກຸ້ງ ປະ​ເທດ​ມຽນມາ ​ໃນ​ວັນ​ທີ 31 ມັງກອນ​ຜ່ານ​ມາ​ວ່າ: ຄົນ​ມຽນມາ​ພຽງ​ແຕ່ 1 ​ໃນ 3 ຂອງ​ປະຊາກອນ​ທົ່ວ​ປະ​ເທດ 60 ລ້ານ​ຄົນ ທີ່​ເຊື່ອມຕໍ່​ກັບ​ເຄືອ​ຂ່າຍ​ໄຟຟ້າ ​ແລະ ​ເມືອງ​ຕ່າງໆ ປະສົບ​ບັນຫາ​ໄຟຟ້າ​ມອດ, ມຽນມາ​ຈຳ​ເປັນ​ຕ້ອງ​ເພີ່ມ​ປະລິມານ​ພະລັງງານ ​ເພື່ອ​ດຶງ​ດູດ​ການ​ລົງທຶນ​ຕ່າງປະ​ເທ​ດທີ່ຈຳ​ເປັນ.

​ທ່ານ ​ໂຊ ມາ​ຍິນ ຮອງ​ຫົວໜ້າ​ກະຊວງ​ການ​ໄຟຟ້າ ​ແລະ ພະລັງງານ​ມຽນມາ ​ເປີດ​ເຜີຍ​ໃນ​ວັນ​ທີ 31 ມັງກອນ​ວ່າ: ຕາມ​ແຜນ​ຈະ​ມີ​ການ​ສ້າງ​ໂຮງງານ​ຜະລິດ​ກະ​ແສ​ໄຟຟ້າ​ດ້ວຍ​ເຊື້ອ​ໄຟ​ແກັສທຳ​ມະ​ຊາດ 4 ​ແຫ່ງ ​ໃນ​ຫລາຍ​ພື້ນທີ່​ຂອງ​ປະ​ເທດ ພາຍ​ໃນ​ປີ 2022 ດ້ວຍ​ຄ່າ​ໃຊ້​ຈ່າຍ​ທັງ​ໝົດ 5.160 ລ້ານ​ໂດ​ລາ​ສະຫະລັດ. ​ໂຮງງານ​ເຫລົ່າ​ນີ້​ຈະ​ຜະລິດ​ກະ​ແສ​ໄຟຟ້າ​ໄດ້ 3.100​ ​ເມ​ກາ​ວັດ ​ແລະ​ ຈະ​ເພີ່ມ​ກຳລັງ​ການ​ຜະລິດ​ໃນ​ປັດຈຸບັນ​ເປັນ 2 ​ເທົ່າ ຈາກ​ປະມານ 3.000 ​ເມ​ກາ​ວັດ.

ທ່ານ ຊໍ ວິນ ​ເນັງ ຮອງ​ລັດຖະມົນຕີ​ກະຊວງ​ການ​ໄຟຟ້າ ​ແລະ ພະລັງງານ ກ່າວ​ວ່າ: ​ໂຮງງານ 2 ​ໃນ 4 ​ແຫ່ງ​ຈະ​ສ້າງ​ໃນ​ລັດ​ຍະ​ໄຂ່ ທາງ​ພາກ​ຕາ​ເວັນ​ຕົກ ​ແລະ ​ເມືອງ​ຢາງ​ກຸ້ງ ​ເມືອງ​ໃຫຍ່​ສຸດ​ຂອງ​ປະ​ເທດ ​ແລະ ລັດຖະບານ​ຈະ​ຊື້​ໄຟຟ້າ​ຈາກ 6  ບໍລິສັດ​ຄູ່​ສັນຍາ ​ໂດຍ​ລັດຖະບານ​ກຳລັງ​ເຈລະຈາ​ກັບ​ຫລາຍ​ບໍລິສັດ​ເອກະ​ຊົນ ​ເພື່ອ​ຮ່າງ​ຂໍ​້ຕົກລົງ​ຈັດ​ຊື້ພະລັງງານ.